ვერძი: თქვენმა იუმორმა ან ირონიამ შესაძლოა ახლობელი ადამიანი გაანაწყენოს და ურთიერთობა გააფუჭოს. ეცადეთ, იყოთ უფრო რბილი და დამთმობი საუბრებში. ​

კურო: დღე სავსეა საინტერესო შეხვედრებით და დისკუსიებით. შეინარჩუნეთ ხალისიანი განწყობა და შედეგები გაგახარებთ. 

ტყუპები: დღეს შესაძლოა გაგიჭირდეთ გადაწყვეტილებების მიღება. მოერიდეთ სიტუაციის დრამატიზებას და საჭიროების შემთხვევაში მიმართეთ რჩევისთვის საყვარელ ადამიანებს.

კირჩხიბი: იღბლიანი დღეა, შესაძლოა თქვენი ოცნებები ახდეს. აირჩიეთ ის სამუშაო, რომელსაც აქამდე ვერ აკეთებდით და იმოქმედეთ. ​

ლომი: ნუ მიაქცევთ ყურადღებას გარშემო მყოფების მოსაზრებებს. იმოქმედეთ ისე, როგორც საჭიროდ ჩათვლით. ​

ქალწული: თქვენი უნარი მოლაპარაკებებისა და საერთო გადაწყვეტილებების მოსაძებნად მაღალ დონეზეა. გამოიყენეთ ეს დრო თქვენი ძირითადი ამოცანების გადასაჭრელად. ​

სასწორი: მოერიდეთ ფულის ხარჯვას და სასიყვარულო თავგადასავლებს. არ გადაიღალოთ ფიზიკურად ან ემოციურად. ​

მორიელი: ენერგიის მაღალი დონე რთული პრობლემების გადაჭრის საშუალებას მოგცემთ. იყავით მიზანმიმართული და არ დანებდეთ. ​

მშვილდოსანი: კარგი დღეა ცვლილებებისთვის. გააუმჯობესეთ დამოკიდებულება საქმიან და სასიყვარულო პარტნიორებთან. 

თხის რქა: დღეს ახალ მეგობრებს გაიჩენთ. ზოგიერთ საკითხზე შეგეცვლებათ წარმოდგენა, მაგრამ ამის გამო გარშემო მყოფებთან კამათი არ ღირს. ​

მერწყული: გააუმჯობესეთ დამოკიდებულება ნათესავებთან. კარგი დღეა ბინის კეთილმოსაწყობად და ინტერიერის შესაცვლელად. 

თევზები: მეტად დაისვენეთ. გულთან ახლოს ნუ მიიტანთ თქვენ გარშემო მომხდარ უსიამოვნებებს.

ჩვენ მცირე დროში მოგვიწია კონსულტაციების გავლა კანდიდატურის შერჩევასთან დაკავშირებით და ვფიქრობთ, რომ წარმოგიდგენთ ძალიან ღირსეულ კანდიდატს, ბატონ სულხან თამაზაშვილს, – ამის შესახებ პრემიერ – მინისტრმა ირაკლი კობახიძემ აჭარის ავტონომიური რესპუბლიკის მთავრობის ახალი თავმჯდომარის კანდიდატის წარდგენისას განაცხადა.

კობახიძემ მადლობა გადაუხადა თორნიკე რიჟვაძეს გაწეული სამსახურისთვის.

„პირველ რიგში, მე მინდა, მადლობა გადავუხადო ბატონ თორნიკე რიჟვაძეს – შვიდი წლის განმავლობაში ის ემსახურებოდა აჭარის ავტონომიურ რესპუბლიკას, ამ უმნიშვნელოვანეს მხარეს ჩვენი ქვეყნის და ძალიან ბევრი რამ გაკეთდა აჭარისთვის გასული წლების განმავლობაში. განხორციელდა უმნიშვნელოვანესი პროექტები, პროგრამები იმისთვის, რომ განვითარდეს ეს უმნიშვნელოვანესი და ულამაზესი მხარე ჩვენი ქვეყნის და, რა თქმა უნდა, ამ საქმეს სჭირდება ძალიან ღირსეული გაგრძელება.

