Home Blog

“ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?!”

ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?! , – ამის შესახებ პარლამენტის ვიცე-სპიკერი ნინო წილოსანი სოციალურ ქსელში წერს.

წილოსანის თქმით, უკვე ერთი კვირაა ოპოზიცია და მათი აქტივისტები ზიზღს ავლენენ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო.

„ოპოზიციის ლიდერებს და მათ რუპორ აქტივისტებს მივმართავ!
საკუთარი ხალხის მიმართ ამხელა ზიზღს როგორ იტევთ?!
უკვე ერთი კვირაა თვალს ვადევნებთ რამხელა აგრესიას და ზიზღს ავლენთ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო. რამ შეგაძულათ ასე საკუთარი მოსახლეობა? რამ შეგაშინათ ასე საკუთარი ხალხის?
დღეს, თქვენგან განსხვავებით, მშვიდობიანი მიზნით შეიკრიბება უამრავი ადამიანი! მიუხედავად იმისა, რომ ქართველი ერის წინაშე უდიდესი დანაშაული მიგიძღვით და ამ ადამიანების დიდი ნაწილი სრულ ტერორში გყავდათ თქვენი მმართველობის დროს, ჩვენ მაინც ცივილიზებულად მოგექცევით და თქვენსავით კაციჭამიები არასდროს გავხდებით!“ – წერს წილოსანი.

შსს თბილისში, ამაღლების ქუჩაზე მომხდარის შესახებ განცხადებას ავრცელებს

თბილისში, ამაღლების ქუჩაზე მომხდარი ინციდენტის შესახებ შინაგან საქმეთა სამინისტრო განცხადებას ავრცელებს.

განცხადების თანახმად, მოპედის მძღოლმა, რომელიც ამაღლების ქუჩაზე გადამოწმების მიზნით შეაჩერეს, სამართალდამცველებს სიტყვიერი შეურაცხყოფა მიაყენა. ასევე, მსუბუქი ავტომობილის მძღოლის დაკავებისას, ამავე ავტომობილის მგზავრმა, სამართალდამცველს სახის არეში ფიზიკური დაზიანება მიაყენა.

უწყების ცნობით, გამვლელი პირი სამართალდამცველებისთვის შესაბამისი სამართლებრივი ღონისძიებების გატარების პროცესში ხელის შეშლას შეეცადა, რა დროსაც შეუძლოდ გახდა.

„გვსურს, საზოგადოებას მივაწოდოთ ინფორმაცია, თბილისში, ამაღლების ქუჩაზე მომხდარი ინციდენტის შესახებ.

სამართალდამცველებმა ამაღლების ქუჩაზე, მოპედის მძღოლი გადამოწმების მიზნით შეაჩერეს, რა დროსაც იქვე გამვლელი მსუბუქი ავტომობილის მძღოლი 1993 წელს დაბადებული გ.კ. მიუახლოვდა საპატრულო პოლიციის ეკიპაჟის წევრებს და სიტყვიერი შეურაცხყოფა მიაყენა.

სამართალდამცველებმა აღნიშნულ ფაქტზე მოახდინეს რეაგირება და ავტომობილის მძღოლს კანონის შესაბამისად, გონივრული ეჭვის საფუძველზე, ალკოტესტზე/ნარკოტესტზე შემოწმების გავლა მოსთხოვეს, რაზეც აღნიშნულმა პირმა განაცხადა უარი და პოლიციის მიმართ კიდევ უფრო აგრესიული გახდა. საპატრულო პოლიციის თანამშრომლებმა გ.კ. ადმინისტრაციულ სამართალდარღვევათა კოდექსის 173-ე მუხლის შესაბამისად ადგილზე დააკავეს, რაც სამართალდამცველის კანონიერი მოთხოვნის დაუმორჩილებლობას გულისხმობს.

ასევე, მსუბუქი ავტომობილის მძღოლის გ.კ.-ს დაკავებისას, ამავე ავტომობილის მგზავრმა, სამართალდამცველს სახის არეში ფიზიკური დაზიანება მიაყენა.

ინციდენტის შემსწრე ერთ-ერთი გამვლელი პირი კი, სამართალდამცველებისთვის შესაბამისი სამართლებრივი ღონისძიებების გატარების პროცესში ხელის შეშლას შეეცადა, რა დროსაც გახდა შეუძლოდ.

სოციალური ქსელის მეშვეობით ვრცელდება ინციდენტის ბოლო ეპიზოდის ამსახველი მასალა, რაც არ ასახავს ინციდენტის სრულ სურათს, აქედან გამომდინარე მოვუწოდებთ დაინტერესებულ პირებს თავი შეიკავონ სამართალდამცველების მიზანმიმართული დისკრედიტაციისგან.

შინაგან საქმეთა სამინისტროს მიერ აღნიშნულ ინციდენტში მონაწილე ყველა პირის მიმართ გატარდება კანონით განსაზღვრული ღონისძიებები“, – ნათქვამია განცხადებში.

ცნობისთვის, სოციალურ ქსელში საპატრულო პოლიციის თანამშრომლებსა და მოქალაქეებს შორის დაპირისპირების ამსახველი ვიდეო გავრცელდა. ვიდეო პოლიციელის მიერ მოქალაქის დაკავების ამსახველი კადრით იწყება. ამ დროს დაკავებულს გამოესარჩლა სხვა მოქალაქე, რომელმაც პოლიციელს შემდეგი სიტყვებით მიმართა: – „მოვა დრო და მაგისთვის დედას გიტირებენ“. ვიდეოში ჩანს, რომ მასთან სამართალდამცავები მიდიან და ძალის გამოყენებით მის დაკავებას ცდილობენ, რა დროსაც ეს უკანასკნელი შეუძლოდ ხდება და სავარაუდოდ, გონებას კარგავს.

“პუტინის გულში შიში სუფევს. სასოწარკვეთილმა დიქტატორმა შეიძლება ტაქტიკურ ბირთვულ იარაღს მიმართოს, რომლითაც ორივე არმია განადგურდება – რუსულიც და უკრაინულიც”- The Daily Telegraph-ი

„პუტინის გულში შიში სუფევს. სასოწარკვეთილმა დიქტატორმა შეიძლება ტაქტიკურ ბირთვულ იარაღს მიმართოს, რომლითაც ორივე არმია განადგურდება – რუსულიც და უკრაინულიც“ – ასეთი სათაური აქვს ბრიტანული გაზეთის „დეილი ტელეგრაფის“ (The Daily Telegraph) 11 ივლისის ნომერში გამოქვეყნებულ სტატია-კომენტარს, რომლის ავტორია ჰემიშ ბრეტონ-გორდონი – სამხედრო-პოლიტიკური ექსპერტი, გადამდგარი პოლკოვნიკი.

გთავაზობთ პუბლიკაციას მცირეოდენი შემოკლებით:

შესაძლოა ყველაზე პოზიტიური ამბავი, რომელიც საფრანგეთის პრეზიდენტის ემანუელ მაკრონის ლონდონში ვიზიტის დროს მოხდა, არის ის, რომ გამოცხადდა ერთობლივი ფრანგულ-ბრიტანული ალიანსი ბირთვული იარაღთან დაკავშირებით.

