ვერძი
ამ დღეს ბევრ საკითხში წარმატებას მიაღწევთ. გარშემომყოფების კარგად გესმით და ყველაზე რთული ხასიათის ადამიანებთანაც კი საერთო ენის გამონახვას შეძლებთ. მნიშვნელოვანია, რომ საკუთარ გრძნობებსა და შესაძლებლობებში გაერკვეთ. საეჭვოა, ვინმემ მოგატყუოთ ან გეგმებზე უარი გათქმევინოთ. შესაძლებლობა გექნებათ, რომ ფინანსური საკითხები მოაგვაროთ და ახალი ხელშეკრულებები გააფორმოთ. მოსალოდნელია სასიამოვნო და საინტერესო მოგზაურობა, საიდანაც სახლში ნამდვილი მეგობრებით დაბრუნდებით.
კურო
ამჟამად სიტუაციას სწორად აფასებთ, კარგად გესმით, როგორ შეიძლება მოვლენები განვითარდეს და თვალთახედვიდან არაფერი გეპარებათ. ის კუროები, რომლებიც დიდი ხანია ცხოვრების შეცვლას გეგმავენ, ახალ მიმართულებით პირველ ნაბიჯებს გადადგამენ და მიხვდებიან, რომ სწორ გზას დაადგნენ. ამ დღეს კარგად გამოვლინდება თქვენი ლიდერული თვისებები და შესაძლოა, ყოფილმა მეტოქეებმაც კი მხარი დაგიჭირონ.
ტყუპები
ამ დღეს უმჯობესია მნიშვნელოვანი და რთული საქმეების დაგეგმვას თავი აარიდოთ, რადგან მათი ბოლომდე მიყვანა გაგიჭირდებათ. სამაგიეროდ, დასვენება ძალიან სასარგებლო აღმოჩნდება – ძალებს აღიდგენთ. გირჩევთ, ურთიერთობებში მეტი სიფრთხილე გამოიჩინოთ. თავი შორს დაიჭირეთ იმ ადამიანებისგან, ვინც ხშირად გაკრიტიკებთ ან თქვენზე ზეწოლის მოხდენას ცდილობს. საღამოს ძველ მეგობრებთან შეხვედრა და საუბარი სასიამოვნო იქნება.
კირჩხიბი
დღის დასაწყისი ხელსაყრელია. ენერგიით სავსე ხართ და ცდილობთ, ყველა საქმე სწრაფად და სასურველი შედეგით დაასრულოთ. ვარსკვლავები გაფრთხილებენ, რომ ურთიერთობაში აგრესიულობამ და ზედმეტმა თავდაჯერებამ შეიძლება ნათესავებისა და მეგობრების პროტესტი გამოიწვიოს. ეცადეთ, თითოეულ პრობლემას გონივრულად მიუდგეთ და, რაც მთავარია, კომპრომისი მოძებნოთ. გირჩევთ, საყვარელი ადამიანი პრეტენზიებით არ დაღალოთ.
ლომი
საკმაოდ კარგი დღეა მათთვის, ვინც ოპტიმისტურადაა განწყობილი. გაჩნდება შანსი, რომ რაიმე ახალი ისწავლოთ ან სასარგებლო ინფორმაცია მიიღოთ. ბოლოს და ბოლოს, დაასრულებთ საქმეს, რომელსაც ბევრი დრო და ენერგია დაუთმეთ. საქმიანი მოლაპარაკებები წარმატებით ჩაივლის – მათი მხარდაჭერის მიღებას შეძლებთ, ვისთანაც ადრე ურთიერთობა არ გამოგდიოდათ.
ქალწული
ამ დღეს აუცილებელია სიმშვიდის შენარჩუნება, მიუხედავად იმისა, რომ ეს ადვილი არ იქნება. მნიშვნელოვანი გადაწყვეტილებების მიღებას ან გეგმების შეცვლას ნუ იჩქარებთ – ამჟამად ემოციებს ძალიან დიდ მნიშვნელობას ანიჭებთ და შესაძლოა, შეცდომა დაუშვათ. მიეცით საკუთარ თავს დრო, რომ სიტუაციაში გაერკვეთ. თუ ყურადღებით დააკვირდებით, აღმოაჩენთ ფაქტორებს, რომლებმაც შეიძლება შექმნილ ვითარებაში გადამწყვეტი როლი შეასრულონ. მოსალოდნელია უთანხმოება საპირისპირო სქესის წარმომადგენლებთან, თუმცა საღამომდე ყველა კამათი და წყენა წარსულს ჩაჰბარდება.
