26 მაისი აღინიშნება ძალიან ღირსეულად, ისე, როგორც ჩვენ გვეკადრება, ჩვენს ამაყ ერს ეკადრება, – განაცხადა გადაცემა „დღის ქრონიკაში“ გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველმა მოადგილემ ვლადიმერ ბოჟაძემ.
მისივე თქმით, 26 მაისი აღინიშნება არამხოლოდ დედაქალაქში, არამედ რეგიონებში.
„ძალიან მრავალრიცხოვანი იქნება ღონისძიებების ჩამონათვალი. თუ ვინმე გაბედავს და ჩათვლის საჭიროდ, რომ კონსტიტუციის, კანონის ფარგლებიდან გავიდეს, ეს დღესასწაული აქციოს დაპირისპირების დღედ, პასუხი იქნება სათანადო კანონის მხრიდან“, – აღნიშნა მან.
ვლადიმერ ბოჟაძის თქმით, არ სურს, რომ ხალხის მხრიდანაც იგივე დამოკიდებულება იყოს, ვინაიდან კანონი იმიტომ არსებობს, კანონმა უნდა აღკვეთოს მსგავსი ქმედებები.
„ჩვენ ყველაფერი უნდა გავაკეთოთ მათი ქცევების, მათი საქციელების მიუხედავად, რომ შევძლოთ და ღირსეულად ერთად აღვნიშნოთ 26 მაისი“, – განაცხადა ვლადიმერ ბოჟაძემ.
