2024 წლის აპრილიდან 2025 წლის თებერვლამდე რუსეთმა უკრაინაში დონეცკის ოლქის სამ ქალაქთან 20 000-ზე მეტი სამხედრო დაკარგა, – ამის შესახებ აღნიშნულია უკრაინული ანალიტიკური პროექტის, „დიფ სთეითის“ ანგარიშში.
ანალიტიკოსების გათვლით, რუსეთის არმიის ზარალი დაღუპულების, დაჭრილების და ტყვედ ჩავარდნილების სახით შეფასდა ბელოგოროვკაში, ჩასოვ იარში და ტორეცკში.
აღნიშნულ სამ ქალაქში რუსეთის არმიის 7,5 ათასამდე ჯარისკაცი მოკლეს.
აღნიშნულ პერიოდში ტორეცკში რუსულმა არმიამ 4 ათასი ჯარისკაცი დაკარგა დაღუპულების სახით, 8 400-ზე მეტი დაშავდა, 44 კი ტყვედ ჩავარდა.
ბელოგოროვკაში რუსეთის არმიის 1 543 ჯარისკაცი მოკლეს, 1 455 დაშავდა, 15 კი ტყვედ ჩავარდა. რაც შეეხება ჩასოვ იარს, აქ რუსული არმიის ცოცხალი ძალის დანაკარგი 1 967-ს აღწევს, 2 897 დაშავდა, 16 კი ტყვედ ჩავარდა.
