07.07.2026 13:07
„ქართულ ოცნებას" ანაკლიის პორტის მშენებლობის უნარი არ აქვს, ბოლო წლების განმავლობაში სამჯერ შეიცვალეს სტრატეგიული მიმართულება, - ამის შესახებ პარტია „გახარია საქართველოსთვის" წევრმა, დეპუტატმა გიგა ფარულავამ განაცხადა.
მისივე თქმით, ანაკლიის პორტი ქვეყნისთვის სტრატეგიული მნიშვნელობის ობიექტია და აუცილებლად უნდა აშენდეს.
„ანაკლიის პორტთან დაკავშირებით რაც გუშინ ვნახეთ, ეს იყო „ქართული ოცნების" მორიგი ჩავარდნა და ეს მათი ჩავარდნა გადაატარეს ეკონომიკის მინისტრის კისერზე. არცერთი მაღალი რანგის თანამდებობის პირი, მათ შორის პრემიერ-მინისტრი, არ გამოსულა და ამ პროექტთან დაკავშირებით განცხადება არ გაუკეთებია. ჩვენ კიდევ ერთხელ ვამბობთ, რომ ანაკლიის პორტი მნიშვნელოვანია ჩვენი ქვეყნისთვის, სტრატეგიული ობიექტია და აუცილებლად უნდა მოხდეს ამ პროექტის მშენებლობა, თუმცა „ქართულ ოცნებას" ამის უნარი არ აქვს. ბოლო წლების განმავლობაში სამჯერ შეიცვალეს სტრატეგიული მიმართულება. ეს კიდევ ერთხელ მეტყველებს, რომ მათ არ აქვთ უნარი და შესაძლებლობა, ქვეყნისთვის მნიშვნელოვანი სტრატეგიული ობიექტი სტრატეგიული გეგმარებით განახორციელონ", - აღნიშნა ფარულავამ.
საქართველოს ეკონომიკისა და მდგრადი განვითარების მინისტრმა, მარიამ ქვრივიშვილმა განაცხადა, რომ მთავრობამ მიიღო გადაწყვეტილება, ანაკლიის ნავსადგური ააშენოს „ლენდლორდის" მოდელით, რომლის ფარგლებშიც სახელმწიფო დარჩება ძირითადი საზღვაო და საპორტო ინფრასტრუქტურის მესაკუთრედ. მისივე თქმით, ანაკლიის ნავსადგური იქნება ქართული პორტი, საერთაშორისო კომპანიები ჩაერთვებიან უშუალოდ სატერმინალო ინფრასტრუქტურის მართვაში, რასაც არავითარი კავშირი არ აქვს მფლობელობასთან.
ავტორ(ებ)ი :
"შეიძლება, სააკაშვილი გააჩუმოთ ან მოკლათ კიდეც, რაც უკვე ერთხელ თითქმის გამოგივიდათ, მაგრამ ჩემს ერთხელ გამოშვებულ ჯინს უკვე ვერაფერს უზამთ. განსხვავებით ზვიადისგან, მე დიდი დაბრკოლებებით, მაგრამ მაინც დამცალდა საქართველოს წარმატების ისტორიული პრეცედენტის შექმნა".
ივლისი 07 , 2026
წესდების მიხედვით, ჩვენი პარტიის თავმჯდომარეც, გენერალური მდივანიც და ხელმძღვანელობაც ვადის ამოწურვის შემდეგ აგრძელებენ უფლებამოსილებას, ვიდრე ტარდება პარტიის ყრილობა. უახლოეს მომავალში აუცილებლად ჩატარდება პარტიის ყრილობა.
ივლისი 07 , 2026
მისივე თქმით, ანაკლიის პორტი ქვეყნისთვის სტრატეგიული მნიშვნელობის ობიექტია და აუცილებლად უნდა აშენდეს.
ივლისი 07 , 2026
ახლა ჩვენ ხელთ გვაქვს საპატრიარქოს მიერ გასაჯაროებული ინფორმაცია და ასევე ევროპარლამენტის რეზოლუცია, რომელთა შორისაც პირდაპირი კორელაციაა, რადგან კიდევ ერთხელ ნათლად იკვეთება, თუ რატომ არის ქართული ეკლესია ევრობიუროკრატიის სისტემური და სისტემატური შეტევის ადრესატი, - ამის შესახებ პარტია „ერთიანი ნეიტრალური საქართველოს" განცხადებაშია აღნიშნული.
ივლისი 07 , 2026