ჩვენ, რასაკვირველია, დიდი ხნის წინ ვვარაუდობდით, რომ საფრანგეთი მხარს დაგვიჭერდა ნებისმიერი ბირთვული აგრესიის შეკავებაში, მაგრამ მტკიცედ დარწმუნებულები მაინც არ ვიყავით: დღევანდელ რთულ და დაძაბულ მსოფლიოში აღქმა და ფსიქოლოგიური განწყობა შედარებით ნაკლებ გავლენას ახდენს პოლიტიკაზე, ვიდრე ფიზიკური საბრძოლო მზადყოფნა. ახლა კი ემანუელ მაკრონისა და კირ სტამერის ერთობლივი ბირთვული განცხადება ბევრად უფრო მეტ რეზონანსს გამოიწვევს კრემლში, ვიდრე იმ ყველა ჭურვისა და რაკეტის წარმოება, რაზედაც პარიზი და მოსკოვი შეთანხმდა – მით უმეტეს, რომ მათი გამოშვება ხვალვე კი არა, არამედ 3-4 წლის შემდეგ თუ დაიწყება.
კიდევ ერთი არანაკლებ მნიშვნელოვანი ინფორმაცია, რომელიც ბოლო კვირების განმავლობაში გავრცელდა და რომელიც ასევე ევროპის ბირთვულ თავდაცვას უკავშირდება, არის ბრიტანეთის თავდაცვის მინისტრის განცხადება, რომლის თანახმად, დიდი ბრიტანეთი შეისყიდის ამერიკულ რეაქტიულ „უჩინარ“ თვითმფრინავს F-35A-ს, რომელსაც ბირთვული იარაღის გამოყენების შესაძლებლობა აქვს, მაგალითად, ამერიკული ტაქტიკური ატომური გრავიტაციული ბომბისა, სახელწოდებით B61.

ბირთვული შეკავების ეფექტურობა, საყოველთაო გაგებით, ეფუძნება პარიტეტს და წონასწორობას, თუმცა ეს პოზიცია სერიოზულად შეილახა აშშ-ის პრეზიდენტის დონალდ ტრამპის კომენტარებით ბოლო თვეების განმავლობაში. შესაძლოა, კრემლმა იფიქრა, რომ აშშ არ მოახდენს რეაგირებას, თუ რუსეთი ტაქტიკურ ბირთვულ იარაღს გამოიყენებს უკრაინაში ან ევროპაში. ვლადიმერ პუტინი და მისი ბანდიტები მუდმივად იმუქრებოდნენ ბირთვული დარტყმით მანამდეც, სანამ უკრაინის წინააღმდეგ მასშტაბურ ომს დაიწყებდნენ, მაგრამ ახლა, როცა სამდღიანი ომი სამწლიანად გადაიქცა, ისინი შესაძლოა უკვე ფიქრობენ რადიკალური ნაბიჯის გადადგმას ომი სწრაფად დასრულების მიზნით. კრემლს ჰგონია, რომ ჩვენ რეაგირებას ვერ გავბედავთ.

ერთი მხრივ,კრემლის ასეთ პოზიციას აზრი აქვს: პუტინმა კარგად იცის, რომ ლონდონს ტაქტიკური ბირთვული იარაღი არ აქვს (უფრო სწორად, ჰქონდა და ნაადრევად გაანადგურა 1990-იან წლებში) და აქედან გამომდინარე ნაკლებად სავარაუდოა, რომ დიდი ბრიტანეთი, რუსეთის მოქმედების ანუ ტაქტიკური ბირთვული იარაღის გამოყენების საპასუხოდ, მოსკოვისაკენ ბევრად უფრო მეტი პოტენციალის მქონე სტრატეგიული დანიშნულების რაკეტას „ტრაიდენტს“ გაუშვებს. არმაგედონის გაჩაღება ჩვენს გეგმებში ნამდვილად არ შედის, მაგრამ აუცილებელია გარკვეული პასუხის გაცემა.

გასაგებია, რომ F-35A-სა და B61-ის შესყიდვას, მათი ექსპლოატაციის დაწყებას და საბრძოლო მზადყოფნაში მოყვანას წლები დასჭირდება, მაგრამ ახლა, როცა საფრანგეთსა და დიდ ბრიტანეთს, თანამედროვე „ანტანტას“, უკვე აქვთ [ფრანგული] ტაქტიკური ბირთვული იარაღი ერთობლივი სარგებლობისათვის, ვლადიმერ პუტინს მოუწევს იფიქროს, რომ თუ იგი უკრაინის არმიის წინააღმდეგ ბირთვულ დარტყმას განახორციელებს, იგი აუცილებლად მიიღებს პასუხს რუსეთის არმიაზე იგივე ბირთვული დარტყმის სახით.

სავარაუდოდ, რუსეთის ლიდერისათვის ასეთი პერსპექტივა შიშისმომგვრელი და გულისშემძვრელი უნდა იყოს, რადგან მისი არმია არამარტო თავდასხმისა და აგრესიის ინსტრუმენტს წარმოადგენს, არამედ კრემლის დიქტატორული ხელისუფლების საყრდენსაც. (…)
ევროპას ძლიერი სამხედრო ხელმძღვანელობა ჭირდება: იმდენად, რამდენადაც ჩვენ ვუპირისპირდებით უკანასკნელ ევროპელ ტირანს, არაფერი მას არ შეაშინებს, გარდა საპასუხო ბირთვული დარტყმის შიში. ორი დღევანდელი მომენტი – ფრანგულ-ბრიტანული ბირთვული ალიანსი და ნატოს ქვეყნების სამხედრო ბიუჯეტის 5%-იანი ზრდა – აი, ეს არის ვლადიმერ პუტინის წინააღმდეგ მიმართული რეალური და დამაჯერებელი ფსიქოლოგიური სიგნალი, რომელსაც იგი გააცნობიერებს. ძალის პოზიციით ლაპარაკი ვლადიმერ პუტინს უკეთ ესმის, რადგან ეს მისი ენაა. სამწუხაროდ, ამ ენის შესწავლაზე და მის დამახსოვრებაზე ჩვენ დიდი დრო დავკარგეთ.

უეჭველია, პრესაში გამოქვეყნებული ვიზიტის ამსახველი პუბლიკაციების სათაურები უფრო მეტად მიძღვნილი იქნება მიგრანტებისა და თევზჭერის საკითხების (რაც ორივე ქვეყნის პრობლემაა) და არა ბომბებისა და რაკეტების მიმართ, მაგრამ თუ ჩვენ თავდაცვაზე არ ვიფიქრებთ, მალე დადგება დრო, როცა ლა-მანშის სრუტეში მცურავი არალეგალი მიგრანტებით სავსე ნავები და უკანონო თევზსაჭერი გემები ჩვენი ყველაზე ნაკლები პრობლემა იქნება.

