Home Blog

“ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?!”

ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?! , – ამის შესახებ პარლამენტის ვიცე-სპიკერი ნინო წილოსანი სოციალურ ქსელში წერს.

წილოსანის თქმით, უკვე ერთი კვირაა ოპოზიცია და მათი აქტივისტები ზიზღს ავლენენ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო.

„ოპოზიციის ლიდერებს და მათ რუპორ აქტივისტებს მივმართავ!
საკუთარი ხალხის მიმართ ამხელა ზიზღს როგორ იტევთ?!
უკვე ერთი კვირაა თვალს ვადევნებთ რამხელა აგრესიას და ზიზღს ავლენთ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო. რამ შეგაძულათ ასე საკუთარი მოსახლეობა? რამ შეგაშინათ ასე საკუთარი ხალხის?
დღეს, თქვენგან განსხვავებით, მშვიდობიანი მიზნით შეიკრიბება უამრავი ადამიანი! მიუხედავად იმისა, რომ ქართველი ერის წინაშე უდიდესი დანაშაული მიგიძღვით და ამ ადამიანების დიდი ნაწილი სრულ ტერორში გყავდათ თქვენი მმართველობის დროს, ჩვენ მაინც ცივილიზებულად მოგექცევით და თქვენსავით კაციჭამიები არასდროს გავხდებით!“ – წერს წილოსანი.

21 ივნისის ასტროლოგიური პროგნოზი

ვერძი

ეს დღე აქტიურობისკენ არ განგაწყობთ, ამიტომ გირჩევთ, დაისვენოთ და ენერგიას გაუფრთხილდეთ, რადგან ის ძალიან მალე დაგჭირდებათ. მარტოხელა ვერძს შანსი აქვს, საინტერესო ადამიანს შეხვდეს და დაიწყოს ურთიერთობა, რომელიც შთაგონების წყარო გახდება. მეგობრები მნიშვნელოვან საკითხში არ გეთანხმებიან, მაგრამ ნუ ინერვიულებთ – უბრალოდ, ისინი საჭირო ინფორმაციას არ ფლობენ.

კურო

თუ ერთფეროვანმა მუშაობამ დაგღალათ, შეგიძლიათ გონება კროსვორდების ამოხსნით გაავარჯიშოთ. ამ პერიოდში მნიშვნელოვანია თქვენს ფსიქიკურ და ფიზიკურ ჯანმრთელობაზე იზრუნოთ და საკუთარი სიტყვები თუ ქმედებები აკონტროლოთ. სწორი განსჯისა და საღი აზროვნების დამსახურებით სამსახურში თქვენი ავტორიტეტი გაიზრდება.

ტყუპი

ამ დღეს შეიძლება ზოგიერთ საკითხზე შეხედულება შეგეცვალოთ. ეს საშუალებას მოგცემთ, რომ სამყაროს და საკუთარ შესაძლებლობებს განსხვავებული კუთხით შეხედოთ. ახლა ყველაზე მეტად საკუთარი თავის რწმენა გჭირდებათ, რადგან თქვენს იდეებს ყველა არ იზიარებს. ზოგს ისინი შეიძლება ზედმეტად ამბიციურად მოეჩვენოს, მაგრამ საკუთარ წარმატებაში ეჭვი არ შეგეპაროთ.

კირჩხიბი

ამ დღეს ყველაფერი უნდა დაივიწყოთ და მთელი ყურადღება ოჯახსა და ოჯახურ ღირებულებებზე უნდა გადაიტანოთ. წინააღმდეგ შემთხვევაში, ოჯახის წევრების ურთიერთობა გართულდება. სიბრძნე და ცხოვრებისეული გამოცდილება დაგეხმარებათ, რომ ყველაზე რთული პრობლემაც კი სწრაფად მოაგვაროთ. მთავარია ოჯახში ერთმანეთის მიმართ ნდობა შეინარჩუნოთ.

