ქუთაისში დღისით +27 და ღამით 11 გრადუსია მოსალოდნელი, სინოპტიკოსები მზიან ამინდს ვარაუდობენ.

მზიან ამინდს ელოდებიან ოზურგეთშიც, დღისით +29 გრადუსი დაფიქსირდება, ღამით კი +11. ბათუმშიც მზიანი ამინდი იქნება, დღისით ჰაერი +24 გრადუსამდე გათბება, ხოლო ღამით +10 გრადუსი დაფიქსირდება.

მზიანი ამინდია ფოთშიც. დღისით +27 გრადუსი დაფიქსირდება, ღამით კი +11 გრადუსია მოსალოდნელი. მზეა ზუგდიდშიც, დღისით ტემპერატურა +28, ღამით კი 10 გრადუსია ნავარაუდევი.

მზიანი დღეა სოხუმშიც. +25 გრადუსია მოსალოდნელი დღისით, ღამით +11 გრადუსი დაფიქსირდება.

მესტიაში მზიანია ამინდია, დღისით +18 გრადუსი იქნება, ღამით კი -3 გრადუსი დაფიქსირდება. ამბროლაურში ჰაერი +22 გრადუსამდე გათბება, ღამით კი 3 გრადუსი დაფიქსირდება.

მზიანი ამინდია ჭიათურაშიც, დღისით +25 გრადუსი, ღამით კი 5 გრადუსი დაფიქსირდება. ახალციხეში დღისით ჰაერი +21 გრადუსამდე გათბება, ღამით კი ტემპერატურა +2 გრადუსი იქნება.

მზიანი დღეა ბორჯომში, +22 იქნება დღისით, ღამით კი 3 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +16 გრადუსია მოსალოდნელი, ღამით -3 გრადუსი დაფიქსირდება.

გორში დღისით +26 გრადუსი, ღამის განმავლობაში კი 4 გრადუსი დაფიქსირდება. მზიანი დღე იქნება ცხინვალშიც, ჰაერის ტემპერატურა 25 გრადუსი იქნება, ღამით კი 3 გრადუსი დაფიქსირდება.

გუდაურში დღის განმავლობაში +10 გრადუსი დაფიქსირდება, ღამით კი ჰაერის ტემპერატურა -3 გრადუსი იქნება. ომალოში მზიანი ამინდი იქნება, დღისით +11, ღამით კი -3 გრადუსი დაფიქსირდება.

ლაგოდეხშიც მზიანი ამინდია. ჰაერის ტემპერატურა დღის განმავლობაში +25 გრადუსი იქნება, ღამით კი +11 გრადუსი დაფიქსირდება. მზიანი დღე იქნება თელავშიც, +23 გრადუსი დაფიქსირდება, ღამით კი +9 გრადუსია ნავარაუდევი.

გურჯაანში მზეა. დღისით +23 გრადუსი, ღამით კი +8 გრადუსი დაფიქსირდება. სიღნაღში დღისით +12 გრადუსია მოსალოდნელი, ღამით +8 გრადუსი დაფიქსირდება.

რუსთავშიც მზიანი დღეა, დღისით +26 გრადუსია მოსალოდნელი, ღამით კი +9 გრადუსი დაფიქსირდება.
თბილისშიც მზიან ამინდის ვარაუდობენ. ჰაერის ტემპერატურა დღისით +26 გრადუსს მიაღწევს, ღამით კი +9 გრადუსი იქნება.

ვერძი

ამ დღეს ხელიდან არ უნდა გაუშვათ შანსი, რომელსაც ცხოვრება გთავაზობთ. თუ ამ შესაძლებლობას ახლა არ გამოიყენებთ, მოგვიანებით მის განხორციელებას გაცილებით მეტი ძალისხმევა დასჭირდება.

რჩევა: მოუცლელობის მიუხედავად, დიდი ხნის უნახავი მეგობარი ან ნათესავი აუცილებლად მოინახულეთ.

