სომხეთის ქალაქ არტაშაკში, რაზმიკ გოლეციანის სახელობის ტრადიციულ საერთაშორისო ტურნირზე, თავისუფალი სტილით მოჭიდავე ახალგაზრდებს (20-წლამდელებს) შორის, ქართველმა მოჭიდავეებმა 9 მედალი მოიპოვეს: 2 ოქრო, 4 ვერცხლი და 3 ბრინჯაო.
ალექსი თოდუა (97 კგ) და გიგა შავაძე (125 კგ) ჩემპიონები გახდნენ.
ნიკა ზანგალაძემ (57 კგ), თორნიკე სამხარაძემ (86 კგ), ვაჩე აბრამიშვილმა (92 კგ) და გიორგი ხუციშვილმა (97 კგ) მეორე საპრიზო ადგილები დაიკავეს.
ლაშა გოგშელიძემ (65 კგ), დავით ქობულაშვილმა (70 კგ) და სანდრო აბრამიშვილმა (125) – მესამე.
საქართველოს ნაკრები სომხეთში მწვრთნელებმა ზურაბ ქალდანმა, ვანო ყვარელაშვილმა და მამუკა ჩაჩუამ ჩაიყვანეს.
ტურნირში ქართველმა მსაჯმა ელენე ტაბლიაშვილმაც მიიღო მონაწილეობა.