ვფიქრობ, მისასალმებელია ფრანგი პრეზიდენტისა და ჩვენი პრემიერ-მინისტრის გადაწყვეტილება. მადლობა მათ იმის გაცნობიერებისათვის, რომ პუტინი პატივს სცემს მხოლოდ ძალას და უმოწყალოდ სარგებლობს მეტოქის სისუსტით. აშშ-ის პრეზიდენტმაც, ალბათ, ეს გააცნობიერა: იგი ბოლო დროს მტკიცე ხასიათს ავლენს და თავის მეგობარ ვლადიმერ პუტინს მკაცრად აკრიტიკებს. თუ იგი უკან არ დაიხევს, ჩვენ, ალბათ, თავიდან ავიცილებთ უფრო მასშტაბურ ომს ევროპაში და უკრაინისათვის სამართლიანი მშვიდობის მოწმენი გავხდებით.

მოამზადა სიმონ კილაძემ

წყარო:

რა ეღირება დოლარი და ევრო 12 ივლისს

აშშ დოლარის ოფიციალური ღირებულება 2.7160 ლარი გახდა.

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7160 ლარი გახდა. კურსი, რომელიც დღეს მოქმედებდა, 2.7174 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0014 ლარი შეადგინა.

რაც შეეხება ევროს, მისი კურსი 3.1753 ლარია. მაშინ, როცა დღეს მოქმედი კურსი 3.1875 ლარს შეადგენდა. შესაბამისად, ევროს ცვლილებამ 0.0122 ლარი შეადგინა.

უნივერსიტეტებში ქართული ენის სწავლების აღდგენის კომისია საბაკალავრო საფეხურზე სახელმწიფო ენის სწავლების კურსს უნივერსიტეტებს აგვისტოს ბოლომდე წარუდგენს

სტუდენტებისთვის სახელმწიფო ენის სწავლების სპეციალური კურსის შემუშავებაზე იმსჯელა უნივერსიტეტებში ქართული ენის სწავლების აღდგენის საკითხთან დაკავშირებით შექმნილმა კომისიამ პირველ სხდომაზე, რომელიც განათლების, მეცნიერებისა და ახალგაზრდობის მინისტრის, გივი მიქანაძისა და მოადგილის, ზვიად გაბისონიას ხელმძღვანელობით გაიმართა.

განათლებისა და მეცნიერების სამინისტროს ინფორმაციით, მინისტრმა კომისიის წევრებს თანამშრომლობისთვის მადლობა გადაუხადა და უნივერსიტეტებში ქართული ენის სწავლების აღდგენის მნიშვნელობაზე ისაუბრა.

„საგაზაფხულო სესიაზე საქართველოს პარლამენტმა მიიღო ისტორიული გადაწყვეტილება, რომელიც საბაკალავრო საფეხურზე ქართული ენის სწავლების დაბრუნებას უკავშირდება. ეს არის უაღრესად მნიშვნელოვანი ინიციატივა. მოხარული ვარ, რომ ერთობლივი ძალისხმევით მოვედით აქამდე და ახლა ვართ ძალიან მნიშვნელოვან ეტაპზე. აღსანიშნავია, რომ დროებით ოკუპირებული აფხაზეთის ბუნებრივ წიაღში – საქართველოს იურისდიქციაში დაბრუნების შემდეგ აღნიშნული ცვლილებები ასევე გავრცელდება აფხაზურ ენაზე, რადგან, კონსტიტუციით და მოქმედი კანონმდებლობით, საქართველოში, აფხაზეთის ტერიტორიაზე, ქართულთან ერთად, აფხაზური სახელმწიფო ენად არის აღიარებული. ეს კიდევ ერთხელ მიუთითებს სახელმწიფოს პოლიტიკურ ხედვაზე, გაუფრთხილდეს და მაქსიმალურად ხელი შეუწყოს აფხაზური ენის გაძლიერებას. ჩვენ, უნივერსიტეტებთან ერთად, აქტიურად ვიმუშავებთ, რომ მოხდეს ქართული ენის, როგორც საგნის ინტეგრირება სასწავლო პროცესში საბაკალავრო დონეზე და უზრუნველყოფილი იყოს მისი უმაღლესი სტანდარტით სწავლება“, – განაცხადა გივი მიქანაძემ.

მინისტრმა ასევე ყურადღება გაამახვილა სსიპ ზურაბ ჟვანიას სახელობის სახელმწიფო ადმინისტრირების სკოლის გაძლიერებისა და საზღვარგარეთ ქართველოლოგიის ცენტრების განვითარების ხელშეწყობის მნიშვნელობაზე.

„კომისიის წევრებმა საბაკალავრო საფეხურზე ქართული ენის სწავლების კურსის შინაარსზე, ხანგრძლივობასა და სხვა მნიშვნელოვან საკითხებზე იმსჯელეს. ქართული ენის უმაღლეს სასწავლებლებში სავალდებულოდ სწავლების წესების შემუშავებასთან დაკავშირებით შექმნილი კომისია უნივერსიტეტებს კურსის სწავლების წესს აგვისტოს ბოლომდე შესთავაზებს. წესის დამტკიცების შემდეგ, 2025-2026 სასწავლო წლიდან ქართული ენის სპეციალური კურსი საბაკალავრო საფეხურზე შესაბამისი ფორმატით ისწავლება“, – ნათქვამია განათლებისა და მეცნიერების სამინისტროს ინფორმაციაში.

უმაღლესი განათლების შესახებ საქართველოს კანონში ცვლილებები, რომლის მიხედვითაც, უნივერსიტეტებისთვის ბაკალავრიატის საფეხურის სტუდენტებისთვის ქართული ენის სპეციალური კურსის გავლა სავალდებულო გახდა, პარლამენტმა 10 ივნისს დაამტკიცა.

ხალხმა უნდა იცოდეს, რაში იხარჯება ევროკავშირიდან შემოსული თანხები – არჩილ გორდულაძე

მდიდარი „ენჯეოებისთვის“ პრობლემას არ წარმოადგენს, რაღაც საიტზე იყვნენ დარეგისტრირებულები, თუ ეს უცხოურია, მაგრამ ქართული საიტის შემთხვევაში პრობლემა აქვთ, –  ამის შესახებ საპარლამენტო უმრავლესობის წევრმა, არჩილ გორდულაძემ განაცხადა.

მისივე თქმით, გამჭვირვალობა მნიშვნელოვანია, ხალხმა უნდა იცოდეს, რაში იხარჯება ევროკავშირიდან შემოსული თანხები.

„დაფინანსებაზე გავიგეთ ევროკავშირის ფარგლებში არსებული საიტიდან, სადაც არასამთავრობო ორგანიზაციების მიერ მიღებული თანხების შესახებ არის ინფორმაცია. რეალურად, არ ვიცით, სად დაიხარჯა ეს თანხები. არასამთავრობო ორგანიზაციები, რომლებიც მდიდარი „ენჯეოები“ არიან, ჩვენი ქვეყნის და კანონმდებლობის უპატივცემულობას უსვამენ ხაზს. მათთვის პრობლემას არ წარმოადგენს, რაღაც საიტზე იყვნენ დარეგისტრირებულები, თუ ეს უცხოურია, მაგრამ ქართული საიტის შემთხვევაში პრობლემა აქვთ. სწორედ ამის გამო ვამბობთ ამ ადამიანებთან დაკავშირებით, რომ მათთვის სამშობლო არ არსებობს.