კურო

ფრთხილად იყავით საოჯახო ტექნიკასთან მუშაობისას — მისი გაფუჭების რისკი მაღალია. მაქსიმალური სიფრთხილე გამოიჩინეთ მანქანის მართვის დროსაც, რადგან არსებობს ავტოსაგზაო შემთხვევის რისკი. უკეთესი იქნება, თუ ამ დღეს სახლში გაატარებთ და ემოციურ მდგომარეობას აღიდგენთ.

რჩევა: სანამ რამეს შეიძენთ, კარგად დაფიქრდით, რა გჭირდებათ ახლა ყველაზე მეტად და რაზე შეიძლება უარი თქვათ.

ტყუპები

ამ დღეს შეიძლება რთული არჩევანის წინაშე აღმოჩნდეთ. ამასთან, მიღებული გადაწყვეტილება თქვენს მომავალზე მნიშვნელოვან გავლენას მოახდენს. ამიტომ მაქსიმალურად ცივი გონებით და ფრთხილად იმოქმედეთ, რადგან არასწორი ნაბიჯი შეიძლება სავალალოდ დასრულდეს.

რჩევა: ეცადეთ, გადაწყვეტილება ოჯახის წევრებთან შეთანხმებით მიიღოთ.

კირჩხიბი

ამ დღეს ეცადეთ, რომ ზედმეტი ყურადღება არ მიიქციოთ. ახლა ის დროა, როცა ჩრდილში ყოფნით უფრო მეტ წარმატებას მიაღწევთ, ვიდრე აქტიურობით. გარშემო ბევრი ორპირი ადამიანია და სანამ ვინმეს რჩევას სთხოვთ, დარწმუნდით, რომ მისი ნდობა შეიძლება. დღის მეორე ნახევარში ბევრ საქმეს მოაგვარებთ, მათ შორის ისეთებსაც, რომლებიც სხვისთვის დაუძლეველი აღმოჩნდა.

რჩევა: შეცდომების თავიდან ასაცილებლად, ამ დღეს სხვა ადამიანების გამოცდილება უნდა გაითვალისწინოთ.

ლომი

ამ დღეს ლომებს იღბალი გაუღიმებთ, განსაკუთრებით — მოგზაურობისას. ნებისმიერი საქმე, რომელსაც ხელს მოჰკიდებთ, წარმატებით დასრულდება. ამ დღეს შეგიძლიათ საკუთარ თავს არაჯანსაღი, მაგრამ ძალიან გემრიელი საკვების დაგემოვნების უფლება მისცეთ.

რჩევა: გირჩევთ, ამინდის მიხედვით ჩაიცვათ.

ქალწული

ამ დღეს ფიზიკურ აქტიურობას უნდა მოერიდოთ — ტრავმების რისკი საკმაოდ მაღალია. მოერიდეთ კამათში და კონფლიქტებში ჩართვას, რადგან ისინი განწყობას დიდი ხნით გაგიფუჭებენ. მამაკაცებმა გაითვალისწინეთ, რომ თქვენი საეჭვო სურვილები ფსიქიკურ და ფიზიკურ მდგომარეობაზე უარყოფითად აისახება.

რჩევა: დილას ცივ სასმელებს, საღამოს კი უხარისხო პროდუქტების მიღებას უნდა ერიდოთ.

სასწორი

ამ დღეს ვენერა სასწორების მხარესაა. შესანიშნავი დღეა ჩანაფიქრის განხორციელებისა და ახალი უნარების ათვისებისთვის, რაც მომავალში დიდ სარგებელს მოგიტანთ. ფრთხილად იყავით კრიტიკულად განწყობილ ადამიანებთან — ისინი დღეს განსაკუთრებით აგრესიულად მოიქცევიან.

რჩევა: არახელსაყრელი დღეა შოპინგისთვის – შეიძლება უხარისხო ნივთზე დიდი თანხა დახარჯოთ.

