Home Blog

“ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?!”

ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?! , – ამის შესახებ პარლამენტის ვიცე-სპიკერი ნინო წილოსანი სოციალურ ქსელში წერს.

წილოსანის თქმით, უკვე ერთი კვირაა ოპოზიცია და მათი აქტივისტები ზიზღს ავლენენ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო.

„ოპოზიციის ლიდერებს და მათ რუპორ აქტივისტებს მივმართავ!
საკუთარი ხალხის მიმართ ამხელა ზიზღს როგორ იტევთ?!
უკვე ერთი კვირაა თვალს ვადევნებთ რამხელა აგრესიას და ზიზღს ავლენთ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო. რამ შეგაძულათ ასე საკუთარი მოსახლეობა? რამ შეგაშინათ ასე საკუთარი ხალხის?
დღეს, თქვენგან განსხვავებით, მშვიდობიანი მიზნით შეიკრიბება უამრავი ადამიანი! მიუხედავად იმისა, რომ ქართველი ერის წინაშე უდიდესი დანაშაული მიგიძღვით და ამ ადამიანების დიდი ნაწილი სრულ ტერორში გყავდათ თქვენი მმართველობის დროს, ჩვენ მაინც ცივილიზებულად მოგექცევით და თქვენსავით კაციჭამიები არასდროს გავხდებით!“ – წერს წილოსანი.

18 სექტემბრის ასტროლოგიური 

ვერ­ძი

ახა­ლი პრო­ექ­ტე­ბის და­წყე­ბა ან მნიშ­ვნე­ლო­ვა­ნი გა­და­წყვე­ტი­ლე­ბე­ბის მი­ღე­ბა არ არის რე­კო­მენ­დე­ბუ­ლი. უმ­ჯო­ბე­სია ყუ­რა­დღე­ბა გა­ა­მახ­ვი­ლოთ უკვე და­წყე­ბულ, მაგ­რამ რა­ი­მე მი­ზე­ზით შე­ჩე­რე­ბულ პრო­ექ­ტებ­ზე.

კურო

ფულ­თან სიფრ­თხი­ლე ყო­ველ­თვის მნიშ­ვნე­ლო­ვა­ნია, მაგ­რამ გან­სა­კუთ­რე­ბით დღეს: სა­ყიდ­ლებ­ზე წა­სუ­ლი შე­იძ­ლე­ბა გა­ერ­თოთ და იმა­ზე მეტი და­ხარ­ჯოთ, ვიდ­რე შე­გიძ­ლი­ათ, რა­საც მოგ­ვი­ა­ნე­ბით ინა­ნებთ.

ტყუ­პი

უმ­ჯო­ბე­სია თავი აა­რი­დოთ აქ­ტი­ურ აქ­ტი­ვო­ბებს – რაც არ უნდა ეცა­დოთ, ისი­ნი კარგ შე­დე­გებს არ მო­გი­ტანთ. ამი­ტომ, სა­სურ­ვე­ლია დღე მშვი­დად გა­ა­ტა­როთ და ენერ­გია მო­ზო­მი­ლად და­ხარ­ჯოთ.

კირჩხი­ბი

ჭო­რე­ბი და ინ­ტრი­გე­ბი მკაც­რად აკ­რძა­ლუ­ლია: ისი­ნი არა მხო­ლოდ ხელს შე­უშ­ლი­ან თქვენს ბიზ­ნესს, არა­მედ და­ძა­ბულ ატ­მოს­ფე­როს შექ­მნი­ან კო­ლე­გებ­თან და საყ­ვა­რელ ადა­მი­ა­ნებ­თან ურ­თი­ერ­თო­ბა­ში.

ლომი

მნიშ­ვნე­ლო­ვა­ნია, ყუ­რა­დღე­ბით აკონ­ტრო­ლოთ არა მხო­ლოდ თქვე­ნი ქმე­დე­ბე­ბი, არა­მედ თქვე­ნი სი­ტყვე­ბიც – შე­საძ­ლოა ისე­თი რამე თქვათ, რაც თქვენს ურ­თი­ერ­თო­ბა­ზე უარ­ყო­ფი­თად იმოქ­მე­დებს.