მე მინდა, მადლობა გადავუხადო ბატონ პრეზიდენტს. ჩვენ მცირე დროში მოგვიწია კონსულტაციების გავლა კანდიდატურის შერჩევასთან დაკავშირებით და ვფიქრობთ, რომ წარმოგიდგენთ ძალიან ღირსეულ კანდიდატს, ბატონ სულხან თამაზაშვილს, რომელსაც მრავალი წლის განმავლობაში აქვს საქმიანობა განხორციელებული ძალიან მნიშვნელოვან სტრუქტურაში – შინაგან საქმეთა სამინისტროში, წლების მანძილზე ძალიან ღირსეულად ემსახურებოდა ჩვენს სახელმწიფოს, ჩვენს ქვეყანას. ის არის აჭარელი, აჭარაში დაბადებული და გაზრდილი და, რა თქმა უნდა, ძალიან მნიშვნელოვანი იქნება მისი საქმიანობა აჭარის ავტონომიური რესპუბლიკის მთავრობის თავმჯდომარის თანამდებობაზე. მას აქვს ყველა თვისება, მას აქვს გამოცდილება, სათანადო უნარ-ჩვევები იმისათვის, რომ სათანადოდ წარმართოს ის საქმიანობა, რომელიც დაკავშირებულია აჭარის ავტონომიური რესპუბლიკის განვითარებასთან.

ჩვენს წინაშე არის ძალიან ბევრი გამოწვევა და, დარწმუნებული ვარ, რომ ამ გამოწვევებს საუკეთესოდ გაართმევს თავს ბატონი სულხან თამაზაშვილი. მას მინდა ვუსურვო ძალიან დიდი წარმატებები მთავრობის თავმჯდომარის თანამდებობაზე”, – განაცხადა ირაკლი კობახიძემ.

გარემოს ეროვნული სააგენტოს ინფორმაციით, 5-7 აპრილს საქართველოს ზოგიერთ რაიონში ხანმოკლე წვიმა და ელჭექია მოსალოდნელი.

გარემოს ეროვნული სააგენტოს ცნობით, თბილისში შესაძლოა ხანმოკლე წვიმა აღინიშნოს ელჭექით, ჰაერის ტემპერატურა კი დღისით +20, +22 გრადუსი დაფიქსირდება.

„სანაპირო რაიონებში (ბათუმი, ქობულეთი, ანაკლია, ფოთი): ზოგან გაწვიმდება. ჰაერის ტემპერატურა დღისით +20, +22 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) ზოგან გაწვიმდება. ჰაერის ტემპერატურა დღისით +21, +23 გრადუსი დაფიქსირდება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან გაწვიმდება. ჰაერის ტემპერატურა დღისით +20, +22 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): ზოგან გაწვიმდება. ჰაერის ტემპერატურა დღისით +12, +14 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +22, +24 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +21, +23 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +15, +20 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +8, +13 გრადუსი დაფიქსირდება“, – აღნიშნულია ინფორმაციაში.

სრული პასუხისმგებლობით ვაცხადებ, არანაირი პანიკის საფუძველი არ არსებობს, რადგან აფლატოქსინ M1-ის რაოდენობა კრიტიკული არ არის, რაც დაადასტურეს ჩვენმა წამყვანმა მედიკოსებმა, – განაცხადა „დღის ქრონიკაში“ სურსათის ეროვნული სააგენტოს უფროსმა, ზურაბ ჩეკურაშვილმა.

„ჩვენ, 2016 წლამდე გვქონდა ძველი კანონმდებლობა, მაგრამ მას შემდეგ, რაც ჩვენ გავხდით ასოცირების წევრი და DCFTA-ის ხელშეკრულებას მოვაწერეთ ხელი, ავიღეთ მსოფლიოში არსებული აფლატოქსინ M1-ის უმაღლესი სტანდარტი 0, 05, 0,5-ის მაგივრად. ეს არის ყველაზე მკაცრი სტანდარტი, რაც შეიძლება იყოს მსოფლიოში“, – აღნიშნა ჩეკურაშვილმა.

თბილისის საბავშვო ბაგა-ბაღების სააგენტო განცხადებას ავრცელებს.

როგორც განცხადებაშია აღნიშნული, თბილისის საბავშვო ბაგა-ბაღებისთვის მიწოდებული რძე და რძის პროდუქტები სრულად შეესაბამება სახელმწიფოს მიერ დადგენილ ყველა სტანდარტს.

„საზოგადოების მაღალი ინტერესის გათვალისწინებით, გვინდა, გაცნობოთ, რომ რძე და რძის პროდუქტები, რომელიც მიეწოდება თბილისის საბავშვო ბაგა-ბაღებს, სრულად შეესაბამება სახელმწიფოს მიერ დადგენილ ყველა სტანდარტს.

