სოციალურ ქსელებში კვლავ გავრცელდა ფრანგი ისტორიკოსისა და დემოგრაფის ემანუელ ტოდის განცხადებები, თუმცა ეს ახალი ინტერვიუ არ არის — ტექსტი 2025 წლის აპრილში ბუდაპეშტში მის მიერ წაკითხული ლექციის სრული ჩანაწერია.

 ტოდი ამტკიცებს, რომ აშშ-მ უკრაინის ომში დასავლეთის „მარცხი გააცნობიერა“, მაშინ როცა ევროპული მთავრობები, მისი შეფასებით, ჯერ კიდევ ცდილობენ ომის გაგრძელებას და ვერ აცნობიერებენ ვითარებას. თავად ტოდი ხაზგასმით ამბობს, რომ ეს მისი ანალიზია და არა დადასტურებული სამხედრო ფაქტი.

 რუსეთის შემდგომ მიზნებზე საუბრისას ტოდი პირდაპირ აღნიშნავს, რომ ოდესის ოლქის აღებას რუსეთის უსაფრთხოების სავარაუდო მიზნად მიიჩნევს და ფიქრობს, რომ ამის შემდეგ მოსკოვი ომს შეწყვეტს. იგი თავადვე უწოდებს ამას „წმინდა ლოგიკურ და სპეკულაციურ“ პროგნოზს და ამბობს, რომ შეიძლება შეცდეს.

 ტოდი ასევე უარყოფს მოსაზრებას, რომ რუსეთი ევროპის დაპყრობას გეგმავს: მისი არგუმენტია, რომ დაახლოებით 145-მილიონიანი მოსახლეობისა და 17 მილიონი კვ.კმ ტერიტორიის მქონე რუსეთს ევროპის შემდგომი გაფართოების არც საჭიროება და არც შესაძლებლობა აქვს.

 წყარო: