ისნის რაიონის გამგეობამ ორი სკვერის რეაბილიტაცია დაასრულა.
ლეხ კაჩინსკის ქუჩის N13-სა და ვაზისუბნის II მ/რ-ის N21 კორპუსის მიმდებარედ, 4100 კვ.მ. ფართობზე ბავშვთა გასართობი და დასასვენებელი სივრცე მოეწყო. დამონტაჟდა ახალი ლედ განათება და ტერიტორია სხვადასხვა ჯიშის ხე-მცენარეებით გამწვანდა.
ასევე, მოსახლეობის თხოვნით, ლეხ კაჩინსკის ქუჩა N13-ში 32 გარაჟის დემონტაჟი განხორციელდა, ხოლო სკვერის ირგვლივ, 1400 კვ.მ. ფართობზე, გზის საფარი მოწესრიგდა.
დასრულებული სამუშაოები თბილისის მერის მოადგილე კახა გულედანმა რაიონის გამგებელ ნიკა ელისაშვილსა და პარლამენტის მაჟორიტარ დეპუტატ კახა კახიშვილთან ერთად დაათვალერა და ადგილობრივ მოსახლეობას შეხვდა.
პროექტები გამგეობის ბიუჯეტიდან 1 245 980 ლარით დაფინანსდა.