სასწორი
თუ გსურთ თანამოაზრეები და მოკავშირეები შეიძინოთ, ამ საქმით დილიდან უნდა დაკავდეთ. თქვენი მიზანდასახულობა გადამდებია, ხოლო ენთუზიაზმი – ყველას აღაფრთოვანებს. საკუთარი საქმეებისა და მიღწევების შესახებ საუბარი არ მოგერიდოთ. ამ დღეს პლანეტები თქვენ მიმართ კეთილად არიან განწყობილნი, რაც აუცილებლად უნდა გამოიყენოთ.
მორიელი
ამ დღეს შეიძლება უმნიშვნელო პრობლემამაც კი გონება აგირიოთ და დაგეგმილზე ხელი აგაღებინოთ. ეცადეთ, გვერდით გყავდეთ ადამიანი, რომელიც ამ დროს მხარს დაგიჭერთ და გამოგაფხიზლებთ. გრძელვადიანი პროექტის დაწყებამდე დაფიქრდით, რა არის ის, რაზეც ყურადღება უნდა გაამახვილოთ. თუ ყველა საქმის ერთდროულად კეთებას ცდით, შესაძლოა ბევრი ენერგია ფუჭად დაკარგოთ.
მშვილდოსანი
ეს დღე უფრო შესაფერისია დასვენებისთვის, ვიდრე რთული და მნიშვნელოვანი საქმეებისთვის. გადაღლის და დაბნეულობის გამო მოსალოდნელია შეცდომები იქ, სადაც სხვა დროს თავს იოლად გაართმევთ. დაწყებული საქმეების მიმართ ხშირად ინტერესს კარგავთ, ამიტომ ახლის დაწყება სიფრთხილით უნდა განიხილოთ. ძველი პროექტის განხორციელებამ შეიძლება, შემოსავლის ახალი წყაროები გაპოვნინოთ.
თხის რქა
რთული და ქაოსური დღეა. ყოველ წუთს ახალ-ახალი საქმეები იჩენს თავს და თითოეული მათგანი ყურადღებას მოითხოვს. პრიორიტეტების სწორად დალაგება გაგიჭირდებათ, ამიტომ ერთი საქმიდან მეორეზე გადადიხართ, ისევ პირველს უბრუნდებით და ა.შ.; სწორად შერჩეულ ადამიანთან ურთიერთობა დაგეხმარებათ, რომ ბევრ საკითხს სხვაგვარად შეხედოთ. ზოგიერთები მიხვდებიან, რა შეცდომა დაუშვეს და ეცდებიან, რაც შეიძლება სწრაფად გამოასწორონ.
მერწყული
ეს დღე სასიამოვნო სიურპრიზებითა და წარმატებული დამთხვევებით გაგახარებთ. ხელიდან არ გაუშვებთ შესაძლებლობას, რომ წარმატებას მიაღწიოთ ან მნიშვნელოვანი პრობლემა გადაჭრათ. როგორც მეგობრული, ისე საქმიანი შეხვედრები კარგად ჩაივლის, მოსალოდნელია რომანტიკული ურთიერთობის დაწყებაც. ეცადეთ, თითოეულ პრობლემას გონივრულად მიუდგეთ და, საჭიროების შემთხვევაში, კომპრომისი იპოვოთ.
თევზები
დღის დასაწყისში ფინანსურ საკითხებთან მიმართებით განსაკუთრებით ფრთხილად უნდა იმოქმედოთ. ეცადეთ, ზედმეტი არ დახარჯოთ, თავი შეიკავეთ სპონტანური შენაძენებისგან და ხელშეკრულებებს ნუ გააფორმებთ, სანამ პირობებს დაწვრილებით არ შეისწავლით. დღის მეორე ნახევარი ხელსაყრელია მეგობრული შეხვედრებისა და გართობისთვის. თევზ მამაკაცებს საინტერესო ნაცნობობა ან რომანტიკული თავგადასავალი ელით, თუმცა ის მხოლოდ იმედგაცრუებას და ნერვიულობას მოუტანთ.
