გომბორის მოხალისეთა მომზადების ცენტრმა დღეს კობა კობალაძეს, კახეთის მხარეში სახელმწიფო რწმუნებულს, გიორგი ალადაშვილს და საგარეჯოს მუნიციპალიტეტის მერს, ავთანდილ გულიკაშვილს უმასპინძლა

დღეს, 17 ივლისს, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, კახეთის მხარეში სახელმწიფო რწმუნებული გიორგი ალადაშვილი, საგარეჯოს მუნიციპალიტეტის მერი, ავთანდილ გულიკაშვილი მოხალისეთა ორგანიზაცია ა(ა)იპ „ახალგაზრდობა და ვეტერანები ეროვნული თავდაცვისა და უსაფრთხოებისთვის” გომბორის მოხალისეთა მომზადების ცენტრს ეწვივნენ.

ვიზიტის ფარგლებში, ა(ა)იპ „ახალგაზრდობა და ვეტერანები ეროვნული თავდაცვისა და უსაფრთხოებისთვის” დირექტორმა, ედუარდ ჯიშკარიანმა, სტუმრებს დაათვალიერებინა ცენტრის ინფრასტრუქტურა, გააცნო ინსტრუქტორები და ის პროგრამები, რომლებსაც მოხალისეები შეკრების დროს გადიან; სტუმრები, ასევე, დაესწრნენ მიმდინარე ნაკადში მონაწილე სკოლებს შორის გამართული შეჯიბრებების გამარჯვებულთა დაჯილდოების ცერემონიალს და თავადაც გადასცეს მათ სპეციალურად დაწესებული ჯილდოები და სიმბოლური საჩუქრები.

გომბორის მოხალისეთა მომზადების ცენტრი, წელს, უკვე, მასპინძლობს მეექვსე ნაკადს, რომელიც აერთიანებს სკოლის მოსწავლეებს თბილისიდან, რუსთავიდან, ლაგოდეხისა და საგარეჯოს მუნიციპალიტეტებიდან, ასევე, ზუგდიდის მუნიციპალიტეტის მერიის თანამშრომლებს და შოთა მესხიას სახელობის ზუგდიდის სახელმწიფო უნივერსიტეტის სტუდენტებს.

კურსის განმავლობაში, რომელიც 5 დღიანია, მოხალისეები, კვალიფიციური ინსტრუქტორების ხელმძღვანელობით, გაივლიან რეალურ სიტუაციებზე ადაპტირებულ პრაქტიკულ მომზადებას; ისწავლიან თვითგადარჩენას, საცეცხლე მომზადებას, დრონების მართვას, პირველად სამედიცინო დახმარებას, საინჟინრო მომზადებას, ტოპოგრაფიას, კიბერუსაფრთხოებას.

ბანაკი უზრუნველყოფილია: კონტეინერის ტიპის კომფორტული საცხოვრებლებით,სამჯერადი კვებით, 24-საათიანი სამედიცინო ბრიგადით,ტერიტორიის ვიდეო მონიტორინგით, უფასო ინტერნეტით, ტრანსპორტირებით.

აღსანიშნავია, რომ გომბორის მოხალისეთა სასწავლო ცენტრი ადაპტირებულია შშმ პირებისთვისაც.
ინფორმაციისთვის, ა(ა)იპ ”ახალგაზრდობა და ვეტერანები ეროვნული თავდაცვისა და უსაფრთხოებისათვის” 2023 წელს შეიქმნა. მოხალისეთა ორგანიზაციის დამფუძნებლები არიან საქართველოს თავდაცვის სამინისტრო, ვეტერანების საქმეთა სახელმწიფო სამსახური და საქართველოს გენერალთა კლუბი და მისი მიზანია, ნებაყოფლობით საწყისებზე, აქტიური და მოტივირებული მოქალაქეების არაპოლიტიკური სტრუქტურირებული ერთობის შექმნა, რაც ხელს შეუწყობს ქვეყნის თავდაცვისუნარიანობის გაზრდასა და ეროვნული უსაფრთხოების დაცვას.

დაარსების დღიდან დღემდე, ცენტრში, 1500-ზე მეტი მოხალისე გადამზადდა.

