![ხვიჩა კვარაცხელია](https://geotimes.ge/wp-content/uploads/2023/04/khvicha-kvaratskhelia.jpg)
ესპანური გამოცემა Mundo Deportivo-ს ცნობით, „ბარსელონა“ ხვიჩა კვარაცხელიათი დაინტერესდა. არსებული ინფორმაციით, კატალონიური გრანდი მარცხენა გარემარბის პოზიციის გაძლიერებას გეგმავს და კლუბს სამი კანდიდატურა ჰყავს შერჩეული.
კერძოდ, „ბარსელონას“ ხელმძღვანელობას სურს, მარცხენა ფლანგზე იხილოს კლასიკური გარემარბი, რომელსაც კარგი დრიბლინგი აქვს.
Mundo Deportivo-ს ცნობით, ე.წ. შორთლისტში მოხვდნენ ხვიჩა კვარაცხელია, „არსენალის“ 22 წლის ბრაზილიელი გარემარბი გაბრიელ მარტინელი და „ბრაიტონის“ 23 წლის იაპონელი შემტევი კაორუ მიტომა. აღსანიშნავია, რომ სამივე ფეხბურთელს თავიანთ კლუბებთან კონტრაქტი 2027 წლამდე აკავშირებს.