ლომი

ამ დღეს ყველაზე მეტად სიმშვიდეს და განმარტოებას ნატრობთ. ნუ მოგერიდებათ, რომ ამის შესახებ ოჯახის წევრებს და ახლობელ ადამიანებს პირდაპირ უთხრათ, რადგან გრძნობთ რომ ძალების აღდგენა გჭირდებათ. გახსოვდეთ, რომ სირთულეები დროებითია და ეცადეთ, ყველა ნეგატიური აზრი განდევნოთ. ამაში მეგობრები დაგეხმარებიან.

ქალწული

შესაძლოა, დილიდან შფოთვა და დაძაბულობა იგრძნოთ. ეს პლანეტების გავლენით ხდება, რომლებიც ზოგჯერ გვაიძულებენ, თავი დაუცველად ვიგრძნოთ. ამ დღეს უამრავი წვრილმანი პრობლემა გელით, რაც თქვენს ყურადღებას მთავარი საკითხებიდან მეორეხარისხოვანზე გადაიტანს. პირად ურთიერთობებში თავს ეჭვიანობა იჩენს – ეცადეთ თქვენი ერთგულების დამადასტურებელი არგუმენტები იპოვოთ.

სასწორი

ეცადეთ, ეს დღე ტყუილის გარეშე გაატაროთ, რადგან ამ დღეს ყველაზე უწყინარმა ტყუილმაც კი შეიძლება უსიამოვნო შედეგებამდე მიგიყვანოთ. ვარსკვლავები გირჩევენ, რომ საყვარელ ადამიანთან ურთიერთობაში მეტი ტაქტი და მოთმინება გამოიჩინოთ. ადამიანების მიმართ თქვენი დამოკიდებულება ყოველთვის იდეალური არ არის. მიეცით ახლობელ ადამიანებს საშუალება, შექმნილ ვითარებაში გაერკვნენ და ურთიერთგაგებას მიაღწიოთ.

მორიელი

დღეს მოხდება მოვლენა, რომელიც გაიძულებთ, ლიდერის როლი მოირგოთ. ეს საშუალებას მოგცემთ, სიტუაცია აკონტროლოთ და შეცდომები თავიდან აიცილოთ. კრიტიკულ შენიშვნებს გულთან ახლოს ნუ მიიტანთ. სავარაუდოდ, ვიღაც რაღაცით უკმაყოფილოა, თუმცა ეს თქვენ არ გიკავშირდებათ. ეცადეთ, თქვენი შემოქმედებითი პოტენციალი სწორად და სასარგებლოდ გამოიყენოთ.

მშვილდოსანი

თუ სახლის აშენებაზე ოცნებობთ, დღეს ოცნების ასრულებას ერთი ნაბიჯით მიუახლოვდებით. ნებისმიერ შემთხვევაში, ვარსკვლავები გირჩევენ, ბუნებაში მეტი დრო გაატაროთ და თუ შესაძლებელია, ყოველდღიურად ფეხით იაროთ. ახლობელი ადამიანის სიტყვების ან საქციელის მიხედვით ნაჩქარევ დასკვნებს ნუ გამოიტანთ – შესაძლოა, რაღაც არასწორად გაიგეთ.

თხის რქა

შეეგუეთ, რომ ამ დღეს ბევრი მუშაობა მოგიწევთ. ჩათვალეთ, ეს თქვენი გამძლეობისა და შრომისმოყვარეობის გამოცდაა. სიახლეები, რომლებსაც საღამოს, შორიდან მიიღებთ, სასიამოვნოდ გაგაოცებთ. ამ დღეს ყველა ადამიანს საკუთარ მოვალეობად თქვენთვის რჩევის მიცემა მიაჩნია, თუმცა მათ შორის ზოგი მართლაც სასარგებლო იქნება.

მერწყული

ბოლო დროს მუდმივად სხვადასხვა სახის დაბრკოლებას აწყდებით. პლანეტების განლაგება უამრავ გამოცდას გიმზადებთ, თუმცა ეს დიდხანს არ გაგრძელდება. უსიამოვნებების წყებას მალე ხელსაყრელი პერიოდი ჩაანაცვლებს. დღის უდიდესი ნაწილი მოსაწყენი სამუშაოს შესრულება მოგიწევთ, მაგრამ მიზნის მისაღწევად ეს მნიშვნელოვანი იქნება. სჯობს, ახალი ინიციატივები სამომავლოდ გადადოთ.