გამოვლინდა 2025 წლის შავი ზღვისა და ზღვისპირა რეგიონის კვლევების საგრანტო კონკურსის – “შავი ზღვის ლურჯი განვითარება” გამარჯვებული პროექტების შედეგები

დეტალური ინფორმაცია გთხოვთ, იხილოთ ფონდის ვებგვერდზე :

https://shorturl.at/ypr26

ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე საქართველოს უმაღლესი საგანმანათლებლო დაწესებულებების ხელმძღვანელებთან შეხვედრებს განაგრძობს.

დღეს, სამსახურის დირექტორმა, ი.ჯავახიშვილის სახელობის თბილისის სახელმწიფო უნივერსიტეტის რექტორს, ჯაბა სამუშიას უმასპინძლა და ესაუბრა ყველა იმ პროგრამაზე, რომელსაც სამსახური, სახელმწიფოსა და, ასევე, საერთაშორისო პარტნიორების, კერძო სექტორის მხარდაჭეით, ბენეფიციართა სოციალური, ეკონომიკური, ჯანდაცვის კუთხით არსებული გამოწვევების დასაძლევად და საზოგადოებაში ვეტერანთა მეტად ინტეგრაციისთვის ახორციელებს.

მხარეებმა განსაკუთრებით გაუსვეს ხაზი მომავალი თაობებისთვის კვალიფიციური განათლების ხელმისაწვდომობის მნიშვნელობას და შესაბამისი ცოდნით აღჭურვილი, პატრიოტული სულისკვეთებით განმსჭვალული ახალგაზრდობის როლს, ერთიანი, ძლიერი სახელმწიფოს მშენებლობაში.

ჯაბა სამუშიამ განაცხადა, რომ მისთვის და ი.ჯავახიშვილის სახელობის თბილისის სახელმწიფო უნივერსიტეტისთვის, განსაკუთრებული პატივი და პასუხისმგებლობაა, საზოგადოების გამორჩეული და ღირსეული ნაწილის_ ვეტერანებისა და მათი ოჯახის წევრთა თანადგომა; მან,ასევე,აღნიშნა,რომ ახალგაზრდებში პატრიოტული სულისკვეთების ასამაღლებლად,მისასალმებელი იქნება,თუ სამსახურის დირექტორი და ქვეყნის წინაშე დამსახურებული ვეტერანები,უნივერსიტეტის სტუდენტებს პერმანენტულად ჩაუტარებენ ლექციებს საქართველოს უახლესი ისტორიის მანძილზე ქვეყნის ტერიტორიული მთლიანობის, თავისუფლებისა და დამოუკიდებლობისათვის წარმოებული საბრძოლო მოქმედებებისა და იმ გმირების შესახებ,რომლთაც ძალისხმევა და სიცოცხლე არ დაიშურეს საქართველოსთვის ბრძოლაში;

ჯაბა სამუშიამ,ასევე,გამოთქვა სურვილი, უნივერსიტეტის სტუდენტები ჩაერთონ მოხალისეთა მომზადების პროგრამაში,რომელსაც მოხალისეთა ორგანიზაცია ა(ა)იპ “ახალგაზრდობა და ვეტერანები ეროვნული თავდაცვისა და უსაფრთხოებისათვის”გომბორის ცენტრში ახორციელებს. უნივერსიტეტის რექტორმა,მომავალში,წარჩინებულ სტუდენტთა მოტივაციის ასამაღლებლად, ვეტერანების საქმეთა სახელმწიფო სამსახურთან თანამშრომლობის გაღრმავებისა და ერთობლივი პროექტების შემუშავების სურვილი გამოთქვა.

შეხვედრის დასასრულს, მხარეებს შორის ურთიერთთანამშრომლობის მემორანდუმი გაფორმდა, რომელსაც, ხელი, კობა კობალაძემ და ჯაბა სამუშიამ მოაწერეს.

ინფორმაციისთვის, ვეტერანების საქმეთა სახელმწიფო სამსახურში, ჯანდაცვის, შშმ ვეტერანთა დახმარების, სოციალური უზრუნველყოფისა და სხვა პროგრამებთან ერთად, 2023 წლიდან მოქმედებს ვეტერანებისა და მათი შვილების უმაღლესი განათლების (ბაკალავრიატის) 50%-ით დაფინანსების პროგრამა, რომლის ამოქმედებიდან დღემდე, 5000-მდე სტუდენტმა-ვეტერანის შვილმა და ხუთმა თავად ვეტერანმა ისარგებლა;

დღევანდელი შეხვედრისა და ურთიერთთანამშრომლობის მემორანდუმის გაფორმების მიზანი გახლდათ, სწავლის დაფინანსების პროგრამის უფრო ეფექტიანი და მოქნილი განხორციელებისათვის უნივერსიტეტსა და სამსახურს შორის ინფორმაციის მიმოცვლის პროცესის გაუმჯობესება და შესაბამისი დოკუმენტაციის წარმოსადგენად სტუდენტებზე არსებული ტვირთის შემსუბუქება.

