ვერძი

დროა, მუშაობისგან ცოტა შეისვენოთ. ბოლოდროინდელ სირთულეებს მალე წარმატებები შეცვლის. შეიძლება ოჯახის წევრმა ღამით, სახლში დაბრუნება დააგვიანოს და ბევრი ინერვიულოთ, თუმცა გირჩევთ, ამ დღეს თავი შეიკავოთ ოჯახის წევრებთან საქმის გარჩევისგან.

კურო

მშვენიერი დღეა როგორც გონებრივი, ისე ფიზიკური მუშაობისთვის. მკაფიო და კვალიფიციური რჩევა მნიშვნელოვანი საკითხების სწრაფად მოგვარებაში დაგეხმარებათ. ეცადეთ ფინანსურ საკითხებში მეტი სიფრთხილე და თავშეკავება გამოიჩინოთ.

ტყუპები

ამ დღეს დაუგეგმავი ხარჯები გელით. გირჩევთ, მაცდურ შეთავაზებებს არ დაუჯეროთ და რეალობის გრძნობა არ დაკარგოთ. ნუ იქნები უმადური ადამიანის მიმართ, რომელმაც რთულ დროს არ მიგატოვათ.

კირჩხიბი

ამ დღეს საკმარისზე მეტი ენერგია გაქვთ და ნებისმიერი საქმის წარმატებით დასრულებას შეძლებთ. დროა, იზრუნოთ ადამიანზე, რომელიც ყოველთვის უანგაროდ გედგათ გვერდში. პლანეტების კეთილგანწყობა ყველაზე რთულ დროს დაგეხმარებათ.

ლომი

მეგობრებთან შეხვედრა საინტერესო საღამოს გპირდებათ. სავარაუდოდ, სამსახურში, უფროსთან რთული საუბარი თქვენთვის სასარგებლო შედეგით დასრულდება და ავტორიტეტის განმტკიცებაში დაგეხმარებათ.

ქალწული

ამ დღეს მშობლებთან და ახლო ნათესავებთან ურთიერთობაში სირთულეები გელით. ეცადეთ, სიმშვიდე შეინარჩუნოთ და საყვარელ ადამიანებს დაუფიქრებელი სიტყვით თუ საქციელით გული არ ატკინოთ. თუ არ იზარმაცებთ, ამ დღეს დიდებულ მოსავალს მოიმკით. დროა, საკუთარ თავს და ჯანმრთელობას მეტი ყურადღება მიაქციოთ.

სასწორი

ამ დღეს სამსახურში ძალიან ფრთხილად და ყურადღებით უნდა იყოთ – გახსოვდეთ, რომ ნებისმიერი შეცდომა შეიძლება თქვენს კარიერულ წინსვლასა და ფინანსურ მდგომრეობაზე ცუდად აისახოს. კონფლიქტის შემთხვევაში, მოჩხუბრების შერიგებას არ უნდა ეცადოთ – ეს მხოლოდ გაამწვავებს სიტუაციას. გადადეთ ფინანსური პრობლემების მოგვარება და საბუთებს ხელი არ მოაწეროთ.

მორიელი

ამ დღეს ბიზნესში სერიოზული ცვლილებები გელით. სამსახურში ბოლოდროინდელი წარმატებები კიდევ უფრო მოტივირებულს და შრომისმოყვარეს გაგხდით. ეცადეთ, ფინანსურ საკითხებში მეტი სიფრთხილე და თავშეკავება გამოიჩინოთ.

მშვილდოსანი

პლანეტების განლაგება დაწყებული საქმის წარმატებით დასრულებაში დაგეხმარებათ. არ არის გამორიცხული, რომ საყვარელი ადამიანების ქმედებებით იმედგაცრუებული დარჩეთ. მოსალოდნენ ფინანსურ სირთულეს უახლოესი მეგობრების დახმარებით გაუმკლავდებით. მოინახულეთ ადამიანი, რომელსაც თქვენი მხარდაჭერა სჭირდება.