თევზები

ამ დღეს ყველაზე კარგად სწავლა და ახალი გამოცდილების მიღება გამოგდით. ხელოვნებასა და შემოქმედებით საქმიანობაშიც წარმატება გელით. საკუთარი შედეგებით იამაყებთ, მაგრამ არ დაგავიწყდეთ, მადლობა გადაუხადოთ მათ, ვინც ცოდნა და გამოცდილება მოგცათ. ეცადეთ, რომ საყვარელი ადამიანებისთვის დღევანდელი დღე დაუვიწყარი გახდეს.

სრული ფარსი იყო კამპანია, რომელიც საქართველოში გამჭვირვალობის კანონის წინააღმდეგ გაიშალა, კანადის მაგალითი არის ამის კიდევ ერთი მკაფიო დადასტურება-პრემიერი

სრული ფარსი იყო ის კამპანია, რომელიც საქართველოში გამჭვირვალობის კანონის წინააღმდეგ გაიშალა, კანადის მაგალითი არის ამის კიდევ ერთი ძალიან მკაფიო დადასტურება, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.

მთავრობის მეთაურის თქმით, კანადაში გამჭვირვალობის შესახებ კანონის მიღება კიდევ ერთხელ მიუთითებს, რომ ქართული კანონის კრიტიკას არ ჰქონდა არავითარი საფუძველი.

„ყველა ქვეყანა ზრუნავს საკუთარ სუვერენიტეტზე და კანადაშიც რა თქმა უნდა, გამჭვირვალობის შესახებ კანონის მიღება ემსახურება უცხოური გავლენების პრევენციასა და ქვეყნის სუვერენიტეტის დაცვას. აქედან გამომდინარე, სრული ფარსი იყო ის კამპანია, რომელიც გაიშალა საქართველოში გამჭვირვალობის კანონის წინააღმდეგ. კანადის მაგალითი არის ამის კიდევ ერთი ძალიან მკაფიო დადასტურება. უბრალოდ, სამარცხვინო იყო ის კამპანია, რომელიც ვიხილეთ ჩვენ საქართველოში გამჭვირვალობის კანონის წინააღმდეგ. ყოველგვარი არგუმენტის გარეშე როცა აკრიტიკებ კანონს, ეს არის უბრალოდ სამარცხვინო“, – განაცხადა პრემიერ-მინისტრმა

“ნაცმოძრაობას” სურს, საქართველოში იმ სცენარის ხილვა, რომელიც, განვითარდა უკრაინაში -ირაკლი კობახიძე

მინდა, დავარწმუნო„ ნაცმოძრაობის” წარმომადგენლები, რომ უკრაინული სცენარი საქართველოში არ განვითარდება და საქართველოს უკრაინიზაცია არავითარ შემთხვევაში არ მოხდება, ეს არის ის, რის თავიდან ასაცილებლად გავაკეთებთ ყველაფერს, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს დავით საყვარელიძის განცხადების შესახებ კითხვის საპასუხოდ განუცხადა.

მთავრობის მეთაურის თქმით, „ნაცმოძრაობას“ სურს საქართველოში იმ სცენარის ხილვა, რომელიც განვითარდა უკრაინაში.

„იმ ფონის გათვალისწინებით, რაც უკავშირდება ამ კონკრეტულ განცხადებას, გასაგებია, რაზეც საუბრობს საყვარელიძე. ყველამ ვიცით, რომ ზოგადად, ნაცმოძრაობას სურს საქართველოში იმ სცენარის ხილვა, რომელიც, სამწუხაროდ, განვითარდა ჩვენს მეგობარ ქვეყანაში, უკრაინაში. მინდა, დავარწმუნო „ნაცმოძრაობის“ წარმომადგენლები, რომ უკრაინული სცენარი საქართველოში არ განვითარდება და საქართველოს უკრაინიზაცია არავითარ შემთხვევაში არ მოხდება. ეს არის ის, რის თავიდან ასაცილებლად გავაკეთებთ ყველაფერს“, – განაცხადა პრემიერმა.

