ვერძი
ეს დღე წარმატებას გპირდებათ. ადამიანებთან საერთო ენას ადვილად პოულობთ და ეს თქვენს სასარგებლოდ უნდა გამოიყენოთ! თუ ვინმესთან გულწრფელ საუბარს ან იდეის შეთავაზებას აპირებთ, ამისთვის უკეთეს დროს ვერ ნახავთ. გახსოვდეთ, რომ საჭირო დროს ნათქვამ სწორ სიტყვებს თქვენი ცხოვრების შეცვლა შეუძლიათ.
კურო
ამ დღეს ნებისმიერ საკითხში სიფრთხილე უნდა გამოიჩინოთ. ყველაზე მარტივ საქმეებშიც კი შეიძლება მოულოდნელი სირთულეები წარმოიშვას, ამიტომ გირჩევთ მნიშვნელოვანი საქმის დაწყებისგან თავი შეიკავოთ ან საქმის მიმდინარეობაზე კონტროლი სხვას დაავალოთ.
ტყუპები
ენერგიით სავსე ხართ და შეგიძლიათ „მთები გადააბრუნოთ“. თუმცა მოუთმენლობა და აჩქარება ხელს გიშლით, რომ დაწყებული საქმე ბოლომდე მიიყვანოთ. ამიტომ ვარსკვლავები გირჩევენ, დღეს მხოლოდ ის აკეთოთ, რაც ნამდვილად მნიშვნელოვანია. მეორეხარისხოვანი საქმეები შეგიძლიათ სამომავლოდ შეინახოთ.
კირჩხიბი
ვარსკვლავები გპირდებიან, რომ თქვენი მდგომარეობა აუცილებლად გაუმჯობესდება! გარდა ამისა, ხელსაყრელი დღეა ახალი ნაცნობობისთვის. გამორიცხული არ არის, რომ მომავალში ეს ურთიერთობა კარიერულ წინსვლასა ან კაპიტალის გაზრდაში დაგეხმარებათ.
ლომი
თქვენი ბედნიერება თქვენ ხელშია! გინდა ბედნიერი და წარმატებული იყოთ? იყავით! – ეს უნდა გახდეს თქვენი სამოქმედო გეგმა. ეს დღე ისეთ თვისებებს გაჩუქებთ, როგორიცაა ნებისყოფა, ორგანიზებულობა და მიზანდასახულობა. ასე რომ, თუ ამბიციური გეგმა გაქვთ, დროა იმოქმედოთ!
ქალწული
ამ დღეს შემოქმედებითი სულისკვეთებით ხართ სავსე. მის წყალობით შეგიძლიათ საკუთარი შესაძლებლობები ნებისმიერ სფეროში გამოავლინოთ. ვარსკვლავები გირჩევენ ყველა მიმართულებით ექსპერიმენტები ჩაატაროთ, ყველაფერი, რაც შესაძლებელია. თქვენი სურათის ჩათვლით.
სასწორი
დღეს პროფესიულ სფეროში ნუ გამოიჩენთ განსაკუთრებულ ინიციატივასა და აქტიურობას, მით უფრო, თუ უთქვენოდ უკვე გადაწყვიტეს რაღაც საკითხი. თქვენი კრიტიკული შენიშვნა მხოლოდ კონფლიქტს გამოიწვევს და უშედეგოდ დამთავრდება. ამიტომ დღე მშვიდად გაატარეთ.
მორიელი
თქვენს ცხოვრებაში ახალი და საინტერესო ეტაპი დგება. ეს შეიძლება ახალ ადამიანებს, გატაცებას, გრძნობებს ან ახალ ადგილების უკავშირდება. ვარსკვლავები გირჩევენ, ოთხ კედელში ჯდომაზე უარი თქვათ და თავგადასავლების საძებნელად გარეთ გახვიდეთ – მრავალფეროვნებაზე და ახალ პერსპექტივაზე უკეთესი რა უნდა იყოს!
მშვილდოსანი
დღეს ნებისმიერ საქმეში, რომელიც ყურადღებას და გულმოდგინებას მოითხოვს, შეცდომებს დაუშვებთ. ვარსკვლავები გირჩევენ, სერიოზული ან რთული საქმე ხვალისთვის გადადოთ და მხოლოდ ის აკეთოთ, რაც ნამდვილად გაინტერესებთ. სხვა საქმეები მაინც მარცხისთვის იქნება განწირული.
თხის რქა
დარწმუნებული ხართ, რომ ყველაფერს სწორად აკეთებთ და უკან დახევას არ აპირებთ. მებრძოლი განწყობის წყალობით ბევრის მიღწევა შეგიძლიათ, მაგრამ ვარსკვლავები გირჩევენ, რომ გარშემო მყოფებთან ურთიერთობას მეტი ყურადღება მიაქციოთ. უნებურად ვინმე რომ არ შეურაცხყოთ, სანამ რამეს იტყვით, ათამდე დაითვალეთ. ეს კონფლიქტების თავიდან აცილებაში დაგეხმარებათ.
მერწყული
ამ დღეს შემოქმედებითი მუხტით ხართ სავსე, რაც ყველაზე მოსაწყენ საქმეებშიც კი დაგეხმარებათ. ყველაფერს, რასაც შეეხებით, კაშკაშა და ნათელი ფერებით ავსებთ. თუმცა ვარსკვლავები გირჩევენ, რომ საკუთარი ემოციები აკონტროლოთ, წინააღმდეგ შემთხვევაში, თქვენი შინაგანი ცეცხლი შეიძლება ხანძარში გადაიზარდოს და გარშემო მყოფებთან კონფლიქტად იქცეს.
თევზები
ამ დღეს სხვადასხვა თემაზე უამრავი კითხვა გიჩნდებათ და ცდილობთ, სასწრაფო პასუხი მოძებნოთ. თუ ამ მოჯადოებულ წრეს თავი არ დააღწიეთ, მთელ დღეს დაკარგავთ. ვარსკვლავები გაფთხილებენ, რომ ყველაფრის ერთდროულად კეთება დროის ფუჭად კარგვას ნიშნავს.
