ვერძი
ეს დღე ენერგიას და მოქმედების სურვილს მოგიტანთ, თუმცა, აჩქარებამ შეიძლება წარუმატებლობა გამოიწვიოს. შესაძლოა, მოსაწყენი სამუშაოს კეთება მოგიწიოთ, მაგრამ მიზნის მისაღწევად ეს მნიშვნელოვანი იქნება. ეცადეთ, ოპონენტის კრიტიკას ზედმეტად მკვეთრად და უხეშად არ უპასუხოთ.
რჩევა: თავდაჯერებულად, მაგრამ გააზრებულად იმოქმედეთ, რომ ემოციებმა გეგმების შეცვლა არ გაიძულოთ.
კურო
თუ მოვლენების დაჩქარებას არ ეცდებით, ეს დღე მშვიდად და სტაბილურად ჩაივლის. უმჯობესია, მთელი ყურადღება მნიშვნელოვან საქმეებზე გადაიტანოთ და წვრილმანებზე დრო არ დაკარგოთ. შესაძლოა, თავში ახალი იდეა მოგივიდეთ, რომელიც შემოსავლის გაზრდაში დაგეხმარებათ. ეცადეთ, არ გადაიღალოთ – უახლოეს დღეებში ენერგია აუცილებლად დაგჭირდებათ.
რჩევა: ეცადეთ, მეტი მოთმინება და თავშეკავება გამოიჩინოთ და საყვარელ ადამიანს გული არ ატკინოთ.
ტყუპები
ამ დღეს მოულოდნელი შეხვედრები და სასიამოვნო საუბრები გელით. თქვენი ახალი იდეები საყოველთაო ინტერესს გამოიწვევს, მაგრამ უსარგებლო ლაპარაკზე დრო არ დახარჯოთ. არ არის გამორიცხული, რომ შემთხვევით ვიღაცის საიდუმლო გაიგოთ, რასაც ბევრი ემოცია და განცდა მოჰყვება.
რჩევა: სჯობს, ახალი ინიციატივები სამომავლოდ გადადოთ და ამ დღეს დაწყებული საქმეები დაასრულოთ.
კირჩხიბი
ემოციურად არამდგრადი დღეა, ამიტომ მნიშვნელოვანია, სიმშვიდე შეინარჩუნოთ. შესაძლოა, მოულოდნელმა სიტუაციამ სწრაფად მოქმედება გაიძულოთ. მთავარია, საკუთარ თავში არ ჩაიკეტოთ და დახმარება ითხოვოთ. შესაძლოა, საპირისპირო სქესის ყურადღება დაიმსახუროთ, მაგრამ ყველა სიტყვას, რომელსაც დღეს მოუსმენთ, არ უნდა დაუჯეროთ.
რჩევა: ეცადეთ, შინაგანი ბალანსი შეინარჩუნოთ და მნიშვნელოვანი გადაწყვეტილება ემოციების გავლენით არ მიიღოთ.
ლომი
ამ დღეს ისეთი თავდაჯერებული ხართ, როგორც არასდროს, მაგრამ ეცადეთ, თქვენი მოსაზრებები სხვებს თავზე არ მოახვიოთ. შესაძლოა, ვინმემ საინტერესო თანამშრომლობა შემოგთავაზოთ — თუ პერსპექტიული საქმეა, უარი არ უნდა თქვათ. საქმიან პარტნიორებთან ურთიერთობა დიდ ენერგიას წაგართმევთ, მზად იყავით სერიოზული კამათისა და დისკუსიისთვის.
რჩევა: ამ დღეს დაუგეგმავ შესყიდვებს უნდა ერიდოთ – შეიძლება ფინანსური პრობლემები შეგექმნათ.
ქალწული
ხელსაყრელი დღეა ჩანაფიქრის განხორციელებისა და მიმდინარე ამოცანების დასრულებისთვის. შესაძლოა, სხვისი შეცდომების გამოსწორება მოგიწიოთ, მაგრამ ამას მარტივად გაუმკლავდებით. მთავარია, წვრილმანებზე დრო არ დაკარგოთ. მიუხედავად იმისა, რომ მუშაობა ბევრ ენერგიას გართმევთ, ეს შესანიშნავი დღეა მეგობრებთან შეხვედრისთვის.