საქართველოსა და უკრაინის გენერალური პროკურორების ყოფილი მოადგილე დავით საყვარელიძე აცხადებს, რომ ქართული საზოგადოება ქართველი ზელენსკის გამოჩენას ელოდება.

ალექსანდრე იაშვილს როდესაც ამოიღებ ღირსების ორდენით დასაჯილდოებელი პირების სიიდან, ნიშნავს, რომ ქართული ფეხბურთის არაფერი გაგეგება -პრემიერი

ალექსანდრე იაშვილს როდესაც ამოიღებ ღირსების ორდენით დასაჯილდოებელი პირების სიიდან, ეს ნიშნავს, რომ ქართული ფეხბურთის არაფერი გაგეგება, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.

პრემიერის თქმით, სალომე ზურაბიშვილმა აქაც სცადა კონკრეტულ სივრცეში გარკვეული განხეთქილების შეტანა, რაც არ გამოუვა.

„რაც შეეხება ღირსების ორდენის და ღირსების მედლის თემას, ამაზე უკვე გავაკეთე კომენტარი. ძალიან სამწუხაროა, რომ სალომე ზურაბიშვილმა აქაც სცადა კონკრეტულ სივრცეში გარკვეული განხეთქილების შეტანა, რაც მას არ გამოუვა. ვიდრე ჩვენ გავაგზავნიდით შესაბამის სიას, გავიარეთ კონსულტაციები ფეხბურთის ფედერაციასთან, ნაკრებთან იმისათვის, რომ რაიმე უკმაყოფილება არ გამოეწვია იმ სიას, რომელიც გაიგზავნებოდა საქართველოს პრეზიდენტთან. კონსულტაციების და სიღრმისეული მსჯელობის საფუძველზე გაიგზავნა კონკრეტული სია. ასეთ დროს, სალომე ზურაბიშვილმა გადაწყვიტა ამ სიიდან კონკრეტული გვარების ამოღება, მათ შორის, არიან ისეთი ადამიანები, რომლებსაც აქვთ განსაკუთრებული დამსახურება ქართული ფეხბურთის წინაშე. როდესაც ალექსანდრე იაშვილს ამოიღებ ღირსების ორდენით დასაჯილდოებელი პირების სიიდან, ეს ნიშნავს იმას, რომ ქართული ფეხბურთის არაფერი გაგეგება. დანარჩენი გულშემატკივარმა და ქართულმა საზოგადოებამ შეაფასოს“, – აღნიშნა მთავრობის მეთაურმა.

 ნატო-ს ლიდერების მხრიდან კეთდება განცხადებები, რომ ამ ეტაპზე გაფართოება არ განიხილება, ამიტომ სამიტიდან არსებით ცვლილებებს არ ველოდებით -პრემიერი

ნატო-ს ლიდერების მხრიდან კეთდება განცხადებები, რომ ამ ეტაპზე გაფართოება არ განიხილება, ამიტომ სამიტიდან არსებით ცვლილებებს არ ველოდებით, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.

როგორც მთავრობის მეთაურმა აღნიშნა, საქართველო მზად არის ნატო-სთან მჭიდრო პარტნიორობისთვის.

„ნატო-ს გაფართოებაზე კეთდება საჯარო განცხადებები ნატო-ს ლიდერების მხრიდან, რომ ამ ეტაპზე ნატო-ს გაფართოება არ არის ის საკითხი, რომელიც შეიძლება, აქტიურად განიხილებოდეს. აქედან გამომდინარე, ნატო-ს სამიტიდან არ ველოდებით არსებით ცვლილებებს. ჩვენ რა თქმა, უნდა მზად ვართ ნატო-სთან მჭიდრო პარტნიორობისთვის. ეს იყო ჩვენი ამოცანა აქამდეც და ამ მიმართულებით გავაგრძელებთ მუშაობას“, – აღნიშნა კობახიძემ.