ქალ­წუ­ლი

უეც­რად წარ­მო­შო­ბი­ლი კა­მა­თი შე­იძ­ლე­ბა სე­რი­ო­ზულ და ხან­გრძლივ კონ­ფლიქ­ტში გა­და­ი­ზარ­დოს, რომ­ლის თა­ვი­დან აცი­ლე­ბაც სხვებ­თან კონ­ტაქ­ტის მი­ნი­მუ­მამ­დე დაყ­ვა­ნით უნდა მოხ­დეს.

სას­წო­რი

შე­საძ­ლოა, ნა­ხე­ვარ გა­ნაკ­ვეთ­ზე სამ­სა­ხუ­რის შე­თა­ვა­ზე­ბა მი­ი­ღოთ, რო­მე­ლიც, მიმ­ზიდ­ვე­ლო­ბის მი­უ­ხე­და­ვად, და­სა­ფიქ­რე­ბე­ლია, დრო­თა გან­მავ­ლო­ბა­ში აღ­მოჩ­ნდე­ბა, რომ იგი გა­ცი­ლე­ბით მეტ ზი­ანს მო­გა­ყე­ნებთ, ვიდ­რე სი­კე­თეს.

მო­რი­ე­ლი

ნუ უპა­სუ­ხებთ სხვე­ბის პრო­ვო­კა­ცი­ებს, რომ­ლე­ბიც დღეს შე­იძ­ლე­ბა ბევ­რი იყოს და ნუ გა­ა­ღი­ზი­ა­ნებთ სხვებს – ხვალ ადა­მი­ა­ნებს შო­რის ურ­თი­ერ­თო­ბე­ბი უფრო მე­გობ­რუ­ლი გახ­დე­ბა.

მშვილ­დო­სა­ნი

სამ­სა­ხურ­ში არ არის რე­კო­მენ­დე­ბუ­ლი დრო­ის და­კარ­გვა ლაყ­ბო­ბა­სა და კა­მათ­ში. ეს ხელს შე­გიშ­ლით და­გეგ­მი­ლი აქ­ტი­ვო­ბე­ბის შეს­რუ­ლე­ბა­ში.

თხის რქა

მნიშ­ვნე­ლო­ვა­ნია, საყ­ვა­რელ ადა­მი­ა­ნებ­თან კონ­ტაქ­ტი მი­ნი­მუ­მამ­დე და­იყ­ვა­ნოთ; წი­ნა­აღ­მდეგ შემ­თხვე­ვა­ში, ერთი შე­ხედ­ვით უმ­ნიშ­ვნე­ლო კონ­ფლიქტმა შე­იძ­ლე­ბა უცხო­ე­ბად გაქ­ცი­ოთ.

მერ­წყუ­ლი

დიდი თან­ხის და­კარ­გვის რის­კის გამო, არ უნდა გა­რის­კოთ უმი­ზე­ზოდ: მო­ე­რი­დეთ დიდი თან­ხის თან ტა­რე­ბას – უმ­ჯო­ბე­სია, ფული სახ­ლში და­ტო­ვოთ და თან მხო­ლოდ აუ­ცი­ლე­ბე­ლი ნივ­თე­ბი წა­ი­ღოთ.

თევ­ზე­ბი

სა­სურ­ვე­ლია, დღეს და­გეგ­მი­ლი საქ­მი­ა­ნი მო­ლა­პა­რა­კე­ბე­ბი გა­და­დოთ – სა­ერ­თო ენის პოვ­ნა მო­კავ­ში­რე­ებ­თა­ნაც კი რთუ­ლი იქ­ნე­ბა და მო­წი­ნა­აღ­მდე­გე­ებ­ზე სა­უ­ბა­რი უბ­რა­ლოდ გა­მო­რი­ცხუ­ლია, ამი­ტომ უმ­ჯო­ბე­სია დუ­მი­ლის აღ­თქმა და­დოთ.