მემორანდუმით, ასევე, გათვალისწინებულია ურთიერთობის გაღრმავება და თანამშრომლობა განათლებისა და მეცნიერების სფეროში, ვეტერანებისა და მათი ოჯახების ინტერესების მხარდასაჭერად.

ვეტერანების საქმეთა სახელმწიფო სამსახური, ამ მიზნით, ურთიერთთანამშრომლობის მემორანდუმების გაფორმებას გეგმავს, ქვეყნის მასშტაბით სხვა უმაღლეს საგანმანათლებლო დაწესებულებებთანაც.

საგადასახდელო ბალანსის მიმოხილვა

საქართველოს საგადასახდელო ბალანსის ანალიზი გვთავაზობს მნიშვნელოვან დასკვნებს როგორც მიმდინარე, ასევე ფინანსური ანგარიშის ნაწილში. რიგ შემთხვევებში ბოლოდროინდელი დინამიკა ისტორიული ტენდენციებისგან მკვეთრ გადახვევასაც წარმოადგენს.

კერძოდ, მიმდინარე ანგარიშის მხრივ:

•             ტურიზმიდან შემოსავლების ზომიერი ზრდის პარალელურად, ინფორმაციისა და კომუნიკაციის (ICT) და ბიზნეს სერვისების ექსპორტი სწრაფ ზრდას განაგრძობს, რაც დიდწილად ცვლის მომსახურების ექსპორტის სტრუქტურას;

•             მიმდინარე ანგარიშის დეფიციტი, რეინვესტიციის გარეშე, ისტორიულ საშუალოსთან შედარებით მნიშვნელოვნად დაბალი რჩება;

•             მიუხედავად ამისა, პირველ კვარტალში საგარეო ბალანსი საკმაოდ გაუარესდა, თუმცა, ამავდროულად, უახლესი ინდიკატორები მეორე კვარტალში გაუმჯობესებაზე მიუთითებს;

ფინანსური ანგარიშის მხრივ:

•             პირდაპირი უცხოური ინვესტიციები, რეინვესტიციის გამოკლებით, კვლავ დაბალ ნიშნულზეა;

•             პორტფელური ინვესტიციების კუთხით, 2022 წლიდან გააქტიურებულია საქართველოს რეზიდენტების მიერ უცხოური აქტივების შეძენა, რაც ძირითადად უცხოური სავალო ფასიანი ქაღალდების შესყიდვას უკავშირდება;

•             ბოლო პერიოდში მიმდინარე ანგარიშის დეფიციტის დაფინანსებაში საკმაოდ დიდი წვლილი შეჰქონდა სესხებსაც, როგორც საჯარო, ასევე კერძო სექტორში;

•             დაფინანსების წყაროს წარმოადგენდა სავალუტო რეზერვებიც, თუმცა საქართველოს ეროვნული ბანკის (სებ) მიერ აშშ დოლარის მოცულობითი შესყიდვის პარალელურად, მეორე კვარტალში ეს ტენდენცია შეიცვლება.

უფრო დეტალურად, პირველ კვარტალში მიმდინარე ანგარიშის სეზონურად შესწორებულმა დეფიციტმა მთლიანი შიდა პროდუქტის (მშპ) 6.7% შეადგინა, რაც წინა კვარტალთან (5.1%) შედარებით 1.6 პროცენტული პუნქტით მეტია. დეფიციტის ზრდაში ყველაზე დიდი წვლილი რეზიდენტების მიერ საგარეო წყაროებიდან მიღებული შრომის ანაზღაურების, საქონლით საგარეო ვაჭრობის ბალანსისა და ფულადი გზავნილების გაუარესებამ შეიტანა. საპირისპიროდ, მნიშვნელოვნად გაიზარდა ICT სექტორის ექსპორტი, რამაც მომსახურებით ვაჭრობის პროფიციტიც გაზარდა.