 გამჭვირვალობის კანონი არის საპრევენციო მექანიზმი, რათა ხელისუფლებამ შეძლოს რეფორმების განხორციელება და საგარეო პოლიტიკურ პრიორიტეტებთან სწორება -ილია დარჩიაშვილი

გამჭვირვალობის კანონი არის საპრევენციო მექანიზმი, რათა ხელისუფლებამ შეძლოს რეფორმების განხორციელება და საგარეო პოლიტიკურ პრიორიტეტებთან სწორება, – ამის შესახებ საქართველოს საგარეო საქმეთა მინისტრმა, ილია დარჩიაშვილმა განაცხადა.

ილია დარჩიაშვილს კითხვა დაუსვეს კანადაში გამჭვირვალობის კანონის დაჩქარებული წესით მიღებაზე.

დარჩიაშვილის თქმით, გამჭვირვალობის კანონის მიღების საფუძველი საქართველოს წინაშე არსებული გამოწვევების თავიდან არიდებაა.

„ჩვენ როდესაც ვსაუბრობთ ამ კანონზე, ყოველთვის ცალსახად ვსაუბრობთ იმაზე, რა გახდა მიღების საფუძველი, რამ განაპირობა ამ მიმართულებით ნაბიჯების გადადგმა. საქართველოს აქვს ამ მიმართულებით გამოწვევები. კანონი არის საპრევენციო მექანიზმი იმისთვის, რომ ქვეყანამ მშვიდობით, წყნარად, თანმიმდევრულად გაიაროს ეს რთული პერიოდი, მივაღწიოთ არჩევნებზე. საქართველოს მოსახლეობამ თავისი არჩევანი დააფიქსიროს და ქვეყანამ იცხოვროს ისეთ რეჟიმში, რომ ხელისუფლებამ შეძლოს რეფორმების განხორციელება და იმ საგარეო პოლიტიკური პრიორიტეტებთან სწორება, რომელიც არის ჩვენი მთავარი მიზანი“, – აღნიშნა დარჩიაშვილმა.

შევხვდით საქართველოს ელჩებს ევროკავშირის ქვეყნებში და აშშ-ში, ვისაუბრეთ იმ პროცესებზე, რომელიც ვითარდება ჩვენს ქვეყანაში და ჩვენი ქვეყნის გარშემო-პრემიერი

შევხვდით საქართველოს ელჩებს ევროკავშირის ქვეყნებში, ამერიკის შეერთებულ შტატებში, გვქონდა საუბარი ყველა აქტუალურ საკითხთან დაკავშირებით, იმ პროცესებზე, რომელიც ვითარდება ჩვენს ქვეყანაში, ჩვენი ქვეყნის გარშემო, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს გერმანიაში განუცხადა.

მთავრობის მეთაურის თქმით, მნიშვნელოვანია თითოეული ელჩის ჩართულობა ქვეყნის საერთაშორისო დონეზე პოზიციების წარმოჩენის კუთხით.

„შევხვდით საქართველოს ელჩებს ევროკავშირის ქვეყნებში, ამერიკის შეერთებულ შტატებში. გვქონდა საუბარი ყველა აქტუალურ საკითხთან დაკავშირებით, იმ პროცესებზე, რომელიც ვითარდება ჩვენს ქვეყანაში, ჩვენი ქვეყნის გარშემო. ძალიან მნიშვნელოვანია თითოეული ელჩის ჩართულობა იმ საერთო საქმეში, რაც დაკავშირებულია ქვეყნის პოზიციების წარმოჩენასთან საერთაშორისო დონეზე. და ბუნებრივია, გვქონდა საუბარი ყველა შესაბამის თემაზე“, – განაცხადა პრემიერმა.

