სერბეთის პრეზიდენტმა ალექსანდარ ვუჩიჩმა პარლამენტი დაითხოვა და ქვეყანაში ვადამდელი საპარლამენტო არჩევნები 25 ოქტომბერს დანიშნა.

შესაბამის განკარგულებას ვუჩიჩმა დღეს მოაწერა ხელი.

სერბეთის პრეზიდენტმა გადაწყვეტილება მთავრობის 7 სექტემბრის შეთავაზების საფუძველზე მიიღო. სერბეთის პარლამენტის მორიგი არჩევნები 2027 წლის დეკემბერში იყო დაგეგმილი, თუმცა ხელისუფლებამ მათი ვადაზე ადრე ჩატარების გადაწყვეტილება მიიღო.

 მანამდე, 5 სექტემბერს სერბეთის მმართველი „პროგრესული პარტიის“ (SNS) საბჭომ ქვეყნის მოქმედი პრეზიდენტი ალექსანდრ ვუჩიჩი პარტიის საარჩევნო სიის პირველ ნომრად და პრემიერ-მინისტრობის კანდიდატად დაასახელა.

ცნობისთვის, ერთ წელზე მეტია, რაც სერბეთში ანტიკორუფციული საპროტესტო აქციები იმართება. 2024 წლის ნოემბერში ქალაქ ნოვი-სადის რკინიგზის სადგურზე ახლად გარემონტებული ბეტონის კონსტრუქცია ჩამოინგრა, რასაც 16 ადამიანი ემსხვერპლა. მოქალაქეები ტრაგედიის გამომწვევ მიზეზად ქვეყანაში არსებულ კორუფციასა და ნეპოტიზმს ასახელებდნენ და ხელისუფლების გადადგომას მოითხოვდნენ.