10.08.2026 14:32
ყაზახეთი ნავთობის ექსპორტისთვის დამატებით მარშრუტებად განიხილავს ბაქო-თბილისი-ჯეიჰანის, ბაქო-სუფსის მარშრუტებს და კასპიის ზღვის გავლით აზერბაიჯანის ტერიტორიაზე ტრანზიტს. ამის შესახებ ყაზახეთის ენერგეტიკის სამინისტროში სააგენტო „ინტერფაქს-ყაზახეთს" განუცხადეს.
სამინისტროში აღნიშნეს, რომ „კასპიის მილსადენის კონსორციუმის" არასტაბილური მუშაობის ფონზე ყაზახეთი ნავთობის ექსპორტის დამატებით მიმართულებებად განიხილავს ბაქო-თბილისი-ჯეიჰანის, ბაქო-სუფსის მარშრუტებსა და კასპიის ზღვის გავლით აზერბაიჯანის ტერიტორიაზე ტრანზიტს.
აღსანიშნავია, რომ ყაზახეთის ეროვნულმა ნავთობისა და გაზის კომპანიამ, „ყაზმუნაიგაზმა" 2026 წელს ბაქო-თბილისი-ჯეიჰანის ნავთობსადენით ნავთობის ექსპორტის 2025 წელთან შედარებით 31%-ით გაზრდა დაგეგმა, 1,7 მილიონ ტონამდე.
2026 წლის იანვარ-ივნისში აქთაუს პორტის გავლით, ბაქო-თბილისი-ჯეიჰანის ნავთობსადენის მიმართულებით ყაზახური ნავთობის გადაზიდვის მოცულობამ 704 ათასი ტონა შეადგინა. ნავთობსადენის სიგრძე 1 768 კილომეტრია, ხოლო მისი გამტარუნარიანობა წელიწადში 50 მილიონ ტონაზე მეტ ნავთობს შეადგენს. პროექტის აქციონერები არიან: SOCAR - 32,97%, ბრიტანული BP plc - 30,1%, უნგრული MOL - 8,9%, თურქული TPAO - 6,53%, იტალიური Eni და ფრანგული TotalEnergies - თითოეული 5%, იაპონური Itochu - 3,4%, ინდური ONGC Videsh- 3,1%, ამერიკული ExxonMobil და იაპონური INPEX - თითოეული 2,5%.
ავტორ(ებ)ი :
აშშ დოლარის ოფიციალური ღირებულება 2.6198 ლარი გახდა.
აგვისტო 10 , 2026
როგორც მინისტრის მოადგილე ამბობს, 2026 წლის გაზაფხულზე, ბაქოში, საქართველოსა და აზერბაიჯანს შორის რამდენიმე სტრატეგიული მნიშვნელობის ხელშეკრულებას მოეწერა ხელი.
აგვისტო 10 , 2026
აღსანიშნავია, რომ ყაზახეთის ეროვნულმა ნავთობისა და გაზის კომპანიამ, „ყაზმუნაიგაზმა" 2026 წელს ბაქო-თბილისი-ჯეიჰანის ნავთობსადენით ნავთობის ექსპორტის 2025 წელთან შედარებით 31%-ით გაზრდა დაგეგმა, 1,7 მილიონ ტონამდე.
აგვისტო 10 , 2026
მთავრობის მეთაურის თქმით, პერსპექტივის ცვლილება სტაბილურიდან დადებითისკენ გამოწვეულია იმ ტენდენციებით, რაც არის ჩამოყალიბებული ქართულ ეკონომიკაში.
აგვისტო 08 , 2026
