ჭავჭავაძის გამზირისა და კუს ტბის დამაკავშირებელი საბაგირო გზა, ტექნიკური რეგლამენტით გათვალისწინებული სამუშაოების გამო, 2 ივნისიდან 5 ივნისის ჩათვლით მგზავრებს ვერ მოემსახურება, – ამის შესახებ ინფორმაციას თბილისის მერიის პრესსამსახური ავრცელებს.

მათივე ცნობით, აღნიშნულ პერიოდში საბაგირო გზაზე განხორციელდება გეგმიური სამუშაოები.

„კერძოდ, საბაგირო გზის მზიდი, გამწევი და კუდის ბაგირების მაგნიტურ-ინდუქციურ დეფექტოსკოპიური კვლევა, ბაგირის ჩამაგრების ქუროების შემოწმება და აკრედიტებული ორგანოს მიერ საბაგირო გზის ტექნიკურ ინსპექტირება. გარდა ამისა, მომსახურე პერსონალს საევაკუაციო სწავლება ჩაუტარდება. თბილისის სატრანსპორტო კომპანია ბოდიშს გიხდით დისკომფორტისთვის“,- აღნიშნულია თბილისის მერიის ინფორმაციაში.

ყველა ბავშვს მთელ მსოფლიოში ვუსურვებ მშვიდობას, ეს ის აუცილებელი წინაპირობაა, რომლის გარეშეც არ არსებობს განვითარება, – ამის შესახებ საქართველოს პრემიერ-მინისტრი ირაკლი კობახიძე სოციალურ ქსელში წერს.

პრემიერ-მინისტრი ყველა ბავშვს ბავშვთა დაცვის საერთაშორისო დღეს ულოცავს.

„პირველ რიგში, ყველა ბავშვს მთელ მსოფლიოში ვუსურვებ მშვიდობას, ეს ის აუცილებელი წინაპირობაა, რომლის გარეშეც არ არსებობს განვითარება. ბავშვების კეთილდღეობა, მათთვის კარგი განათლებისა და ცხოვრების პირობების უზრუნველყოფა ჩვენი მთავრობის ყოველდღიური საზრუნავია. ჩვენი მიზანია, ყველა ბავშვს მთელს საქართველოში ჰქონდეს თანაბარი განვითარების შესაძლებლობა და უსაფრთხო გარემო.

ყველა ბავშვს ვუსურვებ ჯანმრთელობას, ლაღ და უზრუნველ ბავშვობას”, – აღნიშნავს ირაკლი კობახიძე.

პირველ ივნისს ქუთაისში დღისით +24 და ღამით +14 გრადუსია მოსალოდნელი. დღე უნალექოდ ჩაივლის.

წვიმიან ამინდს ელოდებიან ოზურგეთში, სადაც დღისით +24 გრადუსი დაფიქსირდება, ღამით კი +16. ბათუმშიც წვიმიანი ამინდი იქნება, დღისით ჰაერი +22 გრადუსამდე გათბება, ხოლო ღამით +14 გრადუსი დაფიქსირდება.

წვიმს ფოთშიც. დღისით +24 გრადუსი დაფიქსირდება, ღამით კი +14 გრადუსია მოსალოდნელი. წვიმს ზუგდიდშიც, დღისით ტემპერატურა +25, ღამით კი +12 გრადუსია ნავარაუდევი.

სოხუმში +22 გრადუსია მოსალოდნელი დღისით, ღამით +15 გრადუსი დაფიქსირდება.

მესტიაშიც უნალექო ამინდს ვარაუდობენ, დღისით +18 გრადუსი იქნება, ღამით კი +7 გრადუსი დაფიქსირდება. ამბროლაურში მზეა. ჰაერი +27 გრადუსამდე გათბება, ღამით კი +12 გრადუსი დაფიქსირდება.

მზიანი ამინდია ჭიათურაშიც, დღისით +27 გრადუსი, ღამით კი +13 გრადუსი დაფიქსირდება.