თხის რქა

ხელსაყრელი დღეა მშენებლობის, ტექნოლოგიებისა და მომსახურების სფეროში დასაქმებული თხის რქებისთვის. რთულ დროს შეგიძლიათ თქვენი „მეორე ნახევრის“ დახმარების იმედი გქონდეთ. მოერიდეთ ოჯახის წევრებთან დაპირისპირებას და ეცადეთ, მეტი დრო საოჯახო საქმეებს დაუთმოთ. ამ დღეს წარმატებები ყოველი ფეხის ნაბიჯზე დაგყვებათ.

მერწყული

ეს დღე შეიძლება ჯანმრთელობისთვის საზიანო იყოს. მოერიდეთ ყველა წვრილმანზე ნერვიულობას, რათა ჯანმრთელობა არ დაიზიანოთ. მკაფიო და კვალიფიციური რჩევები მნიშვნელოვანი საკითხები მოგვარებაში დაგეხმარებათ, მთავარია, რჩევისთვის მიმართვა არ დააგვიანოთ.

თევზები

ამ დღეს შეიძლება ძველი ვალის გადახდა ან პირობის შესრულება მოგთხოვონ, მაგრამ ნუ ინერვიულებთ – ფინანსურ პრობლემებს მალე წარმატება შეცვლის. გირჩევთ, ჯანმრთელობას მეტი ყურადღება მიაქციოთ.

ბოლო პერიოდში ძალიან აქტუალური იყო მიწოდების სერვისებთან დაკავშირებული “ქეისები”, კერძოდ, როდესაც ნივთის მომწოდებელთან იქმნებოდა კომუნიკაციის პრობლემები, ანუ, კურიერმა არ იცოდა ქართული, ასევე უჭირდა კომუნიკაცია ინგლისურ ენაზეც კი, მომხმარებელს უფლება აქვს მიიღოს მომსახურება ქართულ ენაზე – ამის შესახებ GCCA-ის თავმჯდომარე ირაკლი ლექვინაძემ განაცხადა.

მისივე თქმით, კონკრეტულ კომპანიებს აქვთ მიცემული ვადა, რომ მოაგვარონ აღნიშნული საკითხი და ჰყავდეთ დამხმარე კადრი იმ შემთხვევებისთვის, როდესაც კომუნიკაციის პრობლემა შეიქმნება.

„საქართველოში, სადაც სახელმწიფო ენა არის ქართული, მომხმარებელს უფლება აქვს მიიღოს მომსახურება ქართულ ენაზე და მიმწოდებელი კომპანია ვალდებულია, უზრუნველყოს მისთვის კომუნიკაციის აღნიშნული ფორმა. ეს შეფასდა, როგორც პრობლემად და მომხმარებელთა უფლებების დარღვევად, შესაბამისად, კონკრეტულ კომპანიებს დაევალა, რომ თუ მომხმარებელთან კომუნიკაცია იქნებოდა პრობლემური, მათ უნდა ჰყავდეთ შესაბამისი კადრი, რომ მომხმარებელს მიაწოდონ ინფორმაცია ქართულ ენაზე. ეს კომპანიის იმიჯზეც აისახება, გარდა იმისა, რომ კანონდარღვევაა და ნებისმიერი კომპანიის ინტერესში უნდა იყოს აღნიშნულის უზრუნველყოფა. ამ კომპანიებს აქვთ მიცემული ვადა, რომ მოაგვარონ აღნიშნული საკითხი და ჰყავდეთ დამხმარე კადრი იმ შემთხვევებისთვის, როდესაც კომუნიკაციის პრობლემა შეიქმნება,”- განაცხადა GCCA-ის თავმჯდომარემ.

ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი რეგიონებში საოლქო საარჩევნო კომისიებთან სამუშაო შეხვედრებს აგრძელებს და მუნიციპალიტეტის ორგანოთა არჩევნებისთვის სამზადისს პირადად ეცნობა.

