გაერო-ს გენერალურმა ასამბლეამ მხარი დაუჭირა რუსეთის მიერ ინიცირებულ რეზოლუციას „ბრძოლა ნაციზმთან, ნეონაციზმთან და სხვა პრაქტიკის სხვა სახეობებთან, რომლებიც რასიზმის, რასობრივი დისკრიმინაციის, ქსენოფობიისა და მათთან დაკავშირებული შეუწყნარებლობის თანამედროვე ფორმებს ახალისებს“.
დოკუმენტს ხმა მისცა 118-მა სახელმწიფომ, წინააღმდეგ 49 გამოვიდა, 14 ქვეყანამ კი თავი შეიკავა.
საქართველო იმ ქვეყნებს შორის იყო, რომლებმაც რუსეთის მიერ ინიცირებული რეზოლუციის წინააღმდეგ მისცეს ხმა. ასევე დოკუმენტის წინააღმდეგი იყვნენ უკრაინა, მოლდოვა, აშშ, კანადა, დიდი ბრიტანეთი, გერმანია, იტალია, საფრანგეთი, უნგრეთი, იაპონია და სხვა ქვეყნები.
რეზოლუციას მხარი დაუჭირეს რუსეთმა, ჩინეთმა, ისრაელმა, სომხეთმა, აზერბაიჯანმა, ყაზახეთმა და სხვა ქვეყნებმა. უკრაინის დელეგაციის განმარტებით, რუსეთი რეზოლუციის საშუალებით ცდილობს, გაამართლოს უკრაინის წინააღმდეგ თავისი ტერიტორიული აგრესია.
For about 20 years, Russia has been submitting to the #UNGA a draft resolution to combat the glorification of Nazism, which makes a real contribution to the eradication of racism, racial discrimination, xenophobia & related intolerance.
This year, the result of the vote was very… pic.twitter.com/WoTkHTqeSJ
— Russia at the United Nations (@RussiaUN) December 20, 2023