დროა, მიხეილ სააკაშვილის არასერიოზულ განცხადებებზე კომენტარების გაკეთება შევწყვიტოთ, ყველაფერი კომიკური გახდა, – ამის შესახებ გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ განაცხადა.

დეპუტატის თქმით, სააკაშვილი ის ადამიანია, რომელიც ცოტა ხნის წინ დემენციით იყო დაავადებული.

„არასერიოზულია, რომ სერიოზულად განვიხილოთ მიხეილ სააკაშვილის გამონათქვამები. ადამიანის, რომელიც, როგორც გვახსოვს, სულ ცოტა ხნის წინ დემენციით იყო დაავადებული. ვფიქრობ დროა, საერთოდ შევწყვიტოთ კომენტარების გაკეთება მიხეილ სააკაშვილის არასერიოზულ განცხადებებზე. ყველაფერი კომიკური გახდა“, – აღნიშნავს ბითაძე.

არ ვიცი, ანიტას და მის ბელადს რა ჩანაფიქრი აქვთ, მაგრამ მთავარი ერთია, ვინც დააშავებს და ვინც კანონს დაარღვევს, ყველა თანასწორია, მნიშვნელობა არ აქვს, ვინ არის, რა არის და რას წარმოადგენს, – ამის შესახებ საქართველოს პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ განაცხადა.

ზარქუას თქმით, სამართლებრივი სახელმწიფო გვაქვს და ის, ვინც ზღვარს გადავა, დაარღვევს კანონმდებლობას, რეაგირება ადეკვატური იქნება.

„ოპოზიციაა, თუ რიგითი წევრი, მნიშვნელობა არ აქვს. ჩვენ სამართლებრივი სახელმწიფო გვაქვს და ის, ვინც ზღვარს გადავა და კანონმდებლობას დაარღვევს, ბუნებრივია, ვინც არ უნდა იყოს, რეაგირება ადეკვატური იქნება. ბელადი, მზეთუნახავი იქიდან რას იტყვის, ეს ჩვენთვის ნაკლებად საინტერესოა, რადგან მისი ამიცანაა, საზოგადოება დაძაბოს და ქაოსში შეიყვანის. ჩვენთვის ეს ნაკლებად საინტერესოა.

ერთი ვიცით, რომ ამ ქვეყანაში ვიდრე მმართველი პარტია არის „ქართული ოცნება“, მშვიდიბა იქნება და ეკონომიკურ განვითარებაზე ვიქნებით აქცენტირებული. ვიდრე მმართველი პარტია „ქართული ოცნებაა“, აქცენტირებული ვიქნებით, რომ ჩვენს მოქალაქეებს კიდევ უფრო მეტად შევუქმნათ უკეთესი საცხოვრისი, უკეთესი პირობები ცხოვრებისთვის და ყველაფერი გავაკეთოთ, როგორც ინფრასტრუქტურულ, ისე ცხოვრების ნაწილში, ეს ქვეყანა უფრო უკეთესი და უკეთესი იყოს“, – განაცხადა ირაკლი ზარქუამ.

დამარცხებისთვისაა განწირული ნებისმიერი კანდიდატი, რომელიც არჩევნებში გაბედავს და ბატონი კახი კალაძის წინააღმდეგ ჩაერთვება, – ამის შესახებ „ქართული ოცნების“ წევრმა, არჩილ გორდულაძემ განაცხადა.

მისი თქმით, გადაწყვეტილებას ალეკო ელისაშვილის სასარგებლოდ თუ მიიღებენ, მას იგივე ბედი ეწევა, როგორც ნებისმიერ სხვა „ნაცს“.

„გული დაგვწყდება, თუ ბატონი ალეკო ელისაშვილი არ იქნება გახარიები-„ნაცებისა“ და „ლელოელი“ – „ნაცების“ ერთიანი კანდიდატი. მხოლოდ ბატონ ალეკო ელისაშვილს აქვს შანსი, „დიფ სთეითის“ დავალებები კარგად შეასრულოს. კომიკური ადამიანია და კომიკური კანდიდატი იქნება. თუ ამ გადაწყვეტილებას მიიღებენ, რა თქმა უნდა, იგივე ბედი ეწევა, როგორც ნებისმიერ სხვა „ნაცს“. დამარცხებისთვისაა განწირული ნებისმიერი კანდიდატი, რომელიც არჩევნებში გაბედავს და კახი კალაძის წინააღმდეგ ჩაერთვება“, – განაცხადა არჩილ გორდულაძემ.

