რადიკალები არიან სრულ გაურკვევლობაში, ელოდებიან დავალებას, თუ როგორ იმოქმედონ, – განაცხადა პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა.

მან ისაუბრა, რადიკალური ოპოზიციის თვითმმართველობის არჩევნებში მონაწილეობის შანსებზე.

„როდესაც არ არის შენზედ დამოკიდებული და ხარ სრულიად მიბმული გარე ძალების ნება-სურვილზე, მცდელობები, რომ გაერთიანდნენ ან განცალკევდნენ, ეს გამოსავალი ვერ იქნება. საბოლოო ჯამში, კოლაფსით არის მათი პოლიტიკური რეალობა დასრულებული. თუმცა, მცდელობას „დიფ სთეითი“ არ აკლებს, რათა საკუთარი ნება-სურვილის მიხედვით მომართოს აქ არსებული პოლიტიკური რეალობა. აი, ეს არის მიზეზი იმის, რომ რადიკალები არიან სრულ გაურკვევლობაში, ელოდებიან დავალებას, თუ როგორ იმოქმედონ“, – განაცხადა მათიკაშვილმა.

ლიეტუვამ საქართველოს იმ მოქალაქეების სია გაასაჯაროვა, ვისაც ქვეყანაში შესვლა ეკრძალება.

ლიეტუვის მიგრაციის დეპარტამენტის ვებგვერდის საძიებო სისტემაში სულ საქართველოს 102 მოქალაქე იძებნება, რომელთა წინააღმდეგაც სავიზო შეზღუდვები მოქმედებს.

ლიეტუვის მიერ დაწესებული სავიზო შეზღუდვების თანახმად, ქვეყანაში შესვლას 2029 წლის დეკემბრამდე ვერ შეძლებენ – ბიძინა ივანიშვილი, ვახტანგ გომელაური, შალვა ბედოიძე, იოსებ ჭელიძე, ალექსანდრე დარახველიძე, გიორგი ბუთხუზი, ზვიად ხარაზიშვილი, მილერი ლაგაზაური, მირზა კეზევაძე, ვაჟა სირაძე, თეიმურაზ კუპატაძე, გოგა ხაინდრავა, გრიგოლ ლილუაშვილი, ირაკლი კობახიძე, გიორგი კობახიძე, კახა კალაძე, ზვიად შალამბერიძე, შალვა თადუმაძე, მიხეილ ჩინჩალაძე, თეა წულუკიანი, ირაკლი ქარსელაძე, მამუკა მდინარაძე, კახი ბექაური, ოთარ რომანოვ-ფარცხალაძე, ირაკლი რუხაძე, ლევან მურუსიძე, ვიქტორ ჯაფარიძე და დიტო სამხარაძე.