ამავდროულად, უახლეს ინდიკატორებზე დაყრდნობით, აღნიშნული ფაქტორების მხრივ მეორე კვარტალში მნიშვნელოვანი გაუმჯობესება იკვეთება. კერძოდ, საქსტატის მონაცემებით, მეორე კვარტალში საქონლით საგარეო ვაჭრობის დეფიციტი წლიურად 10.5%-ით არის შემცირებული (პირველ კვარტალში 16.2%-ით ზრდა), ხოლო, სებ-ის მონაცემებით, სწრაფი ფულადი გზავნილების ზრდა 10%-ია (პირველ კვარტალში 3.2%-ით კლება).

რაც შეეხება ფინანსურ ანგარიშს, რომელიც მიმდინარე ანგარიშის დეფიციტის დაფინანსების წყაროს წარმოადგენს, პირველ კვარტალში გამოსაყოფია სავალუტო რეზერვებისა და ნაღდი ფულის და დეპოზიტების დინამიკა, რომლებზეც დეფიციტის დაფინანსების სამ მეოთხედზე მეტი მოდიოდა. როგორც ზემოთ აღინიშნა, მეორე კვარტალში სავალუტო რეზერვები, წინა კვარტალთან შედარებით, $377 მილიონითაა გაზრდილი, რაც სავალუტო ბაზარზე სებ-ის მიერ აშშ დოლარის შესყიდვასთან არის დაკავშირებული, ლარის მხარდამჭერი ფაქტორების გაძლიერების ფონზე. მარტიდან მაისის ჩათვლით პერიოდში სებ-მა ბაზარზე $613 მილიონი შეიძინა. ჩვენი შეფასებით, ინტერვენციები ივნისსა და ივლისშიც გრძელდება. 

პირდაპირ უცხოურ ინვესტიციებში, ბოლო პერიოდების მსგავსად, წამყვან როლს კვლავ რეინვესტირებული მოგება ასრულებდა, რომელზეც პირველ კვარტალში წმინდა პირდაპირი ინვესტიციების 67% მოდიოდა. საყურადღებოა პორტფელური ინვესტიციების დინამიკა, სადაც საქართველოს რეზიდენტების მიერ უცხოური სავალო ფასიანი ქაღალდების შეძენა იკვეთება, რაც ისტორიულად საქართველოს საგადასახდელო ბალანსისთვის დამახასიათებელი მოვლენა არ ყოფილა. ამავდროულად, სახეზეა რეზიდენტების მიერ გამოშვებული სავალო ფასიანი ქაღალდების ნაწილობრივი გამოსყიდვაც. სესხების კუთხით, ბოლო რამდენიმე წლის განმავლობაში როგორც მთავრობის, ასევე კერძო სექტორის მიერ მოზიდული სახსრები, დაახლოებით, თანაბარი იყო, რამაც მიმდინარე ანგარიშის დეფიციტის დაფინანსებაში მნიშვნელოვანი წვლილი შეიტანა, თუმცა პირველ კვარტალში სესხების მოცულობა მხოლოდ უმნიშვნელოდ გაიზარდა.

იხილეთ პუბლიკაციის სრული ვერსია შემდეგ ბმულზე: https://tbccapital.ge/ge/publications/all-publications/singleview/30006986-macro-update-georgia

R

კიდევ ერთი სიახლე PSP-სგან – ქართველ მომხმარებლისთვის უკვე ხელმისაწვდომია საკვები დანამატების ფრანგული ხარისხის ახალი სტანდარტი სილამაზესა და ჯანმრთელობაში, პრემიუმ ბრენდის „ლაბორატორია გრანიოს“  (Granions Laboratoir) პროდუქტები.

„ლაბორატორია გრანიოს“ უკვე 75 წელია წამყვანი ბრენდია მიკროელემენტებისა და საკვები დანამატების სფეროში. ის ერთ-ერთი პირველი კომპანიაა, რომელმაც ოლიგოთერაპიის კონცეფცია დანერგა ფარმაცევტულ ბაზარზე და დღესაც ლიდერია ამ მიმართულებაში.

კომპანია ჰიპოალერგიული მაღალი ხარისხის და ბიოშეღწევადობის ინგრედიენტებით აწარმოებს ბუნებრივ და კლინიკურად დადასტურებულ პროდუქტებს: ვიტამინები, მინერალები, ოლიგოელემენტები, ზღვის კოლაგენის შემცველი საკვები დანამატები, სილამაზის, გაახალგაზრდავების და კანის მოვლის პროდუქები და სხვ.  