პოლიტიკაში ყოფნა ვერ იქნება ინდულგენცია. დანაშაულის ჩამდენი აუცილებლად უნდა გასამართლდეს, – ასე გამოეხმაურა „დღის ქრონიკასთან“ საუბრისას საპარლამენტო უმრავლესობის წევრი, „ქართული ოცნების“ ნაძალადევის რაიონის დელეგატი ირაკლი ხელაძე, „ნაცმოძრაობის“ წევრების შეფასებას, რომ პარტიის პოლიტსაბჭოს წევრის დაკავება პოლიტიკური სარჩულით მოხდა.

მისი თქმით, თუ კი ადამიანი ჩაიდენს დანაშაულს, არ აქვს მნიშვნელობა, რომელ პარტიას წარმოადგენს, უნდა დაისაჯოს.

გიორგი ხელაძის განმარტებით, ოპოზიცია ძალია სუსტი არგუმენტებით ცდილობს მომხდარ ფაქტს პოლიტიკური სარჩული მოსდოს.

„არსებობს გარკვეული ჯგუფი საზოგადოებაში, რომელიც ყველაფერს აძლევს პოლიტიკურ შეფასებას. ჩვენ, ბოლო წლებია ვხედავთ თუ როგორ ვითარდება ჩვენი ქვეყანა. ზუსტად აი, ამ კონკრეტული პოლიტიკური ჯგუფისგან და მათი მხარდამჭერების მხრიდან, აი, ამ წლების განმავლობაში უამრავი სიკეთე აღქმული იყო ისე, როგორც თითქოს არაფერი არ მომხდარა ჩვენს ქვეყანაში. ეკონომიკა არ განვითარებულა, ინსტიტუტებს არ განუცდიათ წინსვლა. დღევანდელი მოცემულობით პოლიტიკაში ყოფნა ვერ იქნება ინდულგენცია. დანაშაულის ჩამდენი აუცილებლად უნდა გასამართლდეს. აუცილებლად უნდათ წარსდგეს მართლმსაჯულების წინაშე. დღეს გაკეთებული განცხადებები, რაც მოვისმინეთ ოპოზიციის მხრიდან, თითქოსდა ეს რაღაცა აღმავალი პროცესია მათი რეიტინგის და შესაბამისად ხელისუფლება ცდილობს, რომ მათ წინააღმდეგ ამ ფორმებით იბრძოლოს, ალბათ ერთ-ერთ ყველაზე სუსტ კონდიციაშია ბოლო პერიოდებს თუ ავიღებთ ოპოზიცია, არის გაქრობის პირას. მათ უპატიებელი შეცდომა დაუშვეს პარლამენტში შეუსვლელობით. დღეს, გამოგონილი თემებით ცდილობენ, რომ აქტუალობა არ დაკარგონ. როგორ შეიძლება „ნაციონალური მოძრაობის“ მხრიდან სწორი შეფასება გაკეთდეს?! რამდენი წელია ჩვენ მათი მხრიდან ათასგვარ სისულელეს ვისმენთ და არაფერი ადეკვატური და სწორი შეფასება მათ მხრიდან არ მოგვისმენია.

რაც შეეხება კორუფციასთან ბრძოლას, ჩვენი განცხადებული პოლიტიკა და პრიორიტეტია, რომ ამ მიმართულებით ვიქნებით უკომპრომისო. არა აქვს მნიშვნელობა ეს იქნება ხელისუფლების მაღალი თანამდებობის პირი, ყოფილი თუ ასე შემდეგ. ამ მიღწევებითაც გამოვირჩევით ბოლო წლების განმავლობაში“, -განაცხადა გიორგი ხელაძემ.

ცნობისთვის, ანტიკორუფციული სააგენტოს თანამშრომლებმა თაღლითობის ბრალდებით „ნაცმოძრაობის“ პოლიტსაბჭოს წევრი დააკავეს.

სუს-ის ინფორმაციით, საქმე ეხება თაღლითობას, კერძოდ, საქართველოში ბინადრობის ნებართვის მოპოვების უზრუნველყოფის სანაცვლოდ უცხო ქვეყნის მოქალაქის ფულადი თანხის მოტყუებით დაუფლების ფაქტს.

დაკავებული ლაშა ცანავა „ნაცმოძრაობის“ ერთ-ერთი დამფინანსებელია და ლევან ხაბეიშვილის თავმჯდომარეობის დროს, მისი თანაშემწეც იყო.