მორიელი

მშვიდი და წარმატებული დღე გელით. ბევრი მორიელი შემოსავლის ახალ წყაროებს იპოვის და ფინანსურ მდგომარეობას გაიუმჯობესებს. რაღაც მნიშვნელოვანმა ინფორმაციამ შეიძლება აზრის შეცვლა გაიძულოთ. ამ დღეს ვალის აღება კატეგორიულად აკრძალულია.

რჩევა: ურთიერთობებში მეტი სიფრთხილე უნდა გამოიჩინოთ, განსაკუთრებით – უცნობ ადამიანებთან.

მშვილდოსანი

ხელსაყრელი დღეა ახალი იდეების განხორციელებისთვის. დღის განმავლობაში მოვლენები შეიძლება ისე განვითარდეს, რომ მოულოდნელი გადაწყვეტილება მიიღოთ, მაგრამ ნუ ინერვიულებთ — ვარსკვლავები თქვენს მხარეზე არიან. საღამოს შეძლებთ, ცოტა მოეშვათ და ოცნებებს მიეცეთ.

რჩეევა: ამ დღეს მოერიდეთ რადიკალურ ნაბიჯებს და საქმიანი თუ მეგობრული კავშირების გაწყვეტას.

თხის რქა

ეს დღე შემოსავლის მიღების და პროფესიული პოზიციის გაძლიერების საშუალებას მოგცემთ, მაგრამ ამისთვის მეტი აქტიურობა დაგჭირდებათ. საღამოს საშუალება გექნებათ, საჭირო ადამიანები გაიცნოთ. ამ დღეს მიღებული გამოცდილება მოგვიანებით ბევრჯერ გამოგადგებათ.

რჩევა: ამ დღეს მთავარია, წესები არ დაარღვიოთ და საეჭვო მაქინაციებში არ ჩაერთოთ.

მერწყული

ამ დღეს მერწყულებს ბევრი უთანხმოება ელით. ფრთხილად იყავით იმ ადამიანებთან, რომლებზეც ფინანსურად თუ ემოციურად ხართ დამოკიდებული. ეცადეთ, თქვენი ენერგია სასარგებლო საქმეზე მიმართოთ და საყვარელ ადამიანებს მეტი ყურადღება მიაქციოთ. სავარაუდოდ, მათ დახმარებას შეძლებთ.

რჩევა: გამორიცხული არ არის, რომ ამ დღეს შენაძენით იმედგაცრუებული დარჩეთ.

თევზები

დღის პირველ ნახევარში საინტერესო ცნობას მიიღებთ, რომელიც ყველა სირთულის დაძლევაში დაგეხმარებათ. ქალბატონებო, სკანდალებს მოერიდეთ, თორემ განწყობას დიდი ხნით გაიფუჭებთ. ამ დღეს მასაჟი, ცურვა და წყლის პროცედურები განსაკუთრებით სასარგებლო იქნება.

რჩევა: თავი შეიკავეთ საბუთებზე ხელის მოწერისგან და შეთავაზებაზე საბოლოო პასუხი არ გასცეთ.

სრულიად საქართველოს კათოლიკოს-პატრიარქი ილია მეორე ანტიოქიისა და სრულიად აღმოსავლეთის პატრიარქს წერილით მიმართავს.

„ანტიოქიისა და სრულიად აღმოსავლეთის პატრიარქს, უნეტარეს იოანე X-ს  თქვენო უნეტარესობავ,
საქართველოს მართლმადიდებელი ეკლესიისა და პირადად ჩემი სახელით გამოვთქვამთ დიდ გულისტკივილს სირიაში ბოლო დროს მომხდარი ტრაგიკული მოვლენების გამო, რამაც მსოფლიო საზოგადოება აღაშფოთა.
ჩვენც ვუერთდებით საერთო პროტესტს, გიცხადებთ სოლიდარობას და, ვიმედოვნებთ, ხელისუფლება მსგავს ბოროტებას აღარ დაუშვებს.
ამასთან, გთხოვთ, ჩვენი თანადგომა გადასცეთ თქვენს სამწყსოს, გარდაცვლილი და დაზარალებული ბავშვების, ქალების, ცალკეული მოქალაქეების ოჯახებს და, საერთოდ, სირიელ ხალხს.
აღვავლენთ ლოცვებს უდანაშაულო მსხვერპლთათვის და მშვიდობისათვის სირიასა და მთელ მსოფლიოში“, – ნათქვამია წერილში.

