გაეროს მიგრაციის საერთაშორისო ორგანიზაციის მონაცემებით 2024 წელს მსოფლიოში 8938 მიგრანტი გარდაიცვალა, რაც აქამდე არსებულ მაჩვენებლებს შორის ყველაზე მაღალი ციფრია.
ორგანიზაციის მიერ გავრცელებულ ინფორმაციაში აღნიშნულია, რომ რეალური მაჩვენებელი შეიძლება ბევრად უფრო მაღალი იყოს.
სტატისტიკური მონაცემების მიხედვით, ყველაზე მეტი მიგრანტი 2024 წელს აზიაში (2778), ხმელთაშუა ზღვის რეგიონში (2452) და აფრიკაში (2242) გარდაიცვალა.