ზღვის კოლაგენის უნიკალური ბიოქიმიური შემადგენლობა და მრავალმხრივი სასარგებლო თვისებები ხელს უწყობს თმის, კანის, ფრჩხილის, სახსრების და ძვლების ჯანმრთელობის შენარჩუნებას და გაუმჯობესებას; დერმატოლოგიური ხაზი განკუთვნილია როგორც მგრძნობიარე კანის, ასევე ატიპოიური ეგზემის და აკნეს სამკურნალოდ.

„PSP მომხმარებლებს მუდმივად სთავაზობს ინოვაციებსა და თანამედროვე მედიცინის სიახლეებს, რომელიც მათ ჯანმრთელობასა და სილამაზეზე ზრუნვას გაუმარტივებს. მეცნიერებაზე დაფუძნებული ინოვაციური ფორმულებით ბუნებრივ ინგრედიენტებზე შექმნილი პროდუქტების ეფექტურობა დადასტურებული კლინიკურად და ხარისხის უმაღლესი სტანდარტების GMP და ISO სერტიფიკატებით, საერთაშორისო ჯილდოებით და მსოფლიოს მრავალი ქვეყენის მომხმარებელთა ნდობით.

ფრანგული ხარისხის და 75 წლიანი გამოცდილების „ლაბორატორია გრანიოს“ პროდუქცია საშუალებას გვაძლევს ჩვენ მომხმარებლებს გავაცნოთ ახალი სტანდარტი სილამაზესა და ჯანმრთელობაში“- აცხადებენ PSP-ში.

თიბისის მხარდაჭერით, დიზაინის ინსტიტუტმა Polish Graphic Design-თან თანამშრომლობით, სოციალური დიზაინის დღეების პირველ კონფერენციას უმასპინძლა. ღონისძიებამ გააერთიანა სხვადასხვა სფეროს წარმომადგენლები — არქიტექტორები, დიზაინერები, მკვლევრები, მეწარმეები და სამოქალაქო სექტორი- ერთი მიზნის გარშემო: როგორ შეუძლია დიზაინს ხელი შეუწყოს სოციალურ ცვლილებებს.

ორი დღის განმავლობაში, დიზაინის ინსტიტუტმა უმასპინძლა 400-ზე მეტ სტუმარს და 15-ზე მეტ სესიას, სამუშაო შეხვედრასა და დისკუსიას, რომლებმაც საშუალება მისცა განსხვავებული გამოცდილების მქონე ადამიანებს გაეზიარებინათ თუ როგორ შეუძლია თანამშრომლობას, თუნდაც მცირე მასშტაბით, შექმნას ადამიანზე ორიენტირებული დიზაინი. 

პლატფორმის მიზანი  სოციალური დიზაინის გარშემო დიალოგის დაწყება, სფეროთა შორის თანამშრომლობის გაღრმავება და სისტემურ გამოწვევებზე შემოქმედებითი და ადამიანზე ორიენტირებული პასუხების შემუშავებაა. დიზაინი, როგორც ინსტრუმენტი, შეიძლება გამოვიყენოთ ისეთ სფეროებში, როგორიცაა ჯანდაცვა, განათლება, ურბანული განვითარება, კულტურული მემკვიდრეობა და საჯარო სივრცეების ხელახალი გააზრება.

პირველი კონფერენციის ძირითადი თემები იყო: ურბანული სივრცეები და მემკვიდრეობა, სოციალური დიზაინის ხელსაწყოები, ბრენდი და სოციალური პასუხისმგებლობა. 

ქართველ და პოლონელ მონაწილეებს შორის იყვნენ როგორც სხვადასხვა სფეროს პროფესიონალები,  ისე სტარტაპები და  სტუდენტები. განსაკუთრებული ადგილი დაეთმო პრაქტიკულ საქმიანობას – მონაწილეები რეალურ პრობლემებზე დაფუძნებულ სამუშაო შეხვედრების დროს  ქმნიდნენ დიზაინ გადაწყვეტილებებს ქალაქისთვის, საზოგადოებისთვისა და კულტურული სივრცეებისთვის. 