ახალციხეშიც მზეა. დღისით ჰაერი +23 გრადუსამდე გათბება, ღამით კი ტემპერატურა +10 გრადუსი იქნება.

ბორჯომშიც მზე იქნება. +23 იქნება დღისით, ღამით კი +11 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +20 გრადუსია მოსალოდნელი, ღამით +9 გრადუსი დაფიქსირდება.

გორშიც მზეა, დღისით +28 გრადუსი, ღამის განმავლობაში კი +12 გრადუსი დაფიქსირდება. მზე იქნება ცხინვალშიც, ჰაერის ტემპერატურა +26 გრადუსი იქნება, ღამით კი +11 გრადუსი დაფიქსირდება.

გუდაურში მზიანი ამინდია. დღის განმავლობაში +15 გრადუსი დაფიქსირდება, ღამით კი ჰაერის ტემპერატურა +7 გრადუსი იქნება.

ომალოში დღისით +14, ღამით კი +4 გრადუსი დაფიქსირდება.

ლაგოდეხში მზიან ამინდს ვარაუდობენ. ჰაერის ტემპერატურა დღის განმავლობაში +28 გრადუსი იქნება, ღამით კი +19 გრადუსი დაფიქსირდება. მზიანი დღე იქნება თელავში, +27 გრადუსი დაფიქსირდება, ღამით კი +16 გრადუსია ნავარაუდევი.

უნალექო ამინდს ვარაუდობენ გურჯაანშიც. დღისით +29 გრადუსი, ღამით კი +19 გრადუსი დაფიქსირდება.

სიღნაღშიც მზეა მოსალოდნელი, დღისით +27 გრადუსი იქნება, ღამით +17 გრადუსი დაფიქსირდება.

რუსთავშიც უნალექო დღეა. დღისით +31 გრადუსია მოსალოდნელი, ღამით კი +16 გრადუსი დაფიქსირდება.

თბილისშიც მზეა. ჰაერის ტემპერატურა დღისით +27 გრადუსს მიაღწევს, ღამით კი +15 გრადუსი იქნება.

ყველა ბავშვს ვულოცავ ბავშვთა დაცვის საერთაშორისო დღეს. ახალი თაობა ჩვენი ქვეყნის მომავალია, სწორედ ამიტომ მათთვის მშვიდი, უსაფრთხო და ლაღი გარემოს შექმნა ჩვენი უპირველესი მოვალეობაა, – ამის შესახებ საქართველოს პრეზიდენტი მიხეილ ყაველაშვილი სოციალურ ქსელში წერს.

„ჩვენ ძალისხმევა არ უნდა დავიშუროთ ქართული ოჯახების გასაძლიერებლად, რადგან ქართული ტრადიციებითა და ღირებულებებით სწორედ მათ უნდა აღუზარდონ საქართველოს მომავალი თაობები, რომლებიც ქვეყნის უნიკალურ მემკვიდრეობას ამაყად გადაიბარებენ და ერთიანი საქართველოს იდეას ხორცს შეასხამენ.

ჩვენი ვალია, შვილებს შევუქმნათ გარემო, სადაც თავიანთი შესაძლებლობების რეალიზებას, მიზნების მიღწევასა და ოცნებების ასრულებას შეძლებენ“, – წერს ყაველაშვილი.

ვერძი

მალე სრული ჰარმონია დაგეუფლებათ. მოგების მიღებას მხოლოდ მეგობრებისა და ნათესავების დახმარებით შეძლებთ. დროა, მუშაობის და დასვენების გეგმა შეიმუშაოთ. სავარაუდოდ, სასიამოვნო სიურპრიზები და საჩუქრები გელით. გირჩევთ, მნიშვნელოვანი მოვლენები დღის მეორე ნახევრისთვის დანიშნოთ.