მნიშვნელოვანია გამჭვირვალობა, როგორ ჩვენი საერთაშორისო პარტნიორებისთვის, ასევე ევროკავშირისთვის, ანალოგიურად მნიშვნელოვანია ჩვენი ქვეყნისთვისაც და ხალხისთვისაც, რათა მათ იცოდნენ, რაში იხარჯება ევროკავშირიდან შემოსული თანხები. სამწუხაროდ, ჩვენ ვხედავთ, რომ ევროკავშირიდან დაფინანსებული ადამიანები, „ენჯეოები“ ჩვენს ქვეყანაში სიძულვილის კამპანიას აწარმოებენ“, – აღნიშნა გორდულაძემ.

ევროპარლამენტში პოლიტიკური ჯგუფის „პატრიოტები ევროპისთვის“ ვიცე-პრეზიდენტი გამჭვირვალობის და ანგარიშვალდებულების კომიტეტის შექმნას აპირებს და ხელმოწერებს აგროვებს. უნგრელ დეპუტატს კითხვები აქვს ევროკავშირსა და ათეულ ათასობით არასამთავრობო ორგანიზაციას შორის გაფორმებულ კონტრაქტებთან დაკავშირებით და შესაბამისი მონაცემების დეტალურად გამოქვეყნებას ითხოვს. ევროკომისიიდან გამოთხოვილ და გამოქვეყნებულ მასალებში ბრიუსელიდან საქართველოს მესამე სექტორისთვის გაცემული გრანტების შესახებ ინფორმაციაც იძებნება.

გარე აქტორები ცდილობენ, რომ “ლელო” და გახარიას პარტია გამიჯნონ „ნაციონალური მოძრაობისგან“ და ახლა ეს სპექტაკლი მიმდინარეობს -ლევან მაჭავარიანი

ვხედავთ, როგორი რებრენდინგი მიდის კოლექტიურ „ნაცმოძრაობაში“ გარე აქტორების მხრიდან, ცდილობენ, „ლელო“ და გახარიას პარტია გამიჯნონ „ნაციონალური მოძრაობისგან“, კარგად ხვდებიან, რომ წინა არჩევნებზე ხალხმა არ მიიღო, ვითომდა პარტია „ახალი“ რომ შეასაღეს, – ამის შესახებ საპარლამენტო უმრავლესობის წევრმა, ლევან მაჭავარიანმა განაცხადა.

მაჭავარიანის შეფასებით, ეს არის ერთი დიდი სპექტაკლი.

„თვალყურს ვადევნებთ, როგორი დასუსტებულია ოპოზიცია, ფაქტობრივად, განადგურებული არიან, იქაც აზრები იყოფა, ვიღაცამ არჩევნებში მონაწილეობა გადაწყვიტა, ვიღაცამ – არა. ეს არის ერთი ძალიან დიდი სპექტაკლის ნაწილი, ვინაიდან ეს გადაწყვეტილებები მათი მიღებული არ არის, როგორი ინსტრუქციაც მოდის იმ ვერტიკალიდან, საიდანაც ეს ოთხივე რადიკალური პარტია იმართება, ზუსტად ამ ინსტრუქციას უნდა მიჰყვნენ. შიდა პაექრობაა, კონკურენცია არსებობს, ოთხივე რადიკალურ პარტიას სურს, იყოს ფავორიტი არაფორმალური ოლიგარქიული მმართველობისთვის, იგივე გლობალური ომის პარტიისთვის და აქედან გამომდინარე მიმდინარეობს ერთმანეთის დაჭმა. საბოლოო კონფიგურაცია ჯერ მაინც ჩამოყალიბებული არ არის, ჯერ არჩევნებამდე დროა.

ჩვენთვის ამას მნიშვნელობა არ აქვს, მზად ვართ ნებისმიერი კონფიგურაციისთვის, კიდევ უფრო დაშლიან, დაანაწევრებენ, თუ კიდევ უფრო გააერთიანებენ. ჩვენ საშტაბო მუშაობა დაწყებული გვაქვს, თუმცა ვხედავთ, როგორი რებრენდინგის პროცესი მიდის კოლექტიურ „ნაცმოძრაობაში“ ამ გარე აქტორების მხრიდან. ისინი ცდილობენ, „ლელო“ და გახარიას პარტია უფრო გამიჯნონ „ნაციონალური მოძრაობისგან“, კარგად ხვდებიან იმას, რომ წინა არჩევნებზე ხალხს რომ შეასაღეს ვითომდა პარტია „ახალი“, ხალხმა არ მიიღო. რა თქმა უნდა, ყველა ხვდება, რომ ერთსა და იმავე ძალაზეა საუბარი. „ნაციონალურ მოძრაობაზე“ ვერ აკეთებენ ფსონს, რადგან ვერ წაუშალეს და ვერც ვერასდროს წაუშლიან ის წარსული, რაც მათ მოჰყვებათ. აქედან გამომდინარე, ამ ორ პარტიაზე გააკეთეს ფსონი და ცდილობენ, რაღაცნაირად გამიჯნონ. გამიჯვნის სპექტაკლი მიმდინარეობს. სამწუხაროდ, ჩვენს ქვეყანაში არსებობენ მოქალაქეები, რომლებიც დღეს ვერ აღიქვამენ ბოლომდე, რომ ეს ოთხივე რადიკალური პარტია ერთი ვერტიკალიდან იმართება“, – აღნიშნა მაჭავარიანმა.

ახალი, ავტომატური დავალებები თიბისის მობაილბანკის ინვესტიციების პლატფორმაზე

თიბისის მობაილბანკის ინვესტიციების პლატფორმას ლიმიტ და სტოპ დავალებები დაემატა. ახლა უკვე შეგიძლია აქციები  შენთვის სასურველ ფასად იყიდო ან გაყიდო – ბაზარზე მუდმივი დაკვირვების გარეშე.

ლიმიტ და სტოპ ორდერების მეშვეობით, წინასწარ შეარჩევ აქციის სასურველ ფასს და როგორც კი ბაზარზე მითითებული ნიშნული დაფიქსირდება, ყიდვის  ან გაყიდვის დავალება ავტომატურად შესრულდება.

ლიმიტის დავალებაიყიდე და გაყიდე აქციები შენს მიერ შერჩეულ ფასად

ლიმიტის დავალება გაძლევს საშუალებას, მიუთითო ფასი, რომელშიც გსურს აქციის შეძენა ან გაყიდვა. როცა ღირებულება ზუსტად შენ მიერ მითითებულ ნიშნულს მიაღწევს, ყიდვის ან გაყიდვის დავალება ავტომატურად შესრულდება მითითებული ან უკეთესი ფასითაც კი. ეს დაგეხმარება, აქციები შენთვის ხელსაყრელ ფასად შეიძინო ან გაყიდო ისე, რომ ბაზარზე მუდმივი დაკვირვება არ დაგჭირდეს.