ერთიანი ნაციონალური მოძრაობის” დელეგაციამ აშშ-ში ვიზიტის ფარგლებში ოფიციალური შეხვედრები დაიწყო

მნიშვნელოვანია, აშშ-ში იცოდნენ, რომ საქართველოში არიან პოლიტიკური ძალები, რომელთაც შესწევთ უნარი, ქვეყანა კრიზისიდან გამოიყვანონ და ფუნდამენტური დემოკრატიული რეფორმები გაატარონ, – ამის შესახებ „ნაციონალური მოძრაობის“ გენერალურმა მდივანმა, პეტრე ცისკარიშვილმა განაცხადა.

ცისკარიშვილის თქმით, საქართველო უნდა დაუბრუნდეს სტრატეგიულ პარტნიორობას აშშ-სთან, რომელიც ათწლეულების განმავლობაში არსებობდა.

„შეერთებულ შტატებში ჩვენმა მეგობრებმა და პარტნიორებმა მნიშვნელოვანია იცოდნენ, რომ საქართველოში არიან პოლიტიკური ძალები, ვისაც შესწევთ უნარი, ქვეყანა გამოიყვანონ იმ კრიზისიდან, რომელშიც, სამწუხაროდ, „ქართულმა ოცნებამ“ შეიყვანა. ასევე შესწევს უნარი, გაატაროს ფუნდამენტური დემოკრატიული უფლებები და ღირებულებით სისტემაში ევროპასთან და ამერიკასთან ერთად თანხვედრაში მოვიდეს საქართველოც. ამასთან, რაც არანაკლებ მნიშვნელოვანია ჩვენთვის ვაშინგტონში, საქართველო დაუბრუნდეს იმ პოლიტიკურ სტრატეგიულ პარტნიორობას შეერთებულ შტატებთან, რომლებიც ათწლეულების განმავლობაში ჩვენს ორ ქვეყანას ჰქონდა“, – განაცხადა პეტრე ცისკარიშვილმა.

„ნაციონალური მოძრაობის“ პრესსამსახურის ინფორმაციით, დღეს „ერთიანი ნაციონალური მოძრაობის” დელეგაციამ აშშ-ში ვიზიტის ფარგლებში ოფიციალური შეხვედრები დაიწყო. მათივე ცნობით, „ნაციონალური მოძრაობის“ თავმჯდომარე თინა ბოკუჩავა, პარტიის წევრებთან ერთად, „მეგობარი აქტის“ ინიციატორ კონგრესმენს, ჯო უილსონს შეხვდა.

სასამართლომ 625 მილიონი დოლარისა და 35 მილიონი ევროს გათეთრების ბრალდებით დაკავებულ კახა კოტორაშვილს პატიმრობა შეუფარდა – ბრალდებული დუმილის უფლებას იყენებს

თბილისის საქალაქო სასამართლომ 625 მილიონი დოლარისა და 35 მილიონი ევროს გათეთრების ბრალდებით დაკავებულ კახა კოტორაშვილს აღკვეთის ღონისძიების სახით პატიმრობა შეუფარდა. მოსამართლე ფიქრია სიქტურაშვილმა პროკურატურის შუამდგომლობა სრულად დააკმაყოფილა.

პროკურატურა ყველაზე მკაცრი აღკვეთის ღონისძიების – პატიმრობის გამოყენებას ითხოვდა. პროკურორ ზინიკო ქობალიას განცხადებით, ეროვნული ბანკიდან ამოღებული მტკიცებულებები ადასტურებს, რომ ბრალდებულმა დანაშაულებრივ ჯგუფთან ერთად უპრეცედენტო ოდენობის თანხა გაათეთრა, რამაც ზიანი მიაყენა ქვეყნის ეკონომიკასა და სახელმწიფო ინტერესებს.

სასამართლოზე საქმესთან დაკავიშირებით კიდევ ერთი სახელი გაჟღერდა, მოსამართლემ განმარტა, რომ “ელდარ ხუსეინოვმა და კოტორაშვილმა განიზრახეს ფულის გათეთრება”.

