ვერძი
ფილოსოფიური საუბრის მოთხოვნილება გაქვთ და ღირსეულ თანამოსაუბრეს ეძებთ. დააკვირდით მინიშნებებს, რომლებსაც ვარსკვლავები გიგზავნიან. გირჩევთ, ნაჩქარევი დასკვნები არ გამოიტანოთ, რადგან შექმნილი ვითარება აზრის შეცვლას გაიძულებთ. ახალ პროექტზე მუშაობა თქვენს ფინანსურ ან თანამდებობრივ მდგომარეობას გააუმჯობესებს. გირჩევთ, საღამოს აურზაურს თავი დააღწიოთ და საკუთარ ფიქრებთან მარტო დარჩეთ.
კურო
თუ პირადი სივრცის კეთილმოწყობას გეგმავთ, კარგი იქნება, რომ ახლობელ ადამიანებიც დაიხმაროთ. შეთავაზებას დაუფიქრებლად ნუ დათანხმდებით, გახსოვდეთ, რაც ბრწყინავს, ყველაფერი ოქრო არ არის. შესაძლოა, ისეთი რამ გაიგოთ, რასაც დიდი ხანია, გულმოდგინედ გიმალავენ. სიახლეებისა და ექსპერიმენტებისთვის არახელსაყრელი დღეა, ამიტომ კარგად ნაცნობი საქმის კეთება უნდა გააგრძელოთ.
ტყუპები
ამ დღეს ფინანსებთან დაკავშირებულ ნებისმიერ პროექტში წარმატება გელით. ეცადეთ, რთული და შრომატევადი საქმეების დაწყებისგან თავი შეიკავოთ და დასვენების დღე გართობისა და მხიარულებისთვის გამოიყენოთ. გამორიცხული არ არის, რომ დღის მეორე ნახევარში უმიზეზო შფოთვა და ნერვიულობა იგრძნოთ, თუმცა მეგობრებთან საუბარი და სუფთა ჰაერზე სეირნობა სტრესის დაძლევაში დაგეხმარებათ.
კირჩხიბი
კარგად დაფიქრდით და აღიარეთ – ჩიხში ხომ არ ხართ? თავის მოტყუების დრო დასრულდა, ამიტომ დროა, სიმართლეს თვალი უნდა გაუსწოროთ. დილიდან სიზარმაცის შეტევას ებრძვით, მაგრამ უშედეგოდ. ნუ ინერვიულებთ – რთული კვირის შემდეგ დასვენება ნამდვილად დაიმსახურეთ. რაც შეეხება საოჯახო საქმეებს, ეცადეთ, მარტივით დაიწყოთ და ნელ-ნელა გაართულოთ. საყვარელ ადამიანთან ურთიერთობაში ვითარება იძაბება. ეცადეთ საქმე კონფლიქტამდე არ მიიყვანოთ.
ლომი
ვარსკვლავები გირჩევენ, რომ გვერდით მყოფი ადამიანი უკეთ გაიცნოთ. ის შეიძლება ნაცნობი, კოლეგა, მეზობელი ან ნათესავიც კი იყოს. ამ დღეს გადაღლას შეიძლება ჯანმრთელობის პრობლემები მოჰყვეს, ამიტომ გირჩევთ მარტივი საქმეებით დაკავდეთ და ხშირად დაისვენოთ. კარგი იქნება, თუ ახლად გაცნობილი ადამიანის შესახებ რაც შეიძლება მეტ ინფორმაციას მიიღებთ. მომავალში ეს ურთიერთობა ძალიან გამოგადგებათ. ძველ მეგობართან საუბარი სტრესისგან გაგათავისუფლებთ.
