ვერძი
საკუთარი გამოცდილების და მიღწეული შედეგების გათვალისწინებით, ამ დღეს შეიძლება პროფესიული საქმიანობის სფეროში დიდ წარმატებას მიაღწიოთ. თვეების მიხედვით გაწერილი გეგმა საქმეს გაგიადვილებთ. დღის მეორე ნახევარში ეცადეთ, სამუშაოზე არ იფიქროთ, კარგად დაისვენოთ და ძალა აღადგინოთ. მეგობრებთან შეხვედრა განწყობას აგიმაღლებთ.
კურო
მოვლენებით დატვირთული და ნაყოფიერი დღეა. გირჩევთ, ყველა მნიშვნელოვანი საქმე დღის პირველ ნახევარში დაგეგმოთ. მუშაობისა და რთული საკითხების მოგვარებისკენ ხართ განწყობილი, მაგრამ გადაღლამ შეიძლება თავის ტკივილი ან უმიზეზო გაღიზიანება გამოიწვიოს. ეცადეთ ,გარშემო მყოფების მიმართ მეტი თავაზიანობა გამოიჩინოთ. აკონტროლეთ საკუთარი სიტყვები – შესაძლოა, დაუფიქრებლად ნათქვამი ხუმრობით თანამოსაუბრე შეურაცხყოთ.
ტყუპები
უმჯობესია, დიდი და რთული საქმეების განხორციელება სამომავლოდ გადადოთ. 29 იანვარი ხელსაყრელია რუტინული სამუშაოების შესრულების ან საყოფაცხოვრებო საკითხების მოგვარებისთვის. მოერიდეთ კამათს, ნუ დაიწყებთ ჩხუბს წვრილმანებზე და გაუფრთხილდით საყვარელ ადამიანებთან ურთიერთობას. გახსოვდეთ, ცხოვრება ბევრად უფრო ადვილია, როდესაც საკუთარ განცდებს ან საზრუნავს საყვარელ ადამიანებს უზიარებთ.
კირჩხიბი
ამ დღეს რთული პროექტების დაწყება და მნიშვნელოვანი მოლაპარაკებები არ უნდა დაგეგმოთ. ყურადღებით მოუსმინეთ გარშემო მყოფთა საუბრებს და შეიძლება თქვენთვის მნიშვნელოვან კითხვებზე პასუხი მიიღოთ. მშვიდად და აუჩქარებლად იმუშავეთ და ურთიერთობები შეზღუდეთ, რათა დაპირისპირება თავიდან აიცილოთ. პრობლემებზე ნუ ინერვიულებთ – მოვლენები ისე განვითარდება, რომ ყველაფერი თქვენი მონაწილეობის გარეშე, თავისთავად მოგვარდება.
ლომი
შესაძლოა, ისეთი საქმის კეთება მოგიწიოთ, რომელიც არ იცით ან არ მოგწონთ. მოვლენები ელვის სისწრაფით იცვლება, ამიტომ 29 იანვარს მნიშვნელოვანი შეხვედრები ან ღონისძიებები არ უნდა დაგეგმოთ. რაც შეიძლება მეტის და რაც შეიძლება სწრაფად კეთების სურვილმა შეიძლება შეცდომა და ფინანსური ზარალი გამოიწვიოს, ამიტომ მშვიდად უნდა იმუშაოთ. ვარსკვლავები თქვენს შრომისმოყვარეობას და მონდომებას დააფასებენ.
ქალწული
ამინდის ჭირვეულობის გამო მოსალოდნელია თავის ტკივილმა ან უგუნებობამ შეგაწუხოთ, ამიტომ ეცადეთ, რთული სამუშაო ან დამატებითი ვალდებულებები თავიდან აიცილოთ. ამ დღეს უცნობებთან ურთიერთობა მინიმუმამდე უნდა შეამციროთ და საყვარელ ადამიანებზე, რომლებსაც თქვენი მხარდაჭერა სჭირდებათ, მეტი უნდა იზრუნოთ. მარტოობაში, მშვიდად გატარებული საღამო ძალების აღდგენაში დაგეხმარებათ.