ჩვენ მივესალმებით არა ორმაგ სტანდარტს, არამედ ღია, ჯანსაღ და საჯარო ურთიერთობებს – მათიკაშვილი აშშ-ის ელჩს

ჩვენ მივესალმებით არა ორმაგ სტანდარტს, არამედ ღია, ჯანსაღ და საჯარო ურთიერთობებს, – ასე გამოეხმაურა პარლამენტის იურიდიულ საკითხთა კომიტეტის თავმჯდომარის პირველი მოადგილე დავით მათიკაშვილი აშშ-ის ელჩის ინტერვიუს.

მისი თქმით, ის რაც შეერთებული შტატებისთვის და ევროკავშირისთვის არის კარგი და პოზიტიური, საქართველოსთვის არ შეიძლება იყოს ცუდი.

„ის რაც შეერთებული შტატებისთვის და ევროკავშირისთვის არის კარგი და პოზიტიური, საქართველოსთვის არ შეიძლება იყოს ცუდი. ჩინეთთან არსებული მზარდი ეკონომიკური ურთიერთობა თუ კი აშშ-ისთვის და ევროკავშირისთვის კარგია, საქართველოსთვისაც კარგია და ის არ შეიძლება იყოს ნეგატიური.

შესაბამისად, ჩვენ მივესალმებით არა ორმაგ სტანდარტს, არამედ ღია, ჯანსაღ და საჯარო ურთიერთობებს. იგივე შეიძლება ითქვას გამჭვირვალობის კანონთან დაკავშირებითაც. თუ აშშ-ში და ევროკავშირში კარგია „გამჭვირვალობის კანონი“ ის არ შეიძლება იყოს ცუდი საქართველოში“, – აღნიშნა მათიკაშვილმა.

ჩემი მიზანი არ ყოფილა აუტისტური სპექტრის მქონე ადამიანების დამცირება ან შეურაცხყოფა, ბოდიშს ვუხდი მათ და მათი ოჯახის წევრებს -გიორგი ვაშაძე

ჩემი მიზანი არ ყოფილა აუტისტური სპექტრის მქონე ადამიანების დამცირება ან მათი შეურაცხყოფა, ბოდიშს ვუხდი მათ და ყველა მათ ოჯახის წევრს, – ამის შესახებ „სტრატეგია აღმაშენებლის“ ლიდერი, გიორგი ვაშაძე სოციალურ ქსელში წერს.

„გუშინ „ტვ პირველზე“, ერთ-ერთ გადაცემაში სამედიცინო ტერმინი გამოვიყენე პოლიტიკური ოპონენტის ქცევის შეფასებისას.

სამწუხაროდ, ჩემი თაობის ადამიანებს და არა მხოლოდ პოლიტიკოსებს, ბავშვობიდან ჩვევაში გვაქვს გამჯდარი ასეთი ტერმინების გამოყენება სხვადასხვა ცხოვრებისეულ სიტუაციებში, რაც შესაცვლელია და იცვლება კიდეც ახალ თაობებში. ისიც მესმის, რომ საჯარო პირებს გაცილებით მეტი მოგვეთხოვება ამ მხრივ.

რა თქმა უნდა, იქვე, გადაცემაშივე, განვმარტე, რომ ჩემი მიზანი არ ყოფილა აუტისტური სპექტრის მქონე ადამიანების დამცირება ან მათი შეურაცხყოფა. ბოდიშს ვუხდი მათ და ყველა მათ ოჯახის წევრს“, – წერს გიორგი ვაშაძე.

ხელისუფლება, როგორც აწარმოებს საერთაშორისო ურთიერთობებს, ზუსტად ასახავს იმ წარმოდგენებს, რომელიც ბიძინა ივანიშვილს აქვს ჩვენს პარტნიორებზე-საბა ბუაძე

xr:d:DAFhNM30BCA:2,j:45926897342,t:23042612

ჩვენი პარტნიორები არც იმუქრებიან, არც იტყუებიან, არც არაფერს ამატებენ, უბრალოდ ამბობენ, რას უპასუხებენ იმ მტრულ ნაბიჯებს, რომელსაც „ქართული ოცნება“ დგამს, –  ამის შესახებ „ლელოს“ ერთ-ერთმა ლიდერმა, საბა ბუაძემ განაცხადა.