სტოპ დავალებადააზღვიე ინვესტიცია რისკებისგან

 

სტოპ დავალება გეხმარება წინასწარ განსაზღვრო მინიმალური ფასი, რომელზეც აქციების გაყიდვა გინდა. როგორც კი ბაზარზე შენ მიერ მითითებული ფასი დაფიქსირდება, გაყიდვის დავალება ავტომატურად გააქტიურდება და ტრანზაქცია შესრულდება იმ მომენტისთვის არსებულ ფასად. სტოპ დავალება საშუალებას გაძლევს, შეამცირო რისკები და დაიცვა პორტფელი ბაზრის მკვეთრი მერყეობის პირობებში. შესაბამისად, როცა ფასი შენ მიერ მითითებულ ზღვრებს უახლოვდება, სტოპ დავალება მოქმედებას იწყებს, რათა ინვესტიცია არ შეგიმცირდეს იმაზე მეტად, ვიდრე განსაზღვრული გაქვს.

გაიმარტივე ინვესტირება თიბისის მობაილბანკის ინვესტიციების პლატფორმაზე: https://app.tbcbank.ge/YiId/chj86sn2

(R)

როცა სამომგამოვლილ, ნატო-ს არაწევრ საქართველოს ესკალაციაში ითრევ და ამ დროს თავად, ნატო-ს ატომური ქოლგით დაცული, ნორჩი კონსტრუქტორის შეკოწიწებული ცათმფრენის ხუთწამიან გაფართხალებაზე ბუნკერს აფარებ თავს, ცოტა უხერხულია -რატი იონათამიშვილი

როცა სამ ომგამოვლილ, ნატო-ს არაწევრ საქართველოს ესკალაციაში ითრევ და ამ დროს თავად, ნატო-ს ატომური ქოლგით დაცული, ნორჩი კონსტრუქტორის შეკოწიწებული ცათმფრენის ხუთწამიან გაფართხალებაზე ბუნკერს აფარებ თავს, მგონი, ცოტა უხერხულია, – ასე ეხმაურება „ქართული ოცნების“ დეპუტატი რატი იონათამიშვილი ინფორმაციას, რომ ლიეტუვის ხელმძღვანელი პირები თავშესაფარში გადაიყვანეს.

კერძოდ, მედიის ინფორმაციით, ლიეტუვის პოლიტიკური ლიდერები თავშესაფარში მას შემდეგ გადაიყვანეს, რაც ქვეყანაში ბელარუსიდან დრონი შეფრინდა.

„მესმის სიფრთხილე და, რა თქმა უნდა, აუცილებელია, ქვეყნის ხელმძღვანელობის სტანდარტული პროტოკოლის შესაბამისად დაცვა, მაგრამ, როცა სამომგამოვლილ, ნატო-ს არაწევრ საქართველოს ესკალაციაში ითრევ და, ამ დროს, თავად, ნატო-ს ატომური ქოლგით დაცული, ნორჩი კონსტრუქტორის შეკოწიწებული ცათმფრენის ხუთწამიან გაფართხალებაზე ბუნკერს აფარებ თავს, მგონი, ცოტა უხერხულია“, – წერს რატი იონათამიშვილი.

გამარჯვების გზა მარტივია, უკომპრომისობა “ქოცებთან”, კომპრომისი ერთმანეთთან-გიორგი ვაშაძე

ევროპარლამენტის რეზოლუციამაც დაადასტურა, რომ უწყვეტ წინააღმდეგობას და ერთიანობას ალტერნატივა არ აქვს, თუმცა სამწუხაროა, რომ თვითმმართველობის არჩევნებად წოდებულ ფარსში არმონაწილეობაზე ვერ შევთანხმდით, – ამის შესახებ „სტრატეგია აღმაშენებლის“ ლიდერი გიორგი ვაშაძე აცხადებს.

როგორც ვაშაძე აღნიშნავს, გამარჯვების გზა მარტივია, უკომპრომისობა „ქოცებთან“, კომპრომისი ერთმანეთთან.

„ჩვენი მიზანი მოძალადე რეჟიმის ცვლილებაა და არა ერთმანეთის განადგურება. ჩვენი მთავარი ბრძოლა საერთო მტერთან უნდა იყოს. საზოგადოება ამ დაპირისპირებას ხედავს და კარგავს იმედს, რომ ოპოზიცია რეალურად წარმოადგენს ძლიერ ალტერნატივას.

ნუ მივანიჭებთ ე.წ. თვითმმართველობის არჩევნებს იმაზე დიდ მნიშვნელობას, ვიდრე სინამდვილეში აქვს. ეს არ არის ბრძოლა, რომელიც განსაზღვრავს ქვეყნის ბედს. ქართველი ხალხისთვის და საერთაშორისო პარტნიორებისთვის ეს არის ფარსი და არა არჩევნები. მთავარი ბრძოლა წინაა – ის, რაც მართლაც ცვლის ძალაუფლებას.

გამარჯვების გზა მარტივია, უკომპრომისობა „ქოცებთან“, კომპრომისი ერთმანეთთან. ერთიანობის გარეშე რეჟიმის დამარცხება შეუძლებელია და რაც უფრო დაპირისპირებულები და დაქსაქსულები გამოვჩნდებით, ეს არის რეჟიმის ინტერესიც, ამიტომ კომპრომისი ერთმანეთთან არის გადამწყვეტი.

რეალობა ასეთია, „ქოცურ“ რეჟიმს ე.წ. თვითმმართველობის არჩევნებით ლეგიტიმაციის აღდგენა აღარ გამოუვა, იმიტომ, რომ: ოპოზიციური პარტიების აბსოლუტური უმრავლესობა ამ პროცესს არ აღიარებს და არ იღებს მონაწილეობას; საარჩევნო გარემო ისეა დეგრადირებული, რომ აღარ არსებობს კონკურენციის, სამართლიანობის ან ნდობის ელემენტები; საერთაშორისო სადამკვირვებლო მისიები, მათ შორის ეუთო-ს სახით, სრულად გამოთიშულია პროცესიდან; ევროპარლამენტის, ევროსაბჭოს და ეუთო-ს რეზოლუციები ერთმნიშვნელოვნად მიუთითებს, ქვეყანაში კრიზისიდან გამოსავალი მხოლოდ ახალი საპარლამენტო არჩევნებია; საქართველოში გვყავს პოლიტიკური პატიმრები – მათ შორის პარტიების ლიდერები; ბოლო ვიზიტზე ბრიუსელში, სადაც პრაქტიკულად ყველა პარტია იყო წარმოდგენილი, აშკარად გამოჩნდა, საერთაშორისო პარტნიორებისთვის თვითმმართველობის არჩევნებად წოდებულ ფარსს არსებითი მნიშვნელობა არ აქვს“, – აღნიშნავს ვაშაძე.

მისივე თქმით, დროა, ოპოზიციამ შექმნას გადაწყვეტილების მიღების საერთო მექანიზმი.

„ამიტომ, დროა, ეს ფაზა დავხუროთ, გაკვეთილად მივიღოთ, რომ მომავალში კვლავ არ დავდგეთ მსგავსი ფაქტის წინაშე და შევქმნათ გადაწყვეტილების მიღების საერთო მექანიზმი, რომელიც გადაწყვეტს: როგორ ვაგრძელებთ ბრძოლას ამ მოცემულობიდან გამომდინარე? როგორ მივდივართ რეალურ ერთიანობამდე – არა მხოლოდ სიტყვით, არამედ საქმით? როგორ შევქმნათ მძლავრი ალტერნატივა, რომელიც კიდევ უფრო ორგანიზებულს გახდის წინააღმდეგობას და დააჩქარებს ჩვენს გამარჯვებას?