კურო

ამ დღეს ფულადი სახსრების მოულოდნელი ნაკადი გელით, რაც სავარაუდოდ, თქვენი რამდენიმეთვიანი მუშაობის შედეგია. გავლენიანი ადამიანები თქვენს ცხოვრებაში მნიშვნელოვან როლს შეასრულებენ, მაგრამ უცნობია, ეს როლი დადებითი იქნება თუ უარყოფითი. ეს დღე საშუალებას მოგცემთ, თქვენი ყველაზე სანუკვარი ოცნებები აისრულოთ.

ტყუპები

ამ დღეს ოჯახური პრობლემები დამატებით ხარჯებს მოითხოვს. დიდი შრომა დაგჭირდებათ, რომ ფინანსური პრობლემები აღმოფხვრათ. ეცადეთ, მეტი თავშეკავება გამოიჩინოთ და შესაძლებლობა გექნებათ, რომ მიზანს მიაღწიოთ. ამჟამად თქვენთვის პრიორიტეტული კონკრეტულ მოგებაზე ფიქრი უნდა იყოს და არა გრძელვადიანი გეგმები. სავარაუდოდ, საკუთარი საქმიანობის მიმართ ინტერესს დაკარგავთ და იმედგაცრუება დაგეუფლებათ. შეეცადეთ საკუთარი გეგმების განხორციელებაში ახალი ხალხი ჩართოთ.

კირჩხიბი

რამდენიმეთვიანი ძალისხმევის შედეგად სასურველ შემოსავალს მიიღებთ. ადამიანები, ვისაც ამ დღეს შეხვდებით, თქვენს ცხოვრებაში მნიშვნელოვან როლს შეასრულებენ, მაგრამ ეს არ არის ცნობილი, ეს როლი დადებითი იქნება თუ არა. ახალი იდეები თქვენს მსოფლმხედველობაზე გავლენას მოახდენს.

ლომი

წინა დღეების კონფლიქტური ფონი თანდათან მოწესრიგდება, კოლეგებთან და უფროსებთან ურთიერთობები სტაბილური გახდება. არ არის გამორიცხული, რომ დიდი ხნის სურვილი აისრულოთ. ვარსკვლავები გირჩევენ, მიტევება და დიდსულოვნება გამოიჩინოთ. ერიდეთ სასიყვარულო ურთიერთობებში სიბრაზის გამოჩენას. სავარაუდოდ, სასიამოვნო სიურპრიზები ან საჩუქრები გელით.

ქალწული

გირჩევთ, ეს დღე სახლს, ოჯახს და შვილებს დაუთმოთ. იზრუნეთ ძველი საქმეების დასრულებაზე და ყურადღება მიაქციეთ ბიუჯეტის მდგომარეობას. ეცადეთ, ფინანსები აკონტროლოთ, რადგან წინ კიდევ გაუთვალისწინებელი ხარჯები გელით და უმჯობესია, წინასწარ მოემზადოთ. ინტიმური ურთიერთობების სფეროში მოსალოდნელია არასტაბილურობა – დაღლილობა და იმედგაცრუება ისევე სავარაუდოა, როგორც კმაყოფილება და სიხარული.

სასწორი

ამ დღის დევიზია საკუთარი თავის რწმენა. გულთან ახლოს არ მიიტანოთ ის, რაც ამ დღეს მოხდება და არავითარ შემთხვევაში იმედი არ დაკარგოთ. იზრუნეთ ძველი საქმეების დასრულებაზე და ყურადღება მიაქციეთ ბიუჯეტის მდგომარეობას. ეცადეთ, ფინანსური ხარჯები აკონტროლოთ.

მორიელი

ჰარმონიის, მშვიდობისა და მოვლენების სწორი მიმდინარეობის დღეა. თუ ყურადღებას მოიკრებთ და დღეს სწორად დაგეგმავთ, საღამოს სიმშვიდეს და კმაყოფილებას იგრძნობთ. შეიძლება, სახლიდან მოშორებით ახალი პერსპექტივები აღმოაჩინოთ.