„პუტინის რუსეთის სამსახურში მყოფი ხელისუფლება, როგორც აწარმოებს საერთაშორისო ურთიერთობებს, ზუსტად ასახავს იმ წარმოდგენებს, რომელიც ბიძინა ივანიშვილს აქვს საერთაშორისო ურთიერთობებზე, ჩვენს პარტნიორებზე. ფაქტობრივად, დახლი აქვს გამოდგმული და ვაჭრობს, ვაჭრობს ოღონდ საკუთარი ფულისთვის, ეს ხომ მან პირდაპირ თქვა, რომ ერთადერთი რაც მისთვის არის ყველაზე ძვირფასი, არის მისი ფინანსები და ზუსტად მაგ მიმართულებით მიიღებს ყველაზე სერიოზულ დარტყმას, როდესაც  ეს სანქციების წნეხი მივა პირდაპირ ივანიშვილამდე და ის რომ მივა ეს წნეხი ივანიშვილამდე, ეს არის დღევანდელ დღესავით ცხადი, იმიტომ რომ ვხედავთ, ეს პროცესი არის დაწყებული და არის მზარდი. ჩვენი პარტნიორები არც იმუქრებიან, არც იტყუებიან, არც არაფერს ამატებენ, უბრალოდ ამბობენ, რას უპასუხებენ იმ მტრულ ნაბიჯებს, რომელსაც „ქართული ოცნება“ დგამს“, – განაცხადა საბა ბუაძემ „ტვ პირველის“ ეთერში.

თიბისის მხარდაჭერით, წლის მთავარიტექნოლოგიურიკონფერენციაChange Inspire გაიმართება 

4 ივლისს, თბილისში, თიბისის მხარდაჭერით და HT Solutions – ის ორგანიზებით, საერთაშორისო ტექნოლოგიური კონფერენცია Change Inspire ჩატარდება, რომლის მიზანია ტექნოლოგიური კომუნის გაძლიერება და ინსპირაცია, რომ ცვლილებების ლიდერები გახდნენ. თიბისი უკვე მესამე წელია მხარს უჭერს კონფერენციას და როგორც წამყანი ტექნოლოგიური კომპანია მონაწილეობს მასში.

კონფერენცია 2018 წლიდან ტარდება და მასში მონაწილე IT მენეჯერები, ინჟინრები და სხვადასხვა კომპანიის IT მიმართულების ხელმძღვანელები ერთმანეთს უახლეს ტექნოლოგიურ მიღწევებს უზიარებენ.

წელს კონფერენციას 500-ზე მეტი ადამიანი დაესწრება, მათ შორის არიან მოწვეული უცხოელი გამომსვლელები. წლევანდელი ფოკუსი სამი ძირათი თემის გარშემო იქნება, ესენია: FinOps, ციფრული ტრანსფორმაცია, კიბერ-უსაფრთხოება, Big Data და AI.

თიბისი, როგორც ტექნოლოგიური კომპანია, კონფერენციაზე წარმოდგენილი იქნება  ინფორმაციის მართვის დირექტორის მოადგილის, იური სემენიხინის მიერ, რომელიც გაგვიზიარებს ბანკის ხედვას და გამოცდილებას, თუ როგორ მოახდინა თიბისიმ FinOps მეთოდოლოგიის ადაპტაცია და რა გამოწვევები გაიარა ამ გზაზე.

ასევე, კონფერენციაზე თიბისი წარმოდგენილი იქნება მონაცემთა ანალიზის გუნდიდან ორი წარმომადგენლით: მანანა ქირია და ლაშა ფანცხავა, რომლებიც MSOps და AI თემას წაიყვანენ.

„ჩვენ შევეცდებით კონფერენციაზე დამსწრე ადამიანებს დავანახოთ, სად არის ტექნოლოგიების, ფინანსების და ბიზნეს ამოცანების თანხვედრის წერტილი, რომელიც ააჩქარებს ბიზნესის გამჭვირვალობას და მას ინოვაციების უფრო მაღალ სტანდარტზე აიყვანს.