ამ არჩევნებად წოდებული ფარსით არაფერი სრულდება. ჩვენ წინ დიდი და გადამწყვეტი ბრძოლა გველის. გზა გამარჯვებამდე გადის ერთიანობაზე, საერთო სამოქმედო გეგმასა და ურთიერთპატივისცემაზე. კრიზისიდან გამოსავალი მხოლოდ ახალი, სამართლიანი საპარლამენტო არჩევნებია. ეს ქვეყანა ჩვენია და არა ივანიშვილის მოძალადე რეჟიმის“, – აღნიშნულია გიორგი ვაშაძის განცხადებაში, რომელსაც პარტიის პრესსამსახური ავრცელებს.

მუნიციპალური ინსპექცია მეწარმეებს ახალი რეგულაციების შესახებ აფრთხილებს

თბილისის მერიის ინფორმაციით, მუნიციპალური ინსპექცია მეწარმეებს ინტენსიურ რეჟიმში აწვდის ინფორმაციას იმ ახალი რეგულაციის შესახებ, რომლის ამოქმედება 2026 წლის პირველი იანვრიდანაა დაგეგმილი.

თბილისის მერიის ინიციატივით დამტკიცებული ახალი წესი ეხება მეორეული საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალის განთავსებას ან/და რეალიზაციას.

კერძოდ, დადგენილებით იკრძალება ზემოაღნიშნული საქმიანობა საცხოვრებელ, რეკრეაციულ, სატყეო, სპეციალურ, სატრანსპორტო და სანიტარიული დაცვის ზონებში. ასევე, დასაშვებ ფუნქციურ ზონებში (ძირითადად სამრეწველო და საზოგადოებრივ-საქმიანი ზონა) განისაზღვრა გარკვეული პირობები, რომელთა დაკმაყოფილებაც მოუწევთ ტერიტორიის მესაკუთრეებს და მეწარმე სუბიექტებს.

“წესის ამოქმედებამდე, დავალების შესაბამისად, თბილისის მუნიციპალური ინსპექციის მიერ დედაქალაქში განხორციელდა სრული ინვენტარიზაცია რეგულაციას დაქვემდებარებული ტერიტორიების და მეწარმე/სუბიექტების. კერძოდ, ინსპექციამ 14-ზე მეტი მსხვილი არეალის მესაკუთრეს, რომელთაც თავიანთ საკუთრებაში არსებულ ტერიტორიაზე 10 000-მდე მცირე მეწარმე ჰყავთ დასაქმებული და 1 500-ზე მეტ საშუალო მეწარმე სუბიექტს პირდაპირი კომუნიკაციით გაუწია კონსულტაცია და გააცნო ის აუცილებელი პირობები, რომლებიც უნდა დააკმაყოფილონ. ასევე, ჩაბარდათ შესაბამისი გაფრთხილების წერილები.

რეგულაციის მიზანია დედაქალაქში ჯანსაღი საცხოვრებელი გარემოს ხელშეწყობა, მოქალაქეებისა და გარემოს დაცვა მავნე ზემოქმედებისგან, ასევე, საქმიანობის დასაშვები არეალების, სამრეწველო და საზოგადოებრივ-საქმიანი ზონების იმგვარად მოწესრიგება, რომ შეიქმნას აუცილებელი პირობები, როგორც გარემოს დაცვის კუთხით, ისე საზოგადოების ჯანმრთელობისა და უსაფრთხოებისა მისაღწევად, მათ შორის, საქმიანობაში ჩართული პირების უსაფრთხოებისთვის.

რეგულაციით მოთხოვნილია, რომ დასაშვებ არეალებში უზრუნველყოფილი იქნეს ამტვერებადი მასალების დახურულ შენობებში განთავსება/რეალიზება; ფეთქებადი და ადვილად აალებადი მასალების განთავსება/რეალიზების შემთხვევაში, შენობებიდან გასასვლელი საშუალებები; სანიტარიული პირობები, სათანადო განათება და განიავება; შენობაში ხანძრისა და სხვა საფრთხეებისგან სიცოცხლისა და საკუთრების დაცვა, ასევე, მეხანძრე-მაშველებისა და მაშველების უსაფრთხოება საგანგებო ვითარებებისას.

ნებისმიერ დაინტერესებულ პირს, დამატებითი კონსულტაციის საჭიროების შემთხვევაში, შეუძლია, დარეკოს თბილისის მერიის ცხელ ხაზზე – 2 72 22 22 და მუნიციპალური ინსპექცია უზრუნველყოფს შესაბამის უფლებამოსილ პირებთან საკონსულტაციო შეხვედრებს”,- აღნიშნულია ინფორმაციაში.

 მარიამ ქვრივიშვილი აზერბაიჯანის პრეზიდენტს შეხვდა

 

აზერბაიჯანში ოფიციალური ვიზიტის ფარგლებში ეკონომიკისა და მდგრადი განვითარების მინისტრმა, მარიამ ქვრივიშვილმა აზერბაიჯანის რესპუბლიკის პრეზიდენტთან, ილჰამ ალიევთან შეხვედრა გამართა. ინფორმაციას ეკონომიკისა და მდგრადი განვითარების სამინისტრო ავრცელებს.

უწყების ცნობით, შეხვედრაზე მხარეებმა კიდევ ერთხელ დაადასტურეს ორ ქვეყანას შორის კეთილმეზობლური და სტრატეგიული პარტნიორული ურთიერთობები.

„მარიამ ქვრივიშვილმა მადლობა გადაუხადა აზერბაიჯანის მხარეს საქართველოს სუვერენიტეტისა და საერთაშორისოდ აღიარებულ საზღვრებში ტერიტორიული მთლიანობის მხარდაჭერისთვის.

მხარეებმა განიხილეს სამხრეთ კავკასიის რეგიონში სტაბილურობისა და განვითარების უზრუნველსაყოფად საქართველოსა და აზერბაიჯანის თანამშრომლობის მნიშვნელობა სხვადასხვა მიმართულებით, განსაკუთრებული ყურადღება გამახვილდა ორმხრივ და რეგიონულ ეკონომიკურ პროექტებზე.

განსაკუთრებულად გაესვა ხაზი ქვეყნებს შორის სავაჭრო-ეკონომიკური ურთიერთობების გაძლიერებას.

როგორც შეხვედრაზე აღინიშნა, საქართველოსა და აზერბაიჯანს შორის სტრატეგიულ პროექტებში თანამშრომლობა დადებითად აისახება ეკონომიკურ მაჩვენებლებზე, მათ შორის, მოიზიდავს დამატებით ინვესტიციებს ისეთ სექტორებში, როგორებიცაა მწვანე ენერგეტიკა, ტრანსპორტი და ლოგისტიკა, საინფორმაციო ტექნოლოგიები, კავშირგამბულობა და სხვ.