მისივე თქმით, დაახლოებით 58 მილიარდი რუბლის გათეთრება 2022-2024 წლებში უწყვეტად ხორციელდებოდა, პროცესი კი საბაჟო კონტროლის გვერდის ავლით იწყებოდა, შემდეგ თანხა გადამხურდავებელ ჯიხურებში ხვდებოდა და ბოლოს კომერციულ ბანკებში ირიცხებოდა.

“გამოძიების უტყუარი მტკიცებულებით დგინდება, ეს არ გახლავთ უბრალო კონვერტაცია. პირველ ეტაპზე ფულის გათეთრება იწყება უცხოური ვალუტის საბაჟო პროცედურების გვერდის ავლით შემოტანით. შემდეგ ეს თანხა ხვდება ვალუტის გადამხურდავებელ ჯიხურებში და შემდეგ კომერციულ ბანკებში. თუ ბრალდებული იქნებოდა კეთილსინდისიერი პირი, ის არ უნდა შესულიყო გარიგებაში. ეს არ არის ერთჯერადი გადაცდომა, საქმე გვაქვს დანაშაულებრივ ჯგუფთან.

ჩნდება კითხვა, თუ ის იყო კეთილსინდისიერი, რატომ არ აფიქსირებდა იმ პირების მონაცემებს, რომლებსაც მასთან მიჰქონდათ თანხა. მას კარგად ჰქონდა გაცნობიერებული რას აკეთებდა.

2022-2024 წლამდე უწყვეტად ხორციელდებოდა ფულის გათეთრება”, – აღნიშნა პროკურორმა.

დაცვის მხარე კი 50 000 ლარის გირაოს გამოყენებას ითხოვდა. ადვოკატ ედიშერ ქარჩავას თქმით, კოტორაშვილი შესაძლოა საერთოდ არ ყოფილიყო დანაშაულებრივ სქემაში ჩართული და პრობლემა კანონმდებლობისა და ბანკების სისტემურ ხარვეზებში უნდა მოიძებნოს.

“სხვა რამესთან გვაქვს საქმე. სიმართლის გამოძიებას ხელს შევუწყობთ.

მასთან ვიღაცას მიჰქონდა ფული, რით უნდა დაიცვას თავი ვალუტის გადამხურდავებელმა? კანონშია პრობლემა. შეიძლება ეს პიროვნება საერთოდ არ იყოს შუაში და ბანკების ლაფსუსთან გვქონდეს საქმე. აქედან გამომდინარე ჩვენ მზად ვართ 50 ათასი ლარი იყოს გამოყენებული გიარაოს სახით”, – აღნიშნა ადვოკატმა.

რაც შეეხება ბრალდებულს, ის დუმილის უფლებას იყენებს.

„დუმილის უფლებას ვიყენებ. ვეთანხმები ადვოკატს”,- განაცხადა ბრალდებულმა კახა კოტორაშვილმა.

მოსამართლემ, შემდეგი სხდომა 10 ნოემბერს, 11:00 საათზე, ჩანიშნა.

ირაკლი კობახიძე – ყველა მიმართულებით გვაქვს კონკრეტული პრიორიტეტები და მთავრობა აქტიურად იმუშავებს იმისათვის, რომ ეკონომიკა, სპორტი წავახალისოთ, განათლების სისტემა კიდევ უფრო მეტად დავხვეწოთ, ყველა ეს პრიორიტეტი იქნება სათანადო ყურადღების ქვეშ მომავალშიც

ირაკლი კობახიძე – ყველა მიმართულებით გვაქვს კონკრეტული პრიორიტეტები და მთავრობა აქტიურად იმუშავებს იმისათვის, რომ ეკონომიკა, სპორტი წავახალისოთ, განათლების სისტემა კიდევ უფრო მეტად დავხვეწოთ, ყველა ეს პრიორიტეტი იქნება სათანადო ყურადღების ქვეშ მომავალშიც

ყველა მიმართულებით გვაქვს კონკრეტული პრიორიტეტები და მთავრობა აქტიურად იმუშავებს იმისათვის, რომ ეკონომიკა წავახალისოთ, სპორტი წავახალისოთ, განათლების სისტემა კიდევ უფრო მეტად დავხვეწოთ, ყველა ეს პრიორიტეტი იქნება სათანადო ყურადღების ქვეშ მომავალშიც, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. 

