რუსული მედიის თანახმად, ქალაქ ნიჟნეკამსკში განხორციელებული თავდასხმის შედეგად კიდევ 12 ადამიანი დაშავდა. ერთი დრონი ხეს შეეჯახა და აფეთქებისას ახლომდებარე მანქანა დააზიანა, რომელშიც ორი ადამიანი დაიღუპა. თავდასხმის შედეგად საცხოვრებელი კორპუსიც დაზიანდა, რის შედეგადაც ოთხი ადამიანი დაშავდა. ხანძარი სამრეწველო ობიექტში გაჩნდა.

პარალელურად, უკრაინული მედია წერს, რომ დრონებმა ნიჟნეკამსკის  ინდუსტრიულ ზონას შეუტიეს, სადაც რუსებს დიდი ნავთობგადამამუშავებელი ქარხნები აქვთ.

რუსული მედიის თანახმად, უკრაინის შეიარაღებული ძალების თავდასხმების საპასუხოდ რუსეთის არმია ურტყამს გადაწყვეტილების მიღების ცენტრებს, სამხედრო-სამრეწველო კომპლექსის ობიექტებს, საწარმოებსა და საწყობებს, რომლებსაც უკრაინელი სამხედრო მოსამსახურეები ნატო-ს სპეციალისტებთან ერთად იყენებენ.