მორიგი სამუშაო შეხვედრა გიორგი კალანდარიშვილმა ცესკოს აპარატის/იურიდიული დეპარტამენტის უფროსთან გიორგი სანტურიანთან ერთად ქუთაისის საოლქო საარჩევნო კომისიაში გამართა. ისინი დეტალურად გაეცნენ 4 ოქტომბრის მუნიციპალიტეტის ორგანოთა არჩევნებისთვის კომისიის მიერ განხორციელებულ და მიმდინარე საქმიანობებსა და აქტივობებს. მხარეებმა ასევე განიხილეს საუბნო საარჩევნო კომისიების სწავლებისა და პროფესიული გადამზადების პროცესიც.

„გრძელდება რეგიონული შეხვედრები საოლქო საარჩევნო კომისიებში. ამჯერად ვიმყოფებით ქუთაისში და გვაქვს შესაძლებლობა სამუშაო შეხვედრის ფორმატში პირადად მივიღოთ საოლქო საარჩევნო კომისიის ყველა წევრისგან ინფორმაცია, რომელიც უკავშირდება არჩევნებისთვის მზადებას და ყველა იმ ადგილობრივ გამოწვევასა თუ საჭიროებას, რომელიც დღეს ინსტიტუციის წინაშე დგას. რა თქმა უნდა, ასეთი შეხვედრები არჩევნებამდე კიდევ გაგრძელდება, რათა ჩვენ უფრო მჭიდრო კავშირში ვიყოთ ადგილობრივ დონეზე საოლქო სარჩევნო კომისიებთან, რაც, თავის მხრივ, ხელს შეუწყობს არჩევნების ეფექტიანად და მაღალ პროფესიულ დონეზე ადმინისტრირებას“, – აღნიშნა გიორგი კალანდარიშვილმა.

აღსანიშნავია, რომ ცესკოს ხელმძღვანელი პირები ეტაპობრივად ეცნობიან ქვეყნის მასშტაბით საოლქო საარჩევნო კომისიების მზადებას 2025 წლის თვითმმართველობის არჩევნებისთვის.

გამოვლინდა 2025 წლის „სსიპ – უმაღლესი საგანმანათლებლო დაწესებულებების დამოუკიდებელი სამეცნიერო-კვლევითი ერთეულების მატერიალურ –  ტექნიკური ბაზის განახლების ხელშეწყობის კონკურსში“ დაფინანსებული პროექტები

გამოქვეყნდა 2025 წლის „სსიპ – უმაღლესი საგანმანათლებლო დაწესებულებების დამოუკიდებელი სამეცნიერო-კვლევითი ერთეულების მატერიალურ-  ტექნიკური ბაზის განახლების ხელშეწყობის კონკურსის“  საბოლოო შედეგი.

კონკურსის მიზანია   საქართველოს განათლების, მეცნიერებისა და ახალგაზრდობის სამინისტროს მმართველობის სფეროში მოქმედი სსიპ – უმაღლესი საგანმანათლებლო დაწესებულებების (სსიპ – ივანე ჯავახიშვილის სახელობის თბილისის სახელმწიფო უნივერსიტეტი, სსიპ – საქართველოს ტექნიკური უნივერსიტეტი, სსიპ – ილიას სახელმწიფო უნივერსიტეტი, სსიპ – თბილისის სახელმწიფო სამედიცინო უნივერსიტეტი), მათი მმართველობის სფეროში შემავალი დამოუკიდებელი სამეცნიერო კვლევითი ერთეულების აღჭურვა თანამედროვე სამეცნიერო-კვლევითი აპარატურით,  სამეცნიერო კვლევებისათვის საჭირო კომპიუტერული პროგრამებით, კომპიუტერული ტექნიკით, საჭირო მასალებით, სათანადო ლიტერატურის შეძენის და არსებული სამეცნიერო-კვლევითი აპარატურის ფუნქციური გაუმჯობესების ან/და სათადარიგო ნაწილების შესყიდვისათვის, აუცილებელი სახსრებით უზრუნველყოფა.

დეტალური ინფორმაცია  კონკურსის გამარჯვებული პროექტების შესახებ იხილეთ ფონდის ვებგვერდზე

https://shorturl.at/qBIJJ

(R)