ევროკავშირმა მკაფიო გზავნილი უნდა გაგზავნოს, რომ ჩვენ საკმარისად ძლიერები ვართ, რათა შევძლოთ ერთმანეთის დაცვა და ნებისმიერ ასეთ განცხადებას გაგებით მოვეკიდოთ, – ასე გამოეხმაურა ევროპარლამენტის პრეზიდენტი რობერტა მეცოლა აშშ-ის ყოფილი პრეზიდენტის, დონალდ ტრამპის განცხადებას.
„ევროკავშირმა თავდაცვაზე მეტი თანხა უნდა დახარჯოს. იმის მიუხედავად, თუ ვინ უხელმძღვანელებს შეერთებული შტატების მომავალ ადმინისტრაციას, ევროკავშირმა მკაფიო გზავნილი უნდა გაგზავნოს, რომ ჩვენ საკმარისად ძლიერები ვართ, რათა შევძლოთ ერთმანეთის დაცვა და ნებისმიერ ასეთ განცხადებას გაგებით მოვეკიდოთ“, – აცხადებს მეცოლა.
აშშ-ის ყოფილი პრეზიდენტის, დონალდ ტრამპის თქმით, ის წაახალისებდა რუსეთს, რომ თავს დასხმოდა ნატოს ნებისმიერ წევრს, რომლებიც არ ასრულებენ თავიანთ ფინანსურ ვალდებულებებს.