ასევე, 2030 წლის თებერვლამდე ქვეყანაში შესვლას ვერ შეძლებენ დიმიტრი მჭედლიძე, სულხან კიკნაძე, ირმა ტოგონიძე, თორნიკე მენაბდე, ლელა მილდენბერგერი, მერაბ ტურავა, ლაშა სალუქვაძე, ზვიად ცეკვავა, ლელა მარიდაშვილი, მანუჩარ ცაცუა, ნინო მარიდაშვილი, ლაშა ჯოხაძე, გიორგი ჩარექაშვილი, ნინო ენუქიძე, თეიმურაზ კალანდაძე, თამარ მჭედლიშვილი, ლევან ყოლბაია, გრიგოლ ბესელია, ირაკლი ხუსკივაძე, ვაჟა თოდუა, ზაზა მეტონიძე, ეკა ბარბაქაძე, ოთარ გელაშვილი, ირაკლი დგებუაძე, შმაგი გობეჯიშვილი, ვასილ როინიშვილი, პაატა ცეცხლაძე, ზვიად გუბელაძე, დავით მარუაშვილი, ლელა ცაგარეიშვილი, დავით მგელიაშვილი, ხათუნა ბოლქვაძე, ლევან გეგეჭკორი, ანა მეტრეველი, კობა ჩაგუნავა, ზურაბ ღარიბაშვილი, გიორგი მუკბანიანი, ნანა შამათავა, ნინო ჭაბუკიანი, ნუგზარ ჩიტაძე, როინ ხინთიბიძე, დავით კურტანიძე, თეონა ეპიტაშვილი, ანა ხუბეჯაშვილი, ზვიად შარაძე, თამარ იაკობიძე, ნინო სახელაშვილი, ზვიად მარგველანი, ნატო ხუჯაძე, არსენ კალატოზიშვილი, ლელა კალიჩენკო, ნათია გუდაძე, რევაზ წურწუმია, გიორგი გელაშვილი, ნინო ტარაშვილი, ქეთევან ჯაჭვაძე, მანანა კობახიძე, ევა გოცირიძე, გიორგი თევდორაშვილი, ირინე იმერლიშვილი, ხვიჩა კიკილაშვილი, გულიკო კაჟაშვილი, თორნიკე გოგეშვილი, ვლადიმერ თურმანიძე, მალხაზ ოქროპირაშვილი, დავით ათაბეგაშვილი, გოჩა ვანაძე, ნოდარი ზენაიშვილი, ბერდია ფერაძე, გიორგი ბჟალავა, ვახტანგ ბოლქვაძე, დავით ანთაძე, არჩილ ანთაძე და ცოტნე ქართველიშვილი.

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ მორიგი სხდომა გამართა.

სხდომაზე განხილული იყო 2003-2012 წლებში პოლიტიკური თანამდებობის პირების კორუფციული გარიგებები და პირთა საკუთრების უფლებების შელახვასთან დაკავშირებული ფაქტები. აღნიშნულ საკითხებთან დაკავშირებით კომისიას ახსნა-განმარტება ჯონდო ბაღათურიამ მისცა.

მისი განცხადებით, მიხეილ სააკაშვილმა პრეზიდენტობის ვადაში მილიარდები დააგროვა, როგორც სახელმწიფო ქონების, ასევე რიგითი ადამიანების ძარცვის – სახელმწიფო ბანდიტიზმის ხარჯზე.

„ჩემს მიერ წარმოდგენილი მასალები არ აჩვენებს ერთი კონკრეტული დანაშაულის ან ერთი კორუმპირებული პრეზიდენტის და მისი ოჯახის კორუმპირებულობას, რაც თავისთავადაც სამარცხვინოა, არამედ, ამ მასალებში ჩანს ხელისუფლების ყველა შტოს ხრწნის უკანასკნელი სტადია, სისტემური დანაშაული, როცა დანაშაულში ჩართული არის ყველა და ყველაფერი, რაც კი სახელმწიფოსთან არის გაიგივებული. დანაშაულებრივ სისტემაში, რომელიც პრეზიდენტმა თავის გუნდთან ერთად შექმნა, ჩართული იყო სასამართლო სისტემა, შინაგან საქმეთა სამინისტრო, საჯარო რეესტრი, დედა, მამა, სიდედრი, მეუღლე და ასევე, მედია“, – აღნიშნა ჯონდო ბაღათურიამ.