ამგვარი კონფერენციები აძლიერებს ტექ კომუნას, ჩვენ  ადამიანებს შესაძლებლობას ვაძლევთ ტექზე ილაპარაკონ ტექნოლოგიების და ბიზნესის ჭრილში და ზოგადად დისკუსია გავაღვივოთ, ცოდნა, ახალი სწავლებები და წლიდან წლამდე მომხდარი სიახლეები გავუზიაროთ ერთმანეთს. გარდა ამისა, ეს არის ადგილი ნეთვორქინგისთვის, რომ ადამიანები აქედან ახალი იდეებითა და კონტაქტებით წავიდნენ”, – იური სემენიხინი, თიბისის ინფორმაციის მართვის დირექტორის მოადგილე.

თუ ხართ ტექნოლოგიების სფეროში დასაქმებული და გსურთ, გაერკვეთ უახლეს ტექნოლოგიურ პროცესებში და გადაწყვეტებში, ასევე გაიცნოთ და მოუსმინოთ წამყვან ექსპერტებს მსოფლიოს ტექნოლოგიური კომპანიებიდან, მაშინ მოინიშნეთ 4 ივლისი და გაიგეთ კონფერენციის შესახებ უფრო მეტი აქ: https://changeinspire.ge/#about-conference

(R)

მაშინ არ არის ჩინეთი დიქტატორული სახელმწიფო, როდესაც შეერთებულ შტატებში 35 მილიარდზე მეტი ჩინური ინვესტიციები ხორციელდება ყოველწლიურად?!-გურამ მაჭარაშვილი

მაშინ არ არის ჩინეთი დიქტატორული სახელმწიფო, როდესაც შეერთებულ შტატებში 35 მილიარდზე მეტი ჩინური ინვესტიციები ხორციელდება ყოველწლიურად?! ის შუა დერეფანი, რაზეც ვსაუბრობთ, იწყება ჩინეთიდან და ევროკავშირში გადის. შესაბამისად, ოპოზიციას სათქმელი არაფერი აქვს, – ამის შესახებ „ხალხის ძალის“ აღმასრულებელმა მდივანმა „დღის ქრონიკაში“ განაცხადა.

წამყვანმა მაჭარაშვილს ჰკითხა, რას ფიქრობს ოპოზიციის განცხადებაზე ანაკლიის პორტთან დაკავშირებით, რომ ჩინური კომპანიის შემოყვანა, არ ექვემდებარება ცივილიზებული თამაშის წესებს, თუ დასავლური წარმომადგენლობა ჩანაცვლდება რუსეთის მოკავშირე, ავტორიტარული რეჟიმით.

„ოპოზიცია არის აგონიაში. საერთოდ წარმოდგენა არ აქვს რაზე საუბრობს. რუსეთის მოკავშირე ჩინეთი არის ამერიკის მოკავშირე ჩინეთი, ევროკავშირის მოკავშირე ჩინეთი. ამას რატომ არ ახსენებენ?! შემთხვევით ანაკლიის პორტზე ხაზარაძის სიტყვები ხომ არ ახსენდებათ, რომელიც ჩინურ ინვესტიციებს აპირებდა და ეს საჯაროდ განაცხადა. მაშინ არ იყო ჩინეთი დიქტატორული სახელმწიფო?! მაშინ არ არის ჩინეთი დიქტატორული სახელმწიფო, როდესაც შეერთებულ შტატებში 35 მილიარდზე მეტი ჩინური ინვესტიციები ხორციელდება ყოველწლიურად?! ის შუა დერეფანი, რაზეც ვსაუბრობთ, იწყება ჩინეთიდან და ევროკავშირში გადის. შესაბამისად, ოპოზიციას სათქმელი არაფერი აქვს. ანაკლიის პორტის თემა პირდაპირ უკავშირდება „შუა დერეფნის“ როლის შესრულებას,