ვერძი
ამ დღეს შესაძლებლობა გექნებათ, რომ დიდი ხნის ოცნება აისრულოთ. მცირე პრობლემებიც მოსალოდნელია, რომლებიც სწრაფად უნდა მოაგვაროთ. ეს განსაკუთრებით საყოფაცხოვრებო საქმეებს ეხება. შესანიშნავი დღეა იმისთვის, რომ მომავალი კვირის ბიუჯეტი დაგეგმოთ. ვარსკვლავები გირჩევენ, რომ ენას კბილი დააჭიროთ და ჭორიკანა ადამიანებს ერიდოთ.
კურო
მიზნის მისაღწევად მეტი უნდა იაქტიუროთ. პლანეტების ხელსაყრელი განლაგება გეგმების განხორციელებასა და სასურველი შედეგების მიღწევაში დაგეხმარებათ. საქმის დასაწყისი ადვილი იქნება, მაგრამ ნუ მოდუნდებით – მალე სირთულეებიც გაჩნდება. ეცადეთ, საყვარელ ადამიანებს მეტი დრო და ყურადღება დაუთმოთ – მიეცით საშუალება, რომ საკუთარი განცდები გაგიზიარონ.
ტყუპები
თქვენმა იმპულსურმა ქცევამ შეიძლება ახლობელ ადამიანებთან ურთიერთობაში გაუგებრობა და დაპირისპირება გამოიწვიოს. მოვლენები როგორც არ უნდა განვითარდეს, საკუთარ გეგმაზე უარი არ უნდა თქვათ. ეცადეთ, გარშემო მყოფებს დაუმტკიცოთ, რომ კონკურენტების დამარცხება შეგიძლიათ.
კირჩხიბი
სხვების რჩევებს არ ითვალისწინებთ და ჯიუტად ცდილობთ საკუთარი გაიტანოთ. ზოგ შემთხვევაში ეს შეიძლება მოგებიანიც იყოს. შესაძლოა, სახლში ან სამსახურში ცვლილების სურვილი გაგიჩნდეთ, მაგრამ სანამ მოქმედებას დაიწყებთ, მოსალოდნელი შედეგები გაითვალისწინეთ. მზად იყავით, რომ შეხვდებით ადამიანს წარსულიდან და ნოსტალგიურ განწყობაზე დადგებით.
ლომი
დილიდან პოზიტიურ ენერგიას ასხივებთ და გარშემო მყოფებს მაგნიტივით იზიდავთ. სადაც არ უნდა წახვიდეთ, ყველგან სასურველი სტუმარი იქნებით, რაც თვითშეფასებას აგიმაღლებთ. ფრთხილად იყავით – კოლეგამ, რომელსაც თქვენი შურს, შეიძლება მახე დაგიგოთ. გირჩევთ, აურზაურს ცოტა ხნით გაერიდოთ. იპოვეთ წყნარი ადგილი – ამჯერად განმარტოება ყველაზე მეტად გჭირდებათ.
ქალწული
ამბიციურობა დაგეხმარებათ, რომ სამსახურში წარმატებას მიაღწიოთ. თავის დაცვას ნებისმიერ სიტუაციაში ახერხებთ და სხვების აზრს თქვენთვის მნიშვნელობა არ აქვს. ამას შეიძლება როგორც დადებითი, ისე უარყოფითი შედეგები მოჰყვეს. გახსოვდეთ, რაც ბრწყინავს ყველაფერი ოქრო არ არის და არც ყველა შეთავაზებაა მოგებიანი – სანამ წინადადებას დათანხმდებით, კარგად დაფიქრდით და რისკები შეაფასეთ.
სასწორი
როგორც ყოველთვის, მეგობრული და კომუნიკაბელური ხართ, რასაც გარშემო ყველა აღნიშნავს. მეგობრები გენდობიან და თქვენს რჩევებს ითვალისწინებენ. თუ საკუთარი პრობლემების შესახებ ახლობელ ადამიანებს უამბობთ და უარყოფითი ემოციებისგან დაიცლებით, თანაც შეიძლება, ბევრი საინტერესო რჩევა მოისმინოთ.
მორიელი
სხვების ინტერესებს არ ითვალისწინებთ, რამაც შეიძლება პრობლემები შეგიქმნათ, განსაკუთრებით სამსახურში. თუ კოლეგებთან ურთიერთობას არ აღადგენთ, შესაძლოა, მალე სრულიად მარტო დარჩეთ. შესაძლოა, ოჯახური პრობლემების გადასაჭრელად სამუშაოსთვის გამოყოფილი დროის შემცირება დაგჭირდეთ. უცნობ ადამიანებთან ურთიერთობის დროს სიფრთხილე უნდა გამოიჩინოთ, რათა მათი მანიპულაციების მსხვერპლად არ იქცეთ.
მშვილდოსანი
ხელსაყრელი დღეა მოგზაურობისა და ახალი ადგილების მონახულებისთვის. გირჩევთ, თქვენი ინტერესების სფერო გააფართოოთ, საინტერესო ღონისძიებებს დაესწროთ და ახალი ადამიანები გაიცნოთ. მოერიდეთ დაპირისპირებას საყვარელ ადამიანებთან – უმნიშვნელო წყენამაც კი შეიძლება, სერიოზული კონფლიქტი გამოიწვიოს.
თხის რქა
სავარაუდოდ, ამ დღის მოვლენები ვიღაცის ან რაღაცის შესახებ აზრს შეგიცვლით. წყვილებს შორის შეიძლება უსაფუძვლო ეჭვიანობამ იჩინოს თავი, თუმცა ეს დიდხანს არ გაგრძელდება. სიფრთხილე გამოიჩინეთ ფინანსური საკითხების მოგვარებისას და ნაჩქარევ შესყიდვებს ერიდეთ. გაითვალისწინეთ, რომ დღეს მხოლოდ საკუთარი თავის იმედი უნდა გქონდეთ – წარმატებას მხოლოდ მარტო მოქმედების შემთხვევაში მიაღწევთ.
მერწყული
ცდილობთ, აბსოლუტურ სრულყოფილებას მიაღწიოთ და უმნიშვნელო შეფერხებაც კი გაღიზიანებთ. საყვარელ ადამიანებთან გულწრფელი საუბარი განწყობას აგიმაღლებთ. ეცადეთ, მოდუნდეთ და პრობლემების შესახებ დაივიწყოთ. ამ დღეს მნიშვნელოვანი გადაწყვეტილებები არ უნდა მიიღოთ – ხვალ შეიძლება სიტუაციის მიმართ თქვენი დამოკიდებულება შეიცვალოს.
თევზები
ამ დღეს საქმეს ჩვეულზე ადვილად უმკლავდებით, ხოლო თქვენი გადაწყვეტილებები სიმარტივით და ეფექტურობით გამოირჩევა. ეცადეთ, ურთიერთობისას მეტი სიფრთხილე და წინდახედულობა გამოიჩინოთ, რადგან შეიძლება, თქვენმა მახვილგონივრულმა შენიშვნებმა ბევრი პრობლემა შეგიქმნათ.