მთავრობის მეთაური დღეს აჭარაში იმყოფებოდა, სადაც რამდენიმე ინფრასტრუქტურული პროექტი დაათვალიერა და სტარტაპების დაჯილდოების ცერემონიალს დაესწრო. 

„დავესწარით სტარტაპების დაჯილდოების ცერემონიალს, ძალიან მნიშვნელოვანია ეს მიმართულება ჩვენი ეკონომიკის განვითარებისთვის და შესაბამისად, ჩვენ საგანგებო ყურადღებას ვუთმობთ სტარტაპებს, ინოვაციებს, ტენოლოგიებს. ჩვენ საგანგებოდ შემოვიღეთ შეღავათიანი დაბეგვრის რეჟიმი სტარტაპებისთვის, კერძოდ, სამი წლის განმავლობაში ნულოვანი საშემოსავლო გადასახადით იბეგრებიან სტარტაპები ჩვენი გადაწყვეტილებით. ეს ყველაფერიც ხელს შეუწყობს სტარტაპების განვითარებას. დღეს იყო მნიშვნელოვანი დღე, როდესაც გამოირჩა 20 ყველაზე წარმატებული სტარტაპი, რომელიც სახელმწიფოსგან მიიღებს დაფინანსებას და თითოეულ სტარტაპერს მინდა, ვუსურვო წარმატებები”, – განაცხადა ირაკლი კობახიძემ. 

პრემიერ-მინისტრმა დღეს აჭარაში ახლად გარემონტებული სკოლაც დაათალიერა. 

„ჩვენ აჭარაში რამდენიმე ობიექტს ვესტუმრეთ, მათ შორის ახლად გარემონტებულ სკოლას. მინდა, ყველას მივულოცო სასწავლო წლის დაწყება ახალ გარემოში, რაც ძალიან გვახარებს. ასევე დღეს დავათვალიერეთ ბათუმის აეროპორტი, სადაც ხორციელდება მნიშვნელოვანი ინფრასტრუქტურული სამუშაოები. ასევე ქობულეთში ვნახეთ სპორტული ინფრასტრუქტურა. „ჩელე არენა”, სადაც 300 ბავშვი დადის ფეხბურთზე და ესეც ძალიან მნიშვნლეოვანია. მნიშვნლეოვანია ამ მიმართულებითაც, რომ დამატებით გვაქვს დაგეგმილი ინფრასტრუქტურის კიდევ უფრონ მეტად გაუმჯობესება. ყველა მიმართულებით გვაქვს კონკრეტული პრიორიტეტები და მთავრობა აქტიურად იმუშავებს იმისათვის, რომ ეკონომიკა წავახალისოთ, სპორტი წავახალისოთ, განათლების სისტემა კიდევ უფრო მეტად დავხვეწოთ, ყველა ეს პრიორიტეტი იქნება სათანადო ყურადღების ქვეშ მომავალშიც”, – განაცხადა ირაკლი კობახიძემ.

„ჩვენ კორუფციასთან საბრძოლველად მივიღეთ არაერთი მნიშვნელოვანი გადაწყვეტილება”- პრემიერი

დღეს, ჩვენი სახელმწიფო არის ძლიერი, დამოუკიდებელი და სუვერენული, როგორც არასდროს, დღეიდან, თუნდაც, შეგიძლიათ დაიწყოთ ათვლა და ნახოთ, რამდენად ეფექტური იქნება სახელმწიფო ყველა კატეგორიის დანაშაულის წინააღმდეგ ბრძოლაში, – ამის შესახებ პრემიერ-მინისტრმა ირაკლი კობახიძემ ჟურნალისტებს აჭარაში განუცხადა.

მისივე თქმით, რაც შეეხება კორუფციასთან ბრძოლას, სახელმწიფომ ამ მიმართულებით გადადგა ძალიან მნიშვნელოვანი ნაბიჯები.