გაზსადენის დაზიანების გამო გაზის მიწოდება 11 200 აბონენტს შეუწყდა. ამის შესახებ ინფორმაციას „თბილისი ენერჯი” ავრცელებს.

მათივე ინფორმაციით, გაზმომარაგების აღდგენა დაიწყება 14 მარტის, 11:00 საათიდან და დასრულდება 21:00 საათამდე.

„გაზსადენის დაზიანების გამო გაზის მიწოდება შეუწყდა: შპს ,,მილენიუმ მატერიალს ჯორჯია”-ს, შპს ,,ლილოს სახლს”, შპს ,,ჯეომილ”-ს, შპს ,,ამმა”-ს, შპს ,,როიალ ჯორჯია”-ს, შპს ,,საქართველოს ნავთობისა და გაზის სერვისული კომპანია”-ს, ი.მ ზ. მსუქნიშვილს, შპს ,,ლილო სითი”-ს, სსიპ ლ. საყვარელიძის სახ. დაავადებათა კონტროლისა და საზოგადოებრის ჯანმრთელობის ეროვნულ ცენტრს, მოქ. მანანა დალაქიშვილს, შპს ,,ფრანკოს”, შპს ,,ჰუკა ინტერნეიშენალს”, საჯარო სკოლა #76-ს, აეროპორტის ტერიტორიაზე: შპს ,,საქართველოს აეროპორტების გაერთიანებას”, მიმდებარედ შპს ,,აეროპორტის მრავალპროფილიან პოლიკლინიკას” – მსხვილ კომერციულ ობიექტს, შპს ,,ფორტუნას”, შპს ,,საქაერონავიგაციის” ობიექტებს, შპს ,,ლასარეს”, შპს ,,ჩობანს”, შავი ზღვის საერთაშორისო უნივერსიტეტს, დიდი ლილოს დასახლებაში – სსიპ შემოსავლების სამსახურს, საქართველოს სახელმწიფო უსაფრთხოების სამსახურს, სსიპ საქართველოს ეროვნულ არქივს, სსიპ ქ. თბილისის # 217 საჯარო სკოლას, სსიპ სახელმწიფო სერვისების განვითარების სააგენტოს, შპს ,,უნივერსალს”, საქართველოს სასაზღვრო პოლიციას, ააიპ ,,თბილისის მუნიციპალურ თავშესაფარს”, სს ,,ბანკი ქართუ”-ს, საქართველოს იუსტიციის უმაღლესი საბჭოს საერთო სასამართლოების დეპარტამენტს, დიდი ლილოს საბავშვო ბაგა-ბაღს, შპს ,,ATM BATUMI”-ს, შპს ,,დუგლაძეების ღვინოების კომპანიას”, ქართულ-ევროპული მაკარონის ინდუსტრიას, შპს ,,დიპლომატ ჯორჯიას”, შპს ,,ხის სახლს”, შპს ,,ალეკო და კომპანია”-ს, შპს ,,სოლარის”, შპს ,,ბრასერის”, შპს “ჯორჯიან ქარდბოარდის”, შპს ,,მშენებელი 80″-ს, საქართველოს მელიორაციას, სს ,,ფი ეს სი ფროფერთის”, თავდაცვის სამინისტროს ობიექტს, შპს ,,ვანის სათბურებს” და მიმდებარედ განთავსებულ სხვა ობიექტებს.

„თბილისი ენერჯი“ ბოდიშს გიხდით აბონენტებს შექმნილი დისკომფორტის გამო. გთხოვთ ყურადღებით იყავით. არ დატოვოთ გაზის ონკანები ღია მდგომარეობაში”, – ნათქვამია ინფორმაციაში.