სოციალური დიზაინის დღეები გრძელვადიანი პლატფორმის დასაწყისია, რომელიც მომავალში გაგრძელდება თემატური შეხვედრებით, საჯარო ლექციებით, კვლევებითა და საგანმანათლებლო პროგრამებით. 

დიზაინის ინსტიტუტის ხედვაა – შექმნას სივრცე, სადაც სხვადასხვა სფეროს წარმომადგენლები, მათ შორის ისინი, ვინც უკვე ჩართულნი არიან ჩვენს პროგრამებსა და ინიციატივებში, გაერთიანდებიან საერთო მიზნების ირგვლივ. ჩვენ გვჯერა, რომ საქართველოს აქვს ყველანაირი რესურსი – შემოქმედებითი ტალანტი, სამოქალაქო ენერგია და კულტურული მემკვიდრეობა იმისთვის, რომ გახდეს რეგიონალური ცენტრი სოციალური დიზაინისთვის.

თიბისი მხარს უჭერს განათლების ისეთ პროექტებს, რომლებიც ადამიანების განვითარებას და მათ წინსვლას უფრო მეტად მიეხმარება. ბრენდის მიზანია  წაახალისოს და ხელი შეუწყოს ადამიანებს, რომლებსაც სჯერათ რომ განათლებით საკუთარ ამბავს ქმნიან.

17 ივლისს სინოპტიკოსები წვიმიან ამინდს ვარაუდობენ ქუთაისში – დღისით +32 და ღამით +21 გრადუსია მოსალოდნელი.

ოზურგეთშიც წვიმიანი ამინდია. დღისით +31 გრადუსი დაფიქსირდება, ღამით კი +19.

ბათუმშიც წვიმას ვარაუდობენ, დღისით ჰაერი +28 გრადუსამდე გათბება, ხოლო ღამით +20 გრადუსი დაფიქსირდება.

ფოთშიც ნალექიან ამინდს ვარაუდობენ. დღისით +31 გრადუსი დაფიქსირდება, ღამით კი +24 გრადუსია მოსალოდნელი.

იწვიმებს ზუგდიდშიც, სადაც დღისით ტემპერატურა +29, ღამით კი +20 გრადუსია ნავარაუდევი.

ნალექიანი დღეა სოხუმში. +29 გრადუსია მოსალოდნელი დღისით, ღამით +21 გრადუსი დაფიქსირდება.

მესტიაში ნალექიან ამინდს ვარაუდობენ, დღისით +28 გრადუსი იქნება, ღამით კი +9 გრადუსი დაფიქსირდება.

ამბროლაურშიც ნალექიანი დღეა, ჰაერი +31 გრადუსამდე გათბება, ღამით კი +15 გრადუსი დაფიქსირდება.

წვიმიანი ამინდია ჭიათურაში, დღისით +31 გრადუსი, ღამით კი +16 გრადუსი დაფიქსირდება.

ახალციხეში წვიმაა მოსალოდნელი. დღისით ჰაერი +32 გრადუსამდე გათბება, ღამით კი ტემპერატურა +11 გრადუსი იქნება.

ბორჯომში ნალექიანი ამინდია, +31 იქნება დღისით, ღამით კი +14 გრადუსი დაფიქსირდება.

წვიმაა მოსალოდნელი ბაკურიანშიც, დღისით +27 გრადუსია მოსალოდნელი, ღამით +8 გრადუსი დაფიქსირდება.

გორშიც წვიმაა მოსალოდნელი. დღისით +34 გრადუსი, ღამის განმავლობაში კი +16 გრადუსი დაფიქსირდება.

ნალექიანი დღეა ცხინვალშიც, ჰაერის ტემპერატურა +33 გრადუსი იქნება, ღამით კი +15 გრადუსი დაფიქსირდება.

გუდაურში წვიმიანი ამინდია მოსალოდნელი. დღის განმავლობაში +24 გრადუსი დაფიქსირდება, ღამით კი ჰაერის ტემპერატურა +8 გრადუსი იქნება.

ომალოში დღისით +25, ღამით კი +8 გრადუსი დაფიქსირდება. წვიმის ალბათობა დიდია.

ლაგოდეხში ჰაერის ტემპერატურა დღის განმავლობაში +36 გრადუსი იქნება, ღამით კი +22 გრადუსი დაფიქსირდება. იწვიმებს.

ნალექიანი დღე იქნება თელავშიც, +35 გრადუსი დაფიქსირდება, ღამით კი +22 გრადუსია ნავარაუდევი.

