ვერძი
შესაძლოა შემთხვევითმა შეხვედრამ ან საუბარმა მნიშვნელოვანი გადაწყვეტილებებისკენ გიბიძგოთ.
დღის მეორე ნახევარში ენერგიის მოზღვავება გელით – მოძრაობისა და ფიზიკური აქტივობის სურვილი იმდენად ძლიერია, რომ შესაძლოა, საქმეზე კონცენტრირება გაგიჭირდეთ. განსაკუთრებული ყურადღება მიაქციეთ იმას, რაც მზის ჩასვლის შემდეგ მოხდება – ამ დროს მოვლენებს სიმბოლური მნიშვნელობა ექნება და შესაძლოა, დაფარული შესაძლებლობები დაგანახვოთ.
კურო
ამ დღის დასაწყისი იდეალურია ისეთი საქმისთვის, სადაც სიზუსტეა საჭირო. საღამოს შეიძლება თითქმის დავიწყებული საქმე ან იდეა ისევ ყურადღების ცენტრში მოექცეს. უცნაურია, მაგრამ პრობლემა თავისთავად, თქვენი ჩარევის გარეშე გადაწყდება. გირჩევთ, დღის განრიგში ვარჯიშის და ფიზიკური დატვირთვისთვის დრო გამონახოთ.
ტყუპები
დილიდან გარშემომყოფებთან უჩვეულო კავშირს იგრძნობთ – თითქოს ყველა ადამიანი თქვენი ფიქრისა და გრძნობის თანამონაწილეა. ეს დრო იდეალურია ახალი კავშირების დასამყარებლად. შუადღეს კოლექტიურ პროექტებთან და თქვენს საქმიანობასთან დაკავშირებით მოულოდნელი ფინანსური შესაძლებლობები გაჩნდება.
უსმინეთ შინაგან ხმას – ის სწორ მიმართულებას გაჩვენებთ.
კირჩხიბი
ეს დღე შინაგანი თავისუფლების შეგრძნებით იწყება. ავტორიტეტული ადამიანისგან მოულოდნელი შექება თქვენს თვითშეფასებაზე დადებითად იმოქმედებს. სახლთან ან ოჯახთან დაკავშირებული მოვლენები თქვენ მომავალ გეგმებზე გავლენას მოახდენს. დღის მეორე ნახევარში შესაძლებელია გქონდეთ შეთავაზება შემოქმედებით საქმიანობაში ჩართვაზე. გადაწყვეტილების მიღებამდე რჩევა ოჯახის წევრებს ან გამოცდილ კოლეგებს უნდა სთხოვოთ.
ლომი
დილა სასიცოცხლო ძალების მოზღვავებით დაიწყება და ეს განცდა მთელი დღე გაგყვებათ. ადამიანები თქვენ ირგვლივ ძალიან კეთილგანწყობილები არიან, ხოლო შემთხვევითი შეხვედრები შესაძლოა საინტერესო ნაცნობობაში გადაიზარდოს. საღამო შესაძლებლობას მოგცემთ, ორგანიზატორის უნარი გამოავლინოთ – თქვენი ძალისხმევა ყველა მოლოდინს გადააჭარბებს.
ქალწული
დღის დასაწყისი იდეალური დროა საქმეების დაგეგმვისა და ორგანიზებისთვის. შუადღის შემდეგ მოსალოდნელია ფინანსებთან ან მატერიალურ საკითხებთან დაკავშირებული ცვლილება, რომელიც თქვენს მომავალ კეთილდღეობაზე გავლენას მოახდენს. საღამოს მოსალოდნელია საინტერესო შემოთავაზება ერთობლივი პროექტის ფარგლებში პარტნიორულ ურთიერთობაზე.
სასწორი
სასწორებისთვის დილა ჰარმონიის განცდით დაიწყება და ის თანდათან გაძლიერდება. ამ დღეს წვრილმანები, რომლებსაც აქამდე ყურადღებას არ აქცევდით, გადამწყვეტი გახდება. საღამო შესაძლებლობას მოგცემთ, დიპლომატიური უნარებით იმოქმედოთ და საუკეთესო შედეგს მიაღწიოთ.
მორიელი
ინტუიციის და გამჭრიახობის წყალობით უმცირეს წვრილმანებშიც კი შეგიძლიათ დაფარული მნიშვნელობა ამოიკითხოთ. იდეალური დღეა განვლილი მოვლენების შეფასებისა და ღირებულებების გადაფასებისთვის.
საღამოს ყოველდღიური სიტუაციები სიმბოლურ მნიშვნელობას შეიძენს. მოსალოდნელია შემოთავაზებები, რომლებიც გარდაქმნას ან შინაგან ცვლილებებს უკავშირდება.
მშვილდოსანი
მშვენიერი დღეა მოკავშირეების პოვნისა და მათთან ძალების გაერთიანებისთვის. შეგიძლიათ საერთო გეგმებისა და ერთობლივი ღონისძიებების განხორციელება დაიწყოთ. გარშემომყოფები თქვენ მიმართ გულწრფელები არიან. ამ საღამოს შემთხვევითმა შეხვედრამ შეიძლება დიდი წარმატება მოგიტანოთ დაგეხმარებათ.
თხის რქა
ამ დღეს იგრძნობთ, რომ ფეხზე მყარად დგახართ. დილა იდეალურია გრძელვადიანი გეგმებისა და სტრატეგიული ხედვების შესამუშავებლად – აზრები მკაფიო და პრაქტიკული იქნება. შუადღის შემდეგ კარიერის მხრივ მოულოდნელი ამბები გელით, რაც დიდ გავლენას მოახდენს თქვენს მომავალზე. საღამოს მოსალოდნელია შეთავაზებები, რომლებიც ლიდერის პოზიციებს ან საპასუხისმგებლო პროექტებს შეეხება.
მერწყული
ამ დღეს გაცნობილი ადამიანის რჩევა დაგეხმარებათ, თავიდან აიცილოთ შეცდომები ბიზნესში. შუადღის შემდეგ მოსალოდნელია მეგობრებთან ან საზოგადოებრივ საქმიანობასთან დაკავშირებული მოვლენები, რომლებიც განსაკუთრებულ მნიშვნელობას შეიძენს. დღის განმავლობაში მცირე დეტალები მნიშვნელოვან როლს შეასრულებს – ის, რაც მეორეხარისხოვანი ჩანდა, მთავარი აღმოჩნდება.
თევზები
დილას უხილავ ძალებთან კავშირს იგრძნობთ. ეს დრო იდეალურია შემოქმედებითი პროცესებისთვის და სულიერი განვითარებისთვის – ინტუიცია შესანიშნავად მუშაობს. შუადღის შემდეგ პოზიტიური ემოციების წყურვილი დაუფიქრებელი მოქმედებისკენ გიბიძგებთ. ფრთხილად იყავით – ამ დღეს ემოციით გადადგმულ ნაბიჯს მალევე ინანებთ.