ქალწული
ამ დღეს ენერგიით სავსე ხართ და საქმეს ადვილად უმკლავდებით. მშვენიერი დღეა საქმეებისა და გეგმების გააზრებისა და დასკვნების გამოსატანად. ვარსკვლავები გაფრთხილებენ, რომ შეიძლება ოჯახში ვითარება დაიძაბოს, თუმცა მოულოდნელი სიახლე სიტუაციას განმუხტავს. გახსოვდეთ, წარმატების მისაღწევად საკუთარი შესაძლებლობების ობიექტური შეფასება აუცილებელია. სახლის დალაგება სულიერ სიმშვიდეს დაგიბრუნებთ.
სასწორი
ამ დღეს ერთადერთი სურვილი გამოძრავებთ – ყველას უნდა დაუმტკიცოთ, რომ მართალი ხართ. გარშემო მყოფებსაც ერთადერთი არჩევანი აქვთ – თქვენს არგუმენტებს უნდა დაეთანხმონ. კმაყოფილი და ბედნიერი მხოლოდ მაშინ ხართ, თუ თქვენს ინტელექტუალურ უპირატესობას აღიარებენ. ვარსკვლავები კი გირჩევენ, რომ ამ დღეს კონტაქტები შეზღუდოთ და საქმე მარტომ აკეთოთ.
მორიელი
ვარსკვლავები გირჩევენ, ახალი პასუხისმგებლობებისა და ვალდებულებების არ შეგეშინდეთ – შედეგი მოლოდინს გაამართლებს და თქვენი ცხოვრება გაცილებით უკეთესი გახდება. ეცადეთ, დასვენების დღე სრულყოფილად გამოიყენოთ, ამიტომ ტელეფონი გათიშეთ და ისიამოვნეთ. სასურველია, გაზაფხულის დადგომამდე ოჯახის უფროს წევრებს გეგმური გამოკვლევა ჩაუტაროთ.
მშვილდოსანი
პიროვნული ხიბლისა და დახვეწილი იუმორის წყალობით ამ დღეს ყურადღების ცენტრში მოექცევით. თუ მოინდომებთ, საკუთარი ერუდიციით ნებისმიერ თანამოსაუბრეს გააოცებთ. ეს საშუალებას მოგცემთ, გამოცდები წარმატებით ჩააბაროთ, მოლაპარაკებაზე სასურველი შედეგი მიიღოთ, ახალი პროექტი წარმოადგინოთ და ა.შ. წინ რთული კვირა გელით, ამიტომ ძალების აღსადგენად გირჩევთ, საღამო მარტო გაატაროთ და კარგად გამოიძინოთ.
თხის რქა
განწყობა რომ არ გაიფუჭოთ, ამ დღეს ყველაზე მეტად აგრესიულ და ნეგატიურად განწყობილ ადამიანებს უნდა მოერიდოთ. ვარსკვლავები მნიშვნელოვან შეხვედრას ან მოულოდნელ შემოსავალს გპირდებიან. ჯანმრთელობის მხრივ, გაციების რისკი იზრდება. ძალიან სასარგებლოა საუნა ან ცხელი აბაზანა სამკურნალო მცენარეებით.
მერწყული
როგორც ყოველთვის, გარშემო მყოფებს საკუთარი ბიზნესუნარებით გააოცებთ – რთულ საკითხებს მარტივად უმკლავდებით და მნიშვნელოვან მოლაპარაკებებს წარმატებით ასრულებთ, მაგრამ უნდა გახსოვდეთ, რომ თქვენს პროექტებს უფრო ფრთხილად დამუშავება სჭირდება. ეცადეთ, დრო გამონახოთ, რომ ყველა წვრილმანი თავიდან შეამოწმოთ და შეცდომები თავიდან აიცილოთ.
თევზები
საქმემ, რომელიც უიმედო და განუხორციელებელი გეგონათ, შეიძლება მოგება მოგიტანოთ. ყველაფერი იმაზეა დამოკიდებული, შესაძლებლობას გამოიყენებთ თუ არა. მიწვევაზე უარს ნუ იტყვით – შესაძლოა ნაცნობი ადამიანისგან სამომავლო თანამშრომლობისთვის საინტერესო და ფინანსურად მოგებიანი წინადადება მიიღოთ.