წვიმიან ამინდს ვარაუდობენ გურჯაანშიც. დღისით +36 გრადუსი, ღამით კი +22 გრადუსი დაფიქსირდება.

სიღნაღში ნალექია მოსალოდნელი, დღისით +35 გრადუსი იქნება, ღამით +21 გრადუსი დაფიქსირდება.

რუსთავში იწვიმებს. დღისით +36 გრადუსია მოსალოდნელი, ღამით კი +21 გრადუსი დაფიქსირდება.

თბილისშიც ხანმოკლე წვიმაა მოსალოდნელი. ჰაერის ტემპერატურა დღისით +35 გრადუსს მიაღწევს, ღამით კი +21 გრადუსი იქნება.

ვერძი

ვერძებისთვის ცვლილებების დრო დგება. გრძნობთ, როგორ გეცვლებათ გემოვნება, სურვილები და შეხედულებები. ის, რაც ადრე უინტერესოდ და უმნიშვნელოდ გეჩვენებოდათ, შეიძლება ახლა თქვენს მთავარ საქმიანობად იქცეს. სავარაუდოდ, პრიორიტეტები და ადამიანების მიმართ დამოკიდებულებაც შეიცვლება. ფრთხილად იყავით – ემოციების აყოლამ შეიძლება წლების მანძილზე ნაშენები საქმე დაგინგრიოთ. სახლის დალაგების დროს შეიძლება ისეთი ნივთი იპოვოთ, რომელიც ძველ სიყვარულს გაგახსენებთ.

კურო

პირად ცხოვრებასა და სამსახურზე ფიქრი და შინაგანი შფოთვა მოდუნების საშუალებას არ გაძლევთ. შეეცადეთ, ბის მიხედვით დაალაგოთ. რაც უფრო მალე დამშვიდდებით, მით უფრო მალე დალაგდება ყველაფერი და შედეგს მიაღწევთ. დროა, სამსახურის შეცვლაზე, ახალი ცოდნის მიღებაზე ან იმ ურთიერთობის დასრულებაზე დაფიქრდეთ, რომელიც დიდი ხანია აღარ გაკმაყოფილებთ.

ტყუპები

თქვენს გარშემო საერთო ინტერესების მქონე ადამიანები იკრიბებიან. ასეთ გარემოში თავს კომფორტულად იგრძნობთ და ისეთ რამეს გააკეთებთ, რაც მარტო ყოფნის დროს შეუძლებელი იქნებოდა. სასიამოვნო გარემო მხოლოდ პროფესიულ სფეროს არ გულისხმობს — ეს შეიძლება ოჯახი, მეგობრები ან ინტერესების სფერო იყოს. დაინტერესდით სოციალური კავშირების გაძლიერებით — მალე ეს თქვენი შემოსავლის წყაროდ იქცევა.

კირჩხიბი

ამ დღეს ვარსკვლავები კირჩხიბებს ახალ წამოწყებებში მხარს უჭერენ. დაიწყეთ ახალი პროექტი, შეეგუეთ ახალ თანამდებობას ან ოცნების ასრულებისთვის იმოქმედეთ. არსებობს შანსი, რომ სამსახურში მაცდური და საინტერესო წინადადება მიიღოთ, თუმცა სანამ დათანხმდებით, ყველა დადებითი და უარყოფითი მხარე უნდა შეაფასოთ — პასუხს წარსულში იპოვით.

ლომი

ლომების უმეტესობას ამ დღეს წარსულზე ფიქრი მოეძალება. თქვენი ცხოვრების განსაკუთრებული მომენტების თავიდან განცდის სურვილმა და წარსულის დღევანდელობასთან შედარებამ შეიძლება დეპრესიამდე მიგიყვანოთ. ადამიანების მიმართ ზედმეტმა ნდობამ შეიძლება ძალიან დაგაზარალოთ — სანამ მნიშვნელოვან დავალებას კოლეგას ანდობთ, სჯობს მისი საიმედოობა გადაამოწმოთ.

ქალწული

შესაძლოა, ამ დღეს მიღებული გადაწყვეტილებები ცვლილებების დასაწყისი გახდეს. დღის პირველ ნახევარში როგორც საქმიანი, ისე პირადი ურთიერთობები წარმატებით წარიმართება. ვარსკვლავები გირჩევენ, რომ მთელი ყურადღება სამუშაოსკენ მიმართოთ, განსაკუთრებით, თუ ამჟამად სამსახურს ეძებთ. როგორც გასაუბრება, ისე საქმიანი მოლაპარაკება წარმატებით ჩაივლის.