მან სხდომაზე დოკუმენტები წარადგინა, რომელშიც მისი შეფასებით, ნათლად ჩანს მიხეილ სააკაშვილის დაუსაბუთებელი ქონება.
ჯონდო ბაღათურიას განცხადებით, აგვისტოს ომის წინა პერიოდში მიხეილ სააკაშვილის ოჯახის მიერ სახელმწიფო ქონების მიტაცება გამალებით მიდიოდა და მის მიერ შეძენილი ქონების უმრავლესობა სწორედ ამ პერიოდშია რეგისტრირებული.
მისივე თქმით, განათლების სისტემაში, მიხეილ სააკაშვილის დედის, გიული ალასანიას მიერ ხდებოდა მონოპოლიების შექმნა, საჯარო სკოლების დახურვისა და სახელმწიფო უმაღლესი სასწავლებლისთვის ქონების ჩამორთმევის გზით.
საკუთრების უფლებების შელახვის ფაქტზე კომისიამ ჯუმბერ ბუზალაძე გამოჰკითხა.
ჯუმბერ ბუზალაძის განცხადებით, 2005 წელს, იაპონურ მაფიასთან კავშირისა და მოპარული ავტომანქანების საქართველოში ჩამოყვანის ცრუ ბრალდებით, ავტოსადგომზე გასაყიდად განთავსებული ორი ავტომანქანა ჩამოართვეს და ერთი წლით საპატიმროში ჩასვეს.
მისი თქმით, ავტომანქანების ჩამორთმევაში მონაწილეობდნენ მაშინდელი შინაგან საქმეთა მინისტრი ვანო მერაბიშვილი და სპეციალური ოპერატიული დეპარტამენტის ხელმძღვანელი ერეკლე კოდუა.
ჯუმბერ ბუზალაძემ აღნიშნა, რომ მომხდარის გამო მან უძრავი ქონება დაკარგა და ჯანმრთელობა დაუზიანდა.
როგორც სხდომის დასასრულს დროებითი საგამოძიებო კომისიის თავმჯდომარე თეა წულუკიანმა აღნიშნა, კომისიის დასკვნა მიხეილ სააკაშვილისთვის კიდევ ერთი განაჩენი იქნება.

„კომისიის დასკვნა მიხეილ სააკაშვილისთვის იქნება მორიგი განაჩენი იმიტომ, რომ ის ვერ შევა ისტორიაში როგორც აღმაშენებელი და თანამედროვე ქართული სახელმწიფოს დამფუძნებელი. ამ დასკვნის საფუძველზე, ერთ დოკუმენტში თავმოყრილი იქნება თითქმის ყველა ის უბედურება, რომელიც მისი დავალებით ჩვენს ქვეყანას და თითქმის ყველა ოჯახს თავს დაატყდა, ის ისტორიაში შევა: როგორც ტერიტორიების დამკარგავი და აგვისტოს ომის დროს მშვიდობიანი მოსახლეობის საომარ არეალში განზრახ დამტოვებელი და გამწირავი; როგორც უმაღლესი მთავარსარდალი, რომელმაც საკუთარი ჯარისკაცი და ჯარი გაწირა, გვერდზე გაწია და თვითონ აწარმოვა მერაბიშვილთან, შალვა ჯანაშვილთან, გიგი უგულავასთან, ლომაიასთან და სხვა პოლიტიკოსებთან ერთად ომი, რასაც არაერთი ჯარისკაცი შეეწირა, დაიკარგა 111-ით მეტი სოფელი ცხინვალის რეგიონში და კიდევ უფრო გამყარდა ოკუპაციის ვითარება ჩვენს ქვეყანაში. რუსეთმა, როგორც ოკუპანტმა სახელმწიფომ სააკაშვილის შემწეობით ჩვენს ქვეყანაში პოზიციები კიდევ მეტად გაიმყარა. სააკაშვილმა დაკარგა დალის ხეობა, ეს უზარმაზარი ტერიტორია, რომელიც იქ მცხოვრებთა შემწეობით საქართველოს ცენტრალური ხელისუფლების მიერ კონტროლირებადი იყო. სააკაშვილი ისტორიაში შევა როგორც მწამებელი, მკვლელი, ქონებების რეკეტირი და ბიზნესის მჩაგვრელი, რომელმაც არამც თუ ააშენა სახელმწიფო, რისთვისაც ხალხმა მას ნდობა გამოუცხადა, არამედ ისიც კი დაანგრია, რაც დახვდა. მან ააშენა საკუთარ თავზე, ოჯახზე და თავის ბანდაზე მორგებული მაფიოზური სახელმწიფო და სახელმწიფო ტერორი დაამყარა“, – აღნიშნა თეა წულუკიანმა.