გილოცავთ ფაშიზმზე გამარჯვების დღეს! განსაკუთრებით ვულოცავ მეორე მსოფლიო ომის ქართველ ვეტერანებს, რომლებმაც თავისი ბრძოლით და თავდადებით მოიპოვეს კაცობრიობის უსასტიკეს მტერზე გამარჯვება, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

როგორც პაპუაშვილი აღნიშნავს, ქართველი ჯარისკაცების თავდადება მეორე მსოფლიო ომში განუზომელია, ისევე, როგორც თანამედროვე მსოფლიოს არაერთ მისიასა თუ სამხედრო ოპერაციაში.

„საქართველომ უდიდესი მსხვერპლი გაიღო ბოროტის დასაძლევად. ქართველი ჯარისკაცების თავდადება მეორე მსოფლიო ომში განუზომელია, ისევე, როგორც თანამედროვე მსოფლიოს არაერთ მისიასა თუ სამხედრო ოპერაციაში.

მსოფლიო დღესაც დგას უდიდესი გამოწვევების წინაშე. რუსეთის აგრესია უკრაინის წინააღმდეგ კვლავ ახსენებს კაცობრიობას, რომ ომი ყოველთვის სისასტიკისა და დაუნდობლობის, უბედურების მომტანია.

ამიტომაც მშვიდობის შენარჩუნება და ჩვენი მოქალაქეების უსაფრთხოების უზრუნველყოფა ჩვენი მთავარი ამოცანაა.

ჩვენი ვალია, აღარასდროს დავუშვათ ბოროტების ზეიმი, სიკვდილის სიცოცხლეზე გამარჯვება. ფაშიზმზე კაცობრიობის გამარჯვების ამ დღეს მინდა, ვუსურვო ჩვენს ქვეყანას და სრულიად მსოფლიოს მშვიდობა და კიდევ ერთხელ მშვიდობა!“, – წერს პაპუაშვილი.

https://www.facebook.com/photo.php?fbid=999447648853669&set=a.328356269296147&type=3&ref=embed_post

„ვინ არიან აქტორები, რომლებიც წარმოდგენილები არიან ამ ჩანაწერებში? ვის წარმოადგენენ? ეს არის „ნაცმოძრაობა“, დავიწყებული სახელები… ონიანი პირდაპირ არბევდა აქციებს და უსწორდებოდა აქციების მონაწილეებს. მინაშვილზე აღარ ვლაპარაკობ, ერთ-ერთია მგონი, ვინც რეზოლუციას ხელი მოაწერა. მელიასა და გვარამიაზე აღარ მაქვს საუბარი – შეუძლებელია, ეს ადამიანები შეიცვალონ”, – ამის შესახებ გადაცემაში „იმედი LIVE“ „ხალხის ძალის“ ერთ-ერთმა ლიდერმა, დეპუტატმა მიხეილ ყაველაშვილმა განაცხადა.

„ჩვენ გვქონდა ამის შესაძლებლობა 2012 წლის შემდეგ, რაღაც ნაბიჯი გადავდგით, ხელი გავუწოდეთ ამ ძალას, რომ იქნებ გაეაზრებინათ დანაშაულები და ღირსეულად ეღიარებინათ და გაეგრძელებინათ ჯანსაღი პროცესი, მაგრამ დავინახეთ ყოველ წელს მათი ქმედებები. ეს ძალა ერთ დღეში განადგურდება და მოათავებს თავის არსებობას, რომ არა გარედან მათი მხარდაჭერა.

ფაქტებია, როგორ სულდგმულობენ, როგორ აიძულეს პრეზიდენტი, როგორ გამოიყვანეს გვარამია, როგორ წაიყვანეს და დააჯილდოვეს, შემდეგ შემოაბრუნეს. თითქოს ეს ყველაფერი პოლარიზაციის დასრულებისკენ იყო მიმართული და პირდაპირ მთავარი მოქმედი პირი გახდა [გვარამია] აქციებზე.