განსაკუთრებული აქცენტი გაკეთდა ისეთ სტრატეგიულ პროექტებზე, როგორიცაა ენერგეტიკული კაბელი, რომელიც ხელს შეუწყობს ენერგეტიკული მიმართულებით თანამშრომლობის გაღრმავებას. ყურადღება გამახვილდა ბაქო-თბილისი-ყარსის რკინიგზის პროექტის მნიშვნელობაზე. აღინიშნა, რომ პროექტი, რომელიც დასკვნით ფაზაშია, მნიშვნელოვნად გაზრდის საქართველოსა და აზერბაიჯანის სატრანზიტო პოტენციალს.

შეხვედრაზე მხარეები შეთანხმდნენ, რომ გაგრძელდება მუშაობა და გადაიდგმება ქმედითი ნაბიჯები ახალი სტრატეგიული პროექტების განხორციელების მიმართულებით, რომლებიც ხელს შეუწყობს საქართველოსა და აზერბაიჯანის სტრატეგიული ინფრასტრუქტურის განვითარებას და ორ ქვეყანას შორის დაკავშირებადობის გაზრდას.

შეხვედრაზე ხაზი გაესვა თანამშრომლობას ტურიზმის სფეროში. აღინიშნა, რომ აზერბაიჯანი საქართველოს სტრატეგიული ტურისტული ბაზარია.

შეხვედრაზე ასევე განხილულ იქნა მსოფლიოსა და რეგიონში უსაფრთხოების კუთხით არსებული გამოწვევები, რომელთა დასაძლევად ხაზი გაესვა მშვიდობისა და სტაბილურობის მნიშვნელობას.

შეხვედრას ასევე დაესწრო საქართველოს ელჩი აზერბაიჯანში ზურაბ პატარაძე“, – აღნიშნულია ინფორმაციაში.

საქართველოს ეკონომიკისა და მდგრადი განვითარების მინისტრის, მარიამ ქვრივიშვილის აზერბაიჯანში ვიზიტის შესახებ ინფორმაცია გაავრცელა აზერბაიჯანულმა მედიამაც. 

როგორ ავიცილოთ თავიდან მოგზაურთა დიარეა – პრაქტიკული რჩევები და ნაწლავური მიკრობიოტის ბალანსის შენარჩუნება

როდესაც ზაფხულის ნანატრ შვებულებას სულმოუთქმელად ელოდები, წინასწარ გეგმავ სად წახვიდე, ინტერნეტში საათობით ეძებ შესაფერის ადგილებს, ათვალიერებ სასტუმროებს და ეცნობი გასართობ აქტივობებს.  ეს  დაგეგმვის პროცესიც თავისთავად ისეთივე სასიამოვნო და ამაღელვებელია, როგორც თავად მოგზაურობა.

თუმცა სანამ კალენდარზე წითლად შემოხაზული ნანატრი თარიღი დადგება, ბარგს ჩაალაგებ და შენს თავგადასავლების გეგმას ნაბიჯ-ნაბიჯ მიჰყვები, ალბათ ღირს ერთი მნიშვნელოვანი დეტალის გათვალისწინება.

როგორც წესი, შვებულების წინ არასასიამოვნო მოვლენებზე ნაკლებად ვფიქრობთ, არც ის გვახსენდება, რომ იდეალურად დაგეგმილ დასვენებას, რიგ შემთხვევებში, ზუსტად წვრილმანი პრობლემები უშლის ხოლმე ხელს. ეს წვრილმანები შეიძლება მცირე დისკომფორტით დაიწყოს, მაგალითად საჭმლის მონელების დარღვევით, შებერილობით ან მუცლის ტკივილით. ერთი შეხედვით, უწყინარი ჩივილებია, რომლებიც ადვილად შეიძლება მივაწეროთ ახალ საკვებს ან დაღლილობას, მაგრამ სწორედ ისინია საკმაოდ გავრცელებული პრობლემის – მოგზაურთა დიარეის პირველ ნიშნები.

ამ სტატიაში შევეცდებით გაგიზიაროთ ყველა სასარგებლო რჩევა, რაც დაგეხმარებათ, თავი აარიდოთ მოგზაურთა დიარეის უსიამოვნო პრობლემას და სრულად ისიამოვნოთ ზაფხულის თავგადასავლებით.

როგორ ავიცილოთ თავიდან მოგზაურთა დიარეა – პრაქტიკული რჩევები და მიკრობიოტური ბალანსის შენარჩუნება

უპირველესად, მნიშვნელოვანია ყურადღება დაეთმოს საკვების წყაროსა და მის ხარისხს. უცხო გეოგრაფიულ თუ კულტურულ გარემოში, განსაკუთრებით კი ქუჩის სწრაფი კვების ობიექტებთან, საკვების მომზადების ჰიგიენური სტანდარტები ხშირად კითხვის ნიშნის ქვეშ დგას. მაღალი ტემპერატურის პირობებში საკვები პროდუქტების შენახვის წესების დარღვევა მკვეთრად ზრდის პათოგენური მიკროორგანიზმების გავრცელების რისკს. აქედან გამომდინარე, მიზანშეწონილია, უპირატესობა მიენიჭოს მხოლოდ სანდო დაწესებულებებში მომზადებულ საკვებს, სადაც სანიტარული ნორმები მაქსიმალურად არის დაცული.

ასევე აღსანიშნავია, კვებითი რეჟიმის მკვეთრი ცვლილება – კერძოდ, უჯრედისით, ცხიმებით ან მომჟავო კომპონენტებით მდიდარი საკვების ერთდროული და ჭარბი მიღება დამატებით სტრესს აყენებს ორგანიზმს და ნაწლავის მიკრობიოტის დისბალანსს უწყობს ხელს.

წყლისა და სხვა სითხეების უსაფრთხოებას კრიტიკული მნიშვნელობა ენიჭება. უცხო გარემოში პოტენციური რისკების გამო, წყალმომარაგების სისტემებიდან მიღებული ბაქტერიები, თუნდაც უმნიშვნელო კონცენტრაციით, საკმარისია ნაწლავური დისფუნქციის გამოსაწვევად. ამდენად, რეკომენდებულია მხოლოდ დალუქული ბოთლის წყლის მოხმარება, მისი გამოყენება მიზანშეწონილია  პირის ღრუს ჰიგიენისთვისაც.

ხელების ჰიგიენის დაცვა აუცილებელია. არასტერილურ გარემოში ხელებით გადაცემული ინფექციური მიკრობები მოგზაურთა დიარეის ერთ-ერთ ძირითად გამომწვევ ფაქტორს წარმოადგენს. ამიტომ გირჩევთ, ხშირად გამოიყენოთ საპონი, სპირტის შემცველი სადეზინფექციო გელი ან ანტისეპტიკური ხელსახოცები – ეს ელემენტარული საშუალებები ხშირად გადამწყვეტია პათოგენების გავრცელების პრევენციისთვის.

