ვერძი
ამ დღეს ყველაფერი გეგმების საწინააღმდეგოდ ხდება. მოვლენების მსვლელობას სპონტანური გადაწყვეტილებები არღვევს, რაც ჩვეულებრივ, არ გახასიათებთ. ნუ ინერვიულებთ, დინებას მიჰყევით და ბედი ყველაფერში დაგეხმარებათ. ეცადეთ, რეალისტური მოლოდინი გქონდეთ, რათა იმედგაცრუება არ განიცადოთ. ეს დღე ხელსაყრელია ოჯახური ურთიერთობებისთვის, სადაც იდილია და სიყვარული სუფევს.
კურო
სასურველია ურთიერთობის წრე შეამციროთ, რათა გარემოცვის უარყოფითი ზემოქმედება თავიდან აიცილოთ. გადაღლილობის გამო სამსახურში თქვენი უყურადღებობა უკვე ძალიან თვალშისაცემია. ვარსკვლავები გირჩევენ, რომ დასვენებისთვის რამდენიმე დღე ითხოვოთ – ასე თუ გააგრძელეთ, სიტუაციის გამოსწორება გაგიჭირდებათ.
ტყუპები
ტყუპებისთვის ბედნიერი და ყოველმხრივ ხელსაყრელი დღეა. გამოავლინეთ სიკეთე და შემწყნარებლობა, დაეხმარეთ მათ, ვისაც თქვენი დახმარება სჭირდება. ამით არა მხოლოდ მათ, არამედ საკუთარ თავსაც დაეხმარებით. სამაგიეროდ, საჭირო დროს თქვენც მიიღებთ დახმარებას მეგობრისგან, ახლობლისგან ან უბრალოდ კეთილი ადამიანებისგან. მცირე პრობლემა, რომელიც დღის განმავლობაში თავს იჩენს, ადვილად გადაიჭრება.
კირჩხიბი
მოვლენებით დატვირთული დღეა. შესაძლოა, საინტერესო ადამიანები გაიცნოთ, რომლებთანაც მეგობრულ ურთიერთობას დაამყარებთ. თუ სახლში დაგეგმილ რემონტს შემოქმედებითად მიუდგებით, შედეგი ძალიან გაგახარებთ. ყველაფერს ნუ დაიჯერებთ, რასაც დღეს გაიგებთ და ეცადეთ, ნებისმიერი ინფორმაცია გადაამოწმოთ. პატივი ეცით თანამოსაუბრის აზრს და საკუთარი შეხედულებები თავზე არ მოახვიოთ.
ლომი
ჩვეულებრივი, არაფრით გამორჩეული დღეა, თუმცა შუადღის შემდეგ ბევრი დაბრკოლება გელით, ამიტომ გირჩევთ, სამომავლოდ გადადოთ საქმე, რომელიც სერიოზულ და საფუძვლიან მიდგომას მოითხოვს. ეცადეთ, საყვარელ ადამიანს მეტი დრო დაუთმოთ — ბოლო დროს თქვენი მოუცლელობა ძალიან აღიზიანებს და შეიძლება საქმე კონფლიქტამდე მივიდეს. მარტოხელა ლომი შეიძლება ამ დღეს ცხოვრების სიყვარულს შეხვდეს.
ქალწული
ამ დღეს თქვენი გამჭრიახი გონება მთავარ საკითხს წვრილმანებისგან სწრაფად გამოარჩევს და მთელს ძალისხმევას მისკენ მიმართავს. ქალწულების შრომისმოყვარეობა უფროსების და კოლეგების პატივისცემას იმსახურებს, მაგრამ დასვენების გარეშე შეიძლება ნერვიულ სტრესამდე მიხვიდეთ. ახალი ნაცნობობა სასარგებლო იქნება – შესაძლოა, ბიზნესპარტნიორები და მოკავშირეები იპოვოთ.
სასწორი
რთული სამუშაო დღე გელით. მოსალოდნელია გაუგებრობა კოლეგებთან და ხელმძღვანელობასთან ურთიერთობაში. თუნდაც საკუთარი სიმართლეში ბოლომდე დარწმუნებული იყოთ, თქვენი აზრის დაცვას მაინც ნუ ეცდებით. უბრალოდ მოითმინეთ – დრო გავა და ყველაფერი თავისით მოგვარდება. დღის მეორე ნახევარში საყვარელ ადამიანებთან ურთიერთობა ძალას შეგძენთ და თვითშეფასებას აგიმაღლებთ.
მორიელი
მჭევრმეტყველების დამსახურებით ნაცნობებს ადვილად იძენთ და ხალხიც ადვილად გენდობათ. გარდა ამისა, მოლაპარაკებების წარმართვაში და გარიგებების დადებაში ბადალი არ გყავთ, რაც ჩანაფიქრის განხორციელებაში დაგეხმარებათ. მოსალოდნელია ღალატი ადამიანისგან, ვისზეც დიდ იმედს ამყარებთ. გირჩევთ, მასთან ურთიერთობის გარკვევას ნუ დაიწყებთ – უბრალოდ კავშირი გაწყვიტეთ. მისთვის ეს კარგი გაკვეთილი იქნება.
მშვილდოსანი
დღევანდელი დღე უამრავ საჩუქარს გპირდებათ. თქვენი წარმატება ბევრს მოსვენებას არ აძლევს. ზოგი ადამიანი კეთილი განზრახვის საფარქვეშ, თქვენი ნდობის მოპოვებას ცდილობს, რომ შემდეგ ჭორები და ინტრიგები გაგივრცელოთ. ამ დღეს ცდუნებასთან გამკლავება მოგიწევთ, რათა მომავალში არ ინანოთ.
თხის რქა
ამ დღეს სასიცოცხლო ძალების მოზღვავებას იგრძნობთ და თქვენი შრომისუნარიანობა გაიზრდება. წარმატებული შენაძენი ან ფინანსური შემოსავალი გელით. ახალი ნაცნობობა შეიძლება რომანტიკულ თავგადასავლად გადაიქცეს, თუმცა ეცადეთ, ამას თქვენი გეგმები არ აარევინოთ. მამაკაცები უმჯობესია ხმაურიან შეკრებებს და ალკოჰოლის მოხმარებას მოერიდონ – ეს თქვენს ჯანმრთელობას ავნებს.
მერწყული
ამ დღეს სურვილი გაქვთ, გაერთოთ და დრო მეგობრებთან ერთად გაატაროთ – სულ ერთია, ეს ლაშქრობა იქნება, თევზაობა თუ კინოთეატრში წასვლა. მთავარია, სულიერად და ფიზიკურად დაისვენოთ, რათა საქმეს ახალი ძალებით შეეჭიდოთ. ყურადღებით იყავით — გამორიცხული არ არის, რომ ვიღაცამ თქვენი არაინფორმირებულობით ისარგებლოს.
თევზები
რთული დღეა. ეჭვებით სავსე ხართ და არჩევანის გაკეთება გიჭირთ. მნიშვნელოვანი გადაწყვეტილების მიღებამდე დრო ითხოვეთ, რათა ყველაფერი საფუძვლიანად შეისწავლოთ. განსაკუთრებული სიფრთხილე გმართებთ ფინანსური გარიგებისას – თუ ოდნავი ეჭვიც კი გაჩნდა, უმჯობესია, გარიგებაზე საერთოდ უარი თქვათ.
