![1651589423-ვოლოდიმირ-ზელენსკი-2](https://geotimes.ge/wp-content/uploads/2023/10/1651589423-volodimir-zelenski-2.jpg)
დასავლელი პარტნიორების მხრიდან იმ იარაღის მიწოდების დაყოვნება, რომელიც უკრაინას რუსი ოკუპანტებისგან თავდასაცავად სჭირდება – ასე უპასუხა უკრაინის პრეზიდენტმა ვოლოდიმირ ზელენსკიმ ჟურნალისტის კითხვა, თუ რა იყო ბოლო ორი წლის განმავლობაში მისთვის ყველაზე დიდი იმედგაცრუება.
„იმედგაცრუებული ვარ, რადგან ეს დროის და ადამიანების დაკარგვას ნიშნავს. ეს ჩემი ყველაზე დიდი იმედგაცრუებაა“, – თქვა ზელენსკიმ პრესკონფერენციაზე.
მისი განმარტებით, ეს უკრაინას ართმევს თავდაცვის შესაძლებლობას და ომს ახანგრძლივებს, რაც თავის მხრივ, მეტ მსხვერპლს ნიშნავს როგორც სამხედროებში, ისე სამოქალაქო პირებში, მათ შორის, ბავშვებში.
მისივე თქმით, ეს იქნება გარდამტეხი წელი, რომელმაც შესაძლოა, ომის დასრულების ფორმატი განსაზღვროს.
„არჩევნების წელი [აშშ-ში], დეფოკუსირება, ყველაფერი ერთდროულად. გამოწვევები გარედან, შიგნიდან და მსგავსი რაღაცები. ვიღაც დაიღალა, ვიღაც ამაზე ლაპარაკობს, ვიღაც ჩუმად არის – ეს ისეთი გარდამტეხი წელია და ასეთ დროს ჩვენ გვჭირდება სიმამაცე და შეუპოვრობა იმისათვის, რომ გადავრჩეთ. ვფიქრობ, ომის დასრულების ფორმატი ამ წელზე იქნება დამოკიდებული“, – აღნიშნავს ზელენსკი.
ცნობისთვის, ვოლოდიმირ ზელენსკიმ უკრაინის ტერიტორიაზე რუსეთის სრულმასშტაბიანი შეჭრიდან 2 წლის თავზე, მედიისთვის პრესკონფერენცია გამართა.