მშვილდოსანი

ეს დღე კოსმოსური ენერგიის გარდაქმნებთან ასოცირდება. სავარაუდოდ, დღეს საკუთარი საქმიანობის მიმართ ინტერესს დაკარგავთ და ყველა წამოწყებით იმედგაცრუებული დარჩებით. თქვენი ნებისმიერი აგრესია, წყენა და დომინირების სურვილი შეიძლება, თქვენ წინააღმდეგ შემობრუნდეს.

თხის რქა

წინა დღეების კონფლიქტური ფონი გაიფანტება და ვარსკვლავები თავიანთ კეთილგანწყობას დაგიბრუნებენ. თქვენი ძალისხმევა მომავალ წარმატებებს ნელა, მაგრამ მყარად აშენებს.

მერწყული

შემოქმედებითი საქმიანობისთვის ხელსაყრელი დღეა. სასიცოცხლო პოტენციალი მაღალ დონეზეა. შანსი გაქვთ, რომ რაღაც არაჩვეულებრივი შექმნათ. ადამიანების დარწმუნების უნარი დაგეხმარებათ, გავლენიანი პირების მხარდაჭერა მოიპოვოთ. პირად ცხოვრებაში მოსალოდნელია გარკვეული ცვლილებები.

თევზები

სავარაუდოდ, ამ დღეს მნიშვნელოვანი გადაწყვეტილებების მიღება მოგიწევთ. ეცადეთ, საკუთარი სურვილები და პარტნიორებისა და ოჯახის წევრების მიმართ პრეტენზიები ფხიზლად შეაფასოთ. სურვილის შემთხვევაში ბევრი რამის გამოსწორება შეგიძლიათ. გირჩევთ, მნიშვნელოვანი შეხვედრები დილას დანიშნოთ. აკონტროლეთ ჯანმრთელობა, განსაკუთრებით – პირის ღრუს მდგომარეობა.

თბილისის   მერიის  კულტურის, განათლების, სპორტისა და ახალგაზრდულ საქმეთა საქალაქო სამსახურის ორგანიზებით, ბავშვთა დაცვის საერთაშორისო დღესთან დაკავშირებით, დედაქალაქის მასშტაბით, საბავშვო-გასართობი აქტივობებია დაგეგმილი.

თბილისის მერიის ინფორმაციით, ცენტრალური ღონისძიება გაიმართება დედაენის ბაღში, სადაც მთელი დღის განმავლობაში ჩატარდება სივრცითი აქტივობები, გასართობი შოუ პროგრამები, საბავშვო სადგურები, თეატრალური წარმოდგენები და სხვა.

ღონისძიების ფარგლებში, გაიმართება საბავშვო კონცერტი. აღნიშნულ ლოკაციაზე 15:00 საათიდან წარმოდგენილი იქნება – ღია ბიბლიოთეკა; კინო კუთხე – ჟოზეს ანიმაციური ფილმების ჩვენება; სპორტული აქტივობები; ქალაქ თბილისის მერიისა და ეროვნული სასახლის კუთხე; ჭადრაკის კუთხე; ამერიკული კუთხე; ხელოვნების სახლების საგამოფენო კუთხე; სახეზე მოხატვა; თექის, კალიგრაფიისა და გამოყენებითი ხელოვნების ვორქშოფები; ფოტო ბასი; მეწარმეთა გამოფენა გაყიდვა; ზღაპრის კუთხე; თოჯინების თეატრი; არტ თერაპია სპეციალური საჭიროების მქონე ბავშვებისთვის.

ღონისძიებას თბილისის მერის მოადგილე ანდრია ბასილაია თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსთან ირაკლი გვილავასთან ერთად დაესწრება.

ღონისძიება დაიწყება 15:00 საათზე, ხოლო კონცერტი – 20:00 საათზე. ღონისძიებებზე დასწრება თავისუფალია.