15.07.2026 14:26
რუსი ტურისტი წყვილი სტამბოლში პოლიციამ იმის გამო დააკავა, რომ მათ აია სოფიას მეჩეთში ბიბლიის წაკითხვა სცადეს. ამის შესახებ „მედუზა" იუწყება.
დაკავებულები, 35 წლის ვიქტორია ფ. და 32 წლის იგორ ფ. თურქეთში დასასვენებლად მოსკოვიდან ჩავიდნენ. ისინი აია სოფიაში მივიდნენ, რომელიც სტამბოლის ერთ-ერთი ღირსშესანიშნაობაა. იქ იგორმა ბიბლია ამოიღო და მისი წაკითხვა დაიწყო.
ამ დროს წყვილს უსაფრთხოების თანამშრომლებმა ალყა შემოარტყეს და ისინი ფათაჰის რაიონში პოლიციის განყოფილებაში წაიყვანეს. დაკავების ოქმში წერია, რომ რუსი ტურისტები „სიძულვილის და მოსახლეობას შორის მტრობის გაღვივებაში" არიან ეჭვმიტანილები.
საბოლოო ჯამში რუსი ტურისტ წყვილს სასტუმროში დაბრუნების უფლება არ მისცეს და ისინი უცხოელების სადეპორტაციო ცენტრში გადაიყვანეს.
„მე და მეუღლე ერთმანეთს დაგვაშორეს. დიდი ხანია არ გვიჭამია და თავს ცუდად ვგრძნობთ", - ამბობს იგორი.
წმინდა სოფიას ტაძარი ბიზანტიის იმპერატორის, იუსტინიან პირველის განკარგულებით 537 წელს ააშენეს, კონსტანტინოპოლის დაცემის შემდეგ ტაძარი მეჩეთად გადაკეთდა. 1930-იანი წლებიდან აია სოფია მუზეუმი გახდა, მაგრამ 2020 წელს მას მეჩეთის სტატუსი დაუბრუნეს. იქ რელიგიური მსახურება განახლდა.
ავტორ(ებ)ი :
ელჩები შეთანხმდნენ, რომ რუსეთის ნავთობზე დაწესებული ფასის ზედა ზღვარი 23 ივლისამდე უცვლელი დარჩება და ბარელზე 44.10 დოლარი იქნება. ამ დროის განმავლობაში სანქციების 21-ე პაკეტზე მოლაპარაკებები გაგრძელდება.
ივლისი 15 , 2026
„ვამაყობ ყველაფრით, რაც ერთად მივაღწიეთ და ვამაყობ თითოეული თქვენგანით. ჩემს მემკვიდრეს და თითოეულ თქვენგანს სრულ მხარდაჭერას გამოვუცხადებ
ივლისი 15 , 2026
დიდი მოაზროვნეები სხვადასხვა ეროვნული/ეთნიკური წარმოშობის ადამიანთა თანასწორობაში ახალი ეპოქის დადგომას დაუღალავად წინასწარმეტყველებდნენ. მოდით, დასკვნა გავაკეთოთ: რა დარჩა მათი პროგნოზებიდან? იმ მულტიკულტურალიზმიდან, რომელიც ნახევარი საუკუნის წინათ სამოქალაქო უფლებებისათვის მოძრაობით დაიბადა?
ივლისი 15 , 2026
„ჩვენ წელიწადში 10 მილიონ დრონს ვაწარმოებთ და ეს გახდება 20 მილიონი"
ივლისი 15 , 2026