ყველა ზემოაღნიშნული რეკომენდაციის გათვალისწინებასთან ერთად, განსაკუთრებით მნიშვნელოვანია როგორც მოზრდილთათვის, ისე ბავშვებისთვის დამატებითი დამხმარე საშუალებებით დაცვა კუჭ-ნაწლავის პრობლემებისგან. ამ მიმართულებით, რეკომენდებულია ორგანიზმის წინასწარი მომზადების დაწყება, ახალ გარემო პირობებთან ადაპტაციამდე და შემდგომშიც, მოგზაურობის პერიოდის განმავლობაში, მისი უწყვეტი მხარდაჭერა.

ამგვარ ვითარებაში სინბიოტიკების გამოყენება, როგორც მოზრდილებში, ასევე პედიატრიულ პაციენტებში, ეფექტურ გადაწყვეტილებად გვევლინება – როგორც პრევენციული, ისე არსებული დისკომფორტის და ჩივილების შემსუბუქების მიზნით.

ლაქტო-G ფორტე წარმოადგენს ოპტიმალურ არჩევანს მოზრდილი ადამიანებისთვის. მისი მოქმედება დაფუძნებულია ცოცხალი პრობიოტიკური ბაქტერიებისა (Lactobacillus acidophilus, Bifidobacterium longum, Bifidobacterium bifidum, Bifidobacterium lactis) და პრებიოტიკის (ფრუქტოოლიგოსაქარიდები) სინერგიაზე, რაც უზრუნველყოფს ნაწლავური მიკრობიოტას ბუნებრივ ბალანსს. ისინი ხელს უწყობენ როგორც პრევენციულ ღონისძიებების, ისე კუჭ-ნაწლავის არსებული დისკომფორტის სიმპტომურ შემსუბუქებას.

ლაქტო -G ფორტე ხელს უწყობს საჭმლის მონელების პროცესების ოპტიმიზაციას, ამცირებს მეტეორიზმის, დიარეის და ყაბზობის კლინიკურ გამოვლინებებს და ამასთანავე, ზრდის ორგანიზმის იმუნურ რეზისტენტობას გარემოს მავნე ზემოქმედების მიმართ. თუმცა, როდესაც საქმე ყველაზე პატარა მოგზაურებს ეხება, მათ განსაკუთრებული ზრუნვა და სპეციალურად ბავშვებისთვის შექმნილი საშუალებები სჭირდებათ. სწორედ ამიტომ, ლაქტო-G კიდსი არის საუკეთესო არჩევანი ჩვენი პატარებისთვის.

ბავშვების საჭმლის მომნელებელი სისტემა განსაკუთრებული სიფაქიზით გამოირჩევა, ამიტომაც სრულიად ბუნებრივია, რომ მოგზაურობისას მათი ორგანიზმი ხშირად რეაგირებს დიარეით ან მონელების სხვა დარღვევებით. ამ გამოწვევების პრევენციისა და მართვისთვის ლაქტო-G კიდსი წარმოადგენს ერთ-ერთ ოპტიმალურ დამხმარე საშუალებას.

ლაქტო-G კიდსი არის სინბიოტიკი და მისი უპირატესობა მხოლოდ პრობიოტიკებისა და პრებიოტიკების კომბინაციით არ შემოიფარგლება. მისი შემადგენლობა გამდიდრებულია B ჯგუფის ვიტამინებითაც, რომლებიც ბავშვის მზარდი ორგანიზმისთვის მრავალმხრივ მნიშვნელოვანია. კერძოდ, B ჯგუფის ვიტამინები გადამწყვეტ როლს თამაშობს ბავშვის ჯანსაღი ზრდა-განვითარებისთვის, ხელს უწყობს ნერვული სისტემის გამართულ ფუნქციონირებას. მათი როლი არანაკლებ მნიშვნელოვანია კუჭ-ნაწლავის პრობლემების დროს, მაგალითად, დიარეის ან მონელების დარღვევებისას B ჯგუფის ვიტამინების შეწოვა ორგანიზმში ფაქტობრივად ფერხდება. ამ დამხმარე საშუალებით კი ორგანიზმს ვამარაგებთ აუცილებელი ვიტამინებითაც, რითაც მნიშვნელოვნად ვუწყობთ ხელს იმუნური სისტემის გაძლიერებასა და სწრაფ აღდგენას.

ლაქტო-G კიდსის მნიშვნელოვანი უპირატესობა გამოშვების პრაქტიკულ ფორმაშიც ვლინდება: პრეპარატი წარმოდგენილია ფლაკონის სახით და ხასიათდება ვაშლის მსუბუქი არომატით, რაც მის მიღებას პედიატრიულ პაციენტებში უფრო სასიამოვნოსა და მარტივს ხდის. მისი გამოყენება სიცოცხლის პირველი დღეებიდანვეა შესაძლებელი, რაც განსაკუთრებულ აქტუალობას იძენს იმ ასაკობრივ პერიოდში, როდესაც ბავშვის მიკრობიოტა ინტენსიური ფორმირების ფაზაშია.

ის ფაქტი, თუ რატომ შეირჩა ლაქტო-G ფორტე და ლაქტო-G კიდსი მოგზაურთა დიარეის პრევენციისა და მართვისთვის, განპირობებულია მათი პრაქტიკულობით. სხვა პრობიოტიკებთან შედარებით ლაქტო-G ფორტე და ლაქტო-G კიდსი შენახვისთვის არ საჭიროებს სამაცივრე პირობებს. ეს უმნიშვნელოვანესი ფაქტორი კიდევ უფრო მოსახერხებელს ხდის მათ მოგზაურობისას, ამიტომაც სამგზავრო სააფთიაქო ჩანთაში შეგვიძლია საპატიო ადგილი გამოვუყოთ.

აუცილებელია გაითვალისწინოთ მიღების წესი და დოზირება:

ლაქტო-G ფორტე 2 წლამდე ასაკის ბავშვებში ინიშნება 1 კაფსულის შიგთავსი გახსნილი მცირეოდენ წვენში ან დამტკბარ სითხეში,  ჭამამდე; 2-12 წლის ასაკის ბავშვებში ინიშნება 1-2 კაფსულა დღეში მცირეოდენ სითხესთან ერთად ჭამამდე; 12 წლის ზემოთ და მოზრდილებში ინიშნება 2-3 კაფსულა უზმოზე ან ჭამამდე მცირეოდენ სითხესთან ერთად.

ლაქტო-G კიდსი  – რეკომენდებული დღიური დოზაა დღეში 1 ან 2 ფლაკონი. პროდუქტის მიღება შესაძლებელია დამატებითი განზავების გარეშე, ან წყალში, რძეში ან სხვა ცივ სითხეებში გახსნილი სახით. დოზირება: 0-2 წლამდე – 1 ფლაკონი დღეში; 2-6 წლამდე – 1 ან 2 ფლაკონი დღეში, 6-12 წლამდე – 2 ფლაკონი დღეში.

საერთაშორისო მულიტინაციონალური ფარმაცევტული კომპანია GM PHARMA-ს დაკვეთით ლაქტო-G ფორტე წარმოების საწყის ეტაპებს გადის ამერიკის შეერთებულ შტატებში, ხოლო ლაქტო-G კიდსი  სრულად იწარმოება იტალიაში.

გამოყენებისას გაეცანით ინსტრუქციას, გვერდითი მოვლენების შესახებ დეტალური ინფორმაციის მისაღებად მიმართეთ ექიმს!

(R)