კიდევ ერთხელ შევახსენებ ახალგაზრდებს და იმ საზოგადოებას, რომელსაც რაღაცნაირად ვერაფრით გავაგებინეთ, რომ არანაირი კავშირი არ აქვს ამ ხელისუფლებას და ჩვენს მისწრაფებებს რუსეთთან, რუსეთისკენ სვლასთან ან აღმოსავლეთისკენ სვლასთან. დამისახელონ ერთი განვითარებული ქვეყანა, სადაც ღამის 3 საათზე აფორმებდნენ ქონებებს, ართმევდნენ ბიზნესებს, შედიოდნენ მედიასაშუალებებში და არბევდნენ ჟურნალისტებს, პირდაპირ ქუჩაში ხოცავდნენ მოქალაქეებს, როგორ ექცეოდნენ პატიმრებს – და ეს ყველაფერი სტრასბურგის სასამართლომ დაამტკიცა როგორც სისტემური დანაშაული ამ ძალის, ამ მმართველობის. არაფერი ხელშესახები არ შეიძლება ჰქონოდა იმ ძალას დემოკრატიულ მმართველობასთან. როგორ შეიძლება კიდევ ავუხსნათ, რომ ეს ადამიანები არ იცვლებიან. საზოგადოება ხედავს, უკვე ყველა ხვდება, რომ ეს ძალა აუცილებლად უნდა გასამართლდეს“, – აღნიშნა ყაველაშვილმა

ეუთოს საპარლამენტო ასამბლეის პრეზიდენტი, პია კაუმა საქართველოს პრემიერ-მინისტრთან, ირაკლი კობახიძესთან შეხვედრას ეხმაურება.

„დღეს საქართველოს პრემიერ-მინისტრთან, ირაკლი კობახიძესთან მქონდა კონსტრუქციული დისკუსია იმ სადავო კანონზე, რომელიც ეხება ორგანიზაციებს, რომლებიც იღებენ დაფინანსებას უცხოეთიდან. მოხარული ვარ, რომ მათ სურთ დიალოგში ჩაერთონ თავიანთ საერთაშორისო პარტნიორებთან, როგორიცაა ეუთოს გენერალური ასამბლეა“, – აღნიშნა პია კაუმამ.

„ხალხის ძალის“ აღმასრულებელი მდივანის, დეპუტატ გურამ მაჭარაშვილის განცხადებით, ყველა მოძალადე ადამიანი, რომელიც იდენტიფიცირებული იქნება ძალადობრივ აქციებში, იმ ვებგვერდზე გამოჩნდება, რომლის შექმნის შესახებაც დღეს პარლამენტის თავმჯდომარის, შალვა პაპუაშვილის მხრიდან დაანონსდა.

გურამ მაჭარაშვილმა ისაუბრა „ქართული ოცნების“ პოლიტსაბჭოს გადაწყვეტილებაზე, რომლის მიხედვითაც, პარტიული სტრუქტურების მეშვეობით შეიქმნება მონაცემთა ბაზა, სადაც თავს მოიყრის ინფორმაცია ყველა იმ პირის შესახებ, რომელიც ძალადობასა და სხვა კანონსაწინააღმდეგო ქმედებებში არის ჩართული.

„არაერთხელ ვთქვით, ძალადობა მიუღებელია ყველა ქვეყანაში, მათ შორის საქართველოში, მაინც მივიღეთ ის, რაც მივიღეთ. ვნახეთ პირდაპირ ძალადობრივი აქციები – ქვების სროლა, ცეცხლის წაკიდება, კარის დანგრევა, შეურაცხყოფა, მათ შორის პოლიციელებზე თავდასხმა და ა.შ. რასაც საერთო არაფერი აქვს მშვიდობიან აქციასთან. ამავდროულად, ქართული საზოგადოებისთვის შეურაცხმყოფლად ატყუებენ ხალხს რადიკალური ოპოზიციის წარმომადგენლები და ამტკიცებენ, რომ აქციები მშვიდობიანია. ამიტომ, ყველა ის მოძალადე ადამიანი, რომელიც იდენტიფიცირებული იქნება ძალადობრივ აქციებში, გამოჩნდება იმ ვებგვერდზე, რაც ყველაზე მთავარია, თავისი მტკიცებულებების დართვით. შესაბამისად, ამ ვებგვერდიდან ქართული საზოგადოება გაიგებს, ვინ ძალადობს საქართველოზე და მის სუვერენიტეტზე, ვინ ემხრობა უცხოურ ძალას, რომელსაც ამ ქვეყნის სუვერენიტეტის შეზღუდვა სურს“, – განაცხადა გურამ მაჭარაშვილმა.