თბილისის საბავშვო ბაგა-ბაღებში, პროდუქტის მიწოდებიდან მომზადების ჩათვლით, კვების პროცესის სრული კონტროლი სისტემატურად ხორციელდება.

თბილისის საბავშვო ბაგა-ბაღების მართვის სააგენტო ხელმძღვანელობს იმ ტექნიკური დადგენილებებითა და რეგულაციებით, რაც სახელმწიფო სტანდარტებით არის განსაზღვრული. ბაღებში 60-მდე სახეობის საკვები პროდუქტი შედის და ყველა ტექნიკური მოთხოვნა, რაც ვრცელდება საბავშვო ბაღებზე, თითოეული დაწესებულების მიერ არის ზედმიწევნით დაცული“, – აღნიშნულია განცხადებაში.

რძის პროდუქტების შემოწმების შედეგები შეგიძლიათ, იხილოთ ბმულზე.

,,მიაჩნია, რომ ქველმოქმედება არ უნდა ხმაურდებოდეს“, უყვარს ბავშვები და როცა ბავშვებსა და შეჭირვებულებს ეხმარება, ჩრდილში დგომა. ეს პატარა სამადლობელი პუბლიკაციაც ისე ქვეყნდება, რომ საქმის კურსში არ არის, რადგან ყველამ იცის, რომ ქალბატონ მანანა გოგლიჩიძეს საკუთარ თავზე აღმატებულად საუბარი არ უყვარს.

საქართველოს მოდის და დიზაინის ასოციაციის დირექტორი, ,, აჭარა ფეშენ ვიკის დამფუძნებელი , ქალბატონი მანანა გოგლიჩიძე უკვე რამდენიმე ათეული წელია , უანგაროდ უდგას გვერდით შშმ ბავშვებს, გაჭირვებულებ ოჯახებს და ამის სააშკარაოზე გამოტანის კატეგორიული წინააღმდეგია.

პროფესიით დეფექტოლოგი, ბიზნესში წასვალმდე, ისედაც ადამიანების სამსახურში იყო. შემდგომ ოჯახურმა ბიზნესმა საშუალება მისცა, რომ შეზღუდული უნარების მქონე ბავშვებისთვის განსაკუთრებული თანადგომა გამოეხატა.

” ნიჭიერი შშმ ბავშვების ნახატების გამოფენას როცა ვაწყობ, ეს ყველაზე ღირებულ საქმედ მიმაჩნია“-ამბობს პირადი საუბრისას.

გოგლიჩიძეების ოჯახმა უამრავ ხელოვანს გაუწოდა დახმარების ხელი, ხოლო მისი უფროსი ვაჟის, დავით გოგლიჩის ინიციატივით,, საქართველოს ეროვნული სამოსის დღე დაარსდა. აფხაზეთის ომის შემდეგ, სრული კატასტროფა რომ იყო საქართველოში, მისმა მეუღლემ უამრავი ბავშვი გადაარჩინა სიკვდილს, უამრავი მოხუცი – შიმშილს, ეკლესია, სკოლა და ბაღი – დახურვას.

როდესაც ქალბატონ მანანას ეკითხები, რა არის ქალისთვის ბედნიერება? ის ასე გვპასუხობს: გვერდით გყავდეს ისეთი ადამიანი, ვინც გიყვარს , მისგან გყავდეს უსაყვარლესი შვილები და მერე შვილიშვილები. და რაც მთავარია, ფულით და სიმდიდრით არა მხოლოდ საკუთარ თავს, არამედ სხვებსაც მიანიჭო სიხარული! ფული, კარგი ცხოვრება, სიმდიდრე – ეს საჭიროა, რომ შედგე. ბედნიერება არის სიყვარული. ადამიანების სიყვარული და მადლობა უფალს, რომ ადამიანების ცოტათი მაინც გაბედნიერების შანსი მომცა.

პ.ს. ჩვენ კი, პროექტის, ,,ერთად დავამარცხოთ აუტიზმის“ საზოგადოებრივი გაერთიანება, მშობელთა ჯგუფი და უფლებადამცველი მადლობას მოვახსენებთ ამ უდიდეს მეცენატ ქალბატონს, გვერდში დგომისა და მხარდაჭერისათვის. წარმატებებს და ჯანმრთელობას ვუსურვებთ მას!

“ერთად დავამარცხოთ აუტიზმის” დამფუძნებლები