სასწორი

ეს დღე ინტრიგებს, ჭორებს და პროფესიულ სფეროში დაძაბულობას უკავშირდება. კონკურენცია ადამიანებს აიძულებს, რომ უარყოფითი თვისებები გამოავლინონ, ხელმძღვანელობა კი ამ პროცესებს ხელს უწყობს. ეცადეთ ადამიანური თვისებები შეინარჩუნოთ — სჯობს ზოგჯერ დათმოთ, ვიდრე მოგვიანებით საკუთარი საქციელი ინანოთ. დღის ბოლოს ბევრი სასწორი გადაღლილობას იგრძნობს. ეცადეთ, დაისვენოთ და თავი არ გადაიტვირთოთ.

მორიელი

წინააღმდეგობრივი დღეა. ერთი მხრივ, მიზნის მიღწევა მცირე ძალისხმევითაც შეგიძლიათ, თუმცა ყველაზე მარტივი საკითხიც კი შეიძლება გართულდეს და უამრავი პრობლემა გამოიწვიოს, რომელთა სწრაფად გადაჭრა მოგიწევთ. პირად ცხოვრებაში დაგროვილი უთანხმოება მალე თავს იჩენს. გამოიყენეთ თქვენი მომხიბვლელობა და ადამიანების დარწმუნების უნარი – ისინი დღეს თქვენი ძლიერი იარაღია.

მშვილდოსანი

შესანიშნავი დღეა ახალი წამოწყებებისთვის – რასაც ხელს მოჰკიდებთ, ყველაფერი გამოგივათ. ოპტიმისტური განწყობა და შრომისმოყვარეობა რთული საქმეების დასრულებაში დაგეხმარებათ. უცხო ადამიანი საინტერესო იდეას შემოგთავაზებთ – ყურადღებით მოუსმინეთ, რადგან ეს იდეა მომავალზე მინიშნებადაც შეიძლება იქცეს. საღამოს შესაძლოა ძველი მეგობრები დაგიკავშირდნენ – აუცილებლად გამონახეთ დრო მათთან შეხვედრისთვის.

თხის რქა

დილის ენერგია და კარგი განწყობა დღის პირველ ნახევარში ძალიან დაგეხმარებათ. ეცადეთ ყველა მნიშვნელოვანი საქმე შუადღემდე დაგეგმოთ. სახელმწიფო უწყებებში ოფიციალური შეხვედრები წარმატებით ჩაივლის, მაგრამ დღის მეორე ნახევარში ტემპი შენელდება. ის, რაც ვერ მოასწარით, ჯობია სხვა დღისთვის გადადოთ. ახლა დროა, რომ ცუდი ჩვევებისგან გათავისუფლდეთ — ერთ-ერთი მათგანი დღეს კვლავ თავს შეგახსენებთ.

მერწყული

ამ დღეს ყველა მნიშვნელოვანი შეხვედრა და პროფესიული ღონისძიება წარმატებით დასრულდება. გაითვალისწინეთ, რომ შედეგის მისაღწევად დიპლომატიური უნარები და შთამბეჭდავი გარეგნობა მნიშვნელოვანი იქნება – ბევრი ადამიანი სწორედ თქვენი გარეგნობის მიხედვით შეგაფასებთ. სავარაუდოდ, დღეს გაიგებთ სიმართლეს, რომელიც აქამდე დაფარული იყო ან ყურადღებას არ აქცევდით.

თევზები

თევზებისთვის განახლების ეტაპი იწყება. თქვენს ცხოვრებაში ბევრი სიახლე ჩნდება, რისთვისაც ჯერ მზად არ ხართ. ვიღაცას საკუთარ ნაკლოვანებებთან გამკლავება მოუწევს, ვიღაცას კი ახლობლების ერთგულების გადამოწმება. რაც არ უნდა მოხდეს, მიიღეთ როგორც სამყაროს მინიშნება და დახმარება. უარყოფა გარდაუვალს მხოლოდ დროებით შეაჩერებს. კარგი დროა სამსახურის ან საცხოვრებელი ადგილის შეცვლისთვის.