სასწორი
იმპულსური და გაუაზრებელი ქმედებები შეცდომამდე მიგიყვანთ, ამიტომ მოვლენების შუაგულში უნდა იტრიალოთ და ყველაფერი აკონტროლოთ, რაც თქვენ გარშემო ხდება. ეს საშუალებას მოგცემთ, სიტუაციას თქვენთვის საჭირო მიმართულება მისცეთ. თქვენმა მოზღვავებულმა ემოციებმა შეიძლება გარშემო მყოფები დააფრთხოს, ამიტომ საკუთარი სიტყვები და ქმედებები უნდა აკონტროლოთ. ნუ გაუმხელთ საკუთარ საიდუმლოს ადამიანს, რომელმაც საიდუმლოს ფასი არ იცის.
მორიელი
მნიშვნელოვანი საკითხების მოგვარებას სამომავლოდ ნუ გადადებთ და ის აკეთეთ, რაც მიზნამდე მიგიყვანთ. ეცადეთ, ღრუბლებიდან მიწაზე დაეშვათ და რეალობას თვალებში ჩახედოთ. მხიარული განწყობა შეიძლება გარემოებების არახელსაყრელმა განვითარებამ ან ვიღაცის მოულოდნელმა ჩარევამ გაგიფუჭოთ. ვარსკვლავები გირჩევენ, რომ ამ დღეს ვალის აღებას მოერიდოთ და ფულის დაგროვება დაიწყოთ.
მშვილდოსანი
ამ დღეს იმდენად დამაჯერებლად მოქმედებთ, რომ ვისაც გინდათ და რაშიც გსურთ, დაარწმუნებთ, ამიტომ პარტნიორებთან მნიშვნელოვან შეთანხმებას მიაღწევთ. ეცადეთ, ემოციები აკონტროლოთ და ჯანმრთელობა არ დაიზიანოთ – გადაღლამ შეიძლება ქრონიკული დაავადების გამწვავება გამოიწვიოს. რომანტიკულმა ურთიერთობამ შეიძლება ბევრი პრობლემა მოგიტანოთ.
თხის რქა
ამ დღეს გადაღლამ შეიძლება ჯანმრთელობის გაუარესება, გეგმების შეცვლა და მნიშვნელოვანი შეხვედრების გადადება გამოიწვიოს. ნებისმიერ წვრილმანს ყურადღება მიაქციეთ – ისინი დღეს მნიშვნელოვანია. ასევე სასარგებლოა პირად ცხოვრებაში არსებულ პრობლემებზე ფიქრი. ამ დღეს შესაძლებლობა მოგეცემათ, რომ საკუთარი ცხოვრება უკეთესობისკენ შეცვალოთ, მთავარია, შანსი ხელიდან არ გაუშვათ.
მერწყული
ამ დღეს აღმოაჩენთ კავშირს ფაქტებსა და მოვლენებს შორის, რომლებიც ადრე შემთხვევითი გეგონათ. ეცადეთ, დადგენილი წესები არ დაარღვიოთ და არჩეული გზიდან არ გადაუხვიოთ. თავი შეიკავეთ უცნობ ადამიანებთან საკუთარ გეგმებზე საუბრისგან – შესაძლოა, ვიღაცამ თქვენი იდეების მითვისება მოინდომოს.
თევზები
თქვენს გარემოცვაში ბევრო არაკეთილმოსურნე და შურიანი ადამიანია, ამიტომ საკუთარი წარმატების შესახებ მხოლოდ უახლოეს ადამიანებს უნდა უამბოთ. გუნდური მუშაობა წარმატებული იქნება და სასურველ შედეგს მოგიტანთ. ეცადეთ, პირად ცხოვრებაზე ან პრობლემებზე ნაკლები იფიქროთ – ეს საქმიდან ყურადღებას გაგიფანტავთ. საღამოს ჯობს, სახლში განმარტოვდეთ და დაისვენოთ.