რჩევა: ორგანიზებულობა და დისციპლინა სასურველი შედეგის მიღწევაში დაგეხმარებათ.
სასწორი
გარშემომყოფებთან საერთო ენის გამონახვას მარტივად შეძლებთ, რაც თქვენ წინაშე საინტერესო შესაძლებლობებს გააჩენს. ეს დღე სამუშაოსა და ფინანსებთან დაკავშირებული საკითხების გადაჭრაში დაგეხმარებათ. გირჩევთ, დაპირებებს ბრმად ნუ ენდობით და ფაქტები გადაამოწმეთ.
რჩევა: თუ რამეს შეცვლა გსურთ, ამის შესახებ ხმამაღლა თქვით.
მორიელი
მოვლენებით დატვირთული და რთული დღეა. შესაძლოა, გაუთვალისწინებელმა შემთხვევამ თქვენგან სწრაფი რეაქციის გამოვლენა მოითხოვოს. ინტუიცია დაგეხმარებათ, რომ უსიამოვნებებს თავი აარიდოთ. ეცადეთ, თქვენი ყოველი ნაბიჯი წინასწარ გათვალოთ და დაუფიქრებლად არაფერი თქვათ, რადგან შეიძლება შემთხვევითი ფრაზით უნებურად, ვიღაც შეურაცხყოთ.
რჩევა: ემოციები აკონტროლეთ და წვრილმანებს უფლება არ მისცეთ, რომ განწყობა გაგიფუჭონ.
მშვილდოსანი
ცნობისმოყვარეობა და ოპტიმიზმი დაგეხმარებათ, რომ საჭირო დროს, საჭირო ადგილას აღმოჩნდეთ. მთავარია, ზედმეტად იმპულსურად არ იმოქმედოთ. ამ დღეს ნებისმიერ კამათში გულწრფელობა უნდა გამოიჩინოთ და სიმართლე თქვათ. შეიძლება ეს რთული და უსიამოვნო იყოს, მაგრამ ემოციურ შვებას და სარგებელს სწორედ ეს პოზიცია მოგიტანთ.
რჩევა: ახალი შესაძლებლობებით ისიამოვნეთ, მაგრამ რისკების შეფასება არ დაგავიწყდეთ.
თხის რქა
ეს დღე დაგეგმვის, ფინანსური საკითხების მოგვარებისა და დოკუმენტაციასთან მუშაობისთვის გამოგადგებათ. მთავარია, ზედმეტად არ გადაიტვირთოთ და დროულად შეისვენოთ. სამსახურში შესაძლოა მნიშვნელოვანი ცვლილებები მოხდეს, რის გამოც კიდევ უფრო მეტი პასუხისმგებლობის აღება მოგიწევთ.
რჩევა: კონცენტრირდით პრაქტიკულ ამოცანებზე, მაგრამ საკუთარ თავზეც იზრუნეთ.
მერწყული
ახალი იდეებისა და აღმოჩენებისა დღეა. გამჭრიახობა დაგეხმარებათ, რომ რთული საქმიდან მარტივი და ორიგინალური გამოსავალი მოძებნოთ. ყურადღება მიაქციეთ მინიშნებებს და ყველაფერს, რაც თქვენ გარშემო ხდება. ეცადეთ, მიხვდეთ, რისი მინიშნება სურთ თქვენთვის ვარსკვლავებს.
რჩევა: ენდეთ საკუთარ იდეებს, მაგრამ ეცადეთ, რეალობას მოარგოთ.
თევზები
ემოციურად დატვირთული დღეა. მოულოდნელი სიახლე თქვენს გეგმებს შეცვლის. საქმეს ნუ გაირთულებთ, როდესაც ცხვირწინ იოლი გამოსავალი გაქვთ და სიტუაციის მარტივად მოგვარება შეგიძლიათ.
რჩევა: მოვლენები სწრაფად იცვლება, ამიტომ უახლოეს დღეებში ნურაფერს დაგეგმავთ.