„ჩვენ კორუფციასთან საბრძოლველად მივიღეთ არაერთი მნიშვნელოვანი გადაწყვეტილება. მათ შორის, ბევრი მიმართულებით, პრაქტიკა შევცვალეთ რადიკალურად. თქვენ იცით, რომ მთავრობის ყველა აქტი ქვეყნდება, აღვკვეთეთ პირდაპირი წესით პრივატიზაციის პრაქტიკა და ა.შ. უამრავი ნაბიჯი გადაიდგა და ასევე უამრავი საკადრო ცვლილება განვახორციელეთ. ეს ყველაფერი გვაძლევს საშუალებას, რომ ბოლომდე ვიბრძოლოთ კორუფციის აღმოსაფხვრელად. იყო რთული პროცესები ჩვენს ქვეყანაში, ქვეყნის გარშემო და დღეს ჩვენი სახელმწიფო არის ძლიერი, დამოუკიდებელი და სუვერენული, როგორც არასდროს. შესაბამისად, ეს ყველაფერი გვაძლევს შესაძლებლობას, რომ მაქსიმალურად ეფექტურად ვებრძოლოთ ყველა კატეგორიის დანაშაულს, მათ შორის, კორუფციულს, პოლიტიკურად მოტივირებულს, ნარკოტიკულ და ორგანიზებულ დანაშაულებს, რისი პრაქტიკული შესაძლებლობაც არ გვქონდა აქამდე. დღეს ამ ყველაფრის შესაძლებლობა გვაქვს. დღეიდან შეგიძლიათ დაიწყოთ ათვლა და ნახოთ, რამდენად ეფექტური იქნება სახელმწიფო ყველა კატეგორიის დანაშაულის წინააღმდეგ ბრძოლაში,”- განაცხადა პრემიერმა.

,,რამდენიმე ევროპული საელჩო პირდაპირაა ჩართული, სამწუხაროდ, საქართველოში რადიკალიზმის გაღვივებაში,”- ირაკლი კობახიძე

რამდენიმე ევროპული საელჩო პირდაპირაა ჩართული, სამწუხაროდ, საქართველოში რადიკალიზმის გაღვივებაში, შესაბამისად, ხშირად ხვდებიან რადიკალებს და ეს არის სამწუხარო მოვლენა, – ამის შესახებ პრემიერ-მინისტრმა ირაკლი კობახიძემ ჟურნალისტის კითხვის პასუხად განაცხადა, რომელიც ბრიტანეთის საელჩოში გიგა ბოკერიას და გია ბარამიძის მონაწილეობით გამართულ შეხვედრას შეეხებოდა.

მისივე თქმით, ეს ყველაფერი აზიანებს ევროკავშირისა და ევროპული ბიუროკრატიის იმიჯს საქართველოში.

„ევროკავშირის, ევროპული ქვეყნების იმიჯს საქართველოში ეს ძალიან აზიანებს. თან, როდესაც ხვდები არჩევნებთან დაკავშირებით ისეთ პარტიებს, რომლებიც საერთოდ არ მონაწილეობენ არჩევნებში, ეს კიდევ უფრო მეტად გაუგებარია. ძალიან ცუდია, როდესაც კონკრეტული ელჩები, საელჩოები ახალისებენ საქართველოში რადიკალიზმს. საზოგადოება ამას აკვირდება, აფასებს და ეს ყველაფერი ევროპული ქვეყნების, ევროპული ბიუროკრატიის იმიჯზე საქართველოში ძალიან ცუდად აისახება,”- განაცხადა პრემიერმა.

რა ეღირება დოლარი და ევრო 18 სექტემბერს

აშშ დოლარის ოფიციალური ღირებულება 2.7143 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7143 ლარი გახდა. კურსი, რომელიც დღეს მოქმედებდა, 2.7080 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0063 ლარი შეადგინა.

რაც შეეხება ევროს, მისი კურსი 3.2143 ლარია. მაშინ, როცა დღეს მოქმედი კურსი 3.1999 ლარს შეადგენდა. შესაბამისად, ევროს ცვლილებამ 0.0164 ლარი შეადგინა.

ეტყობა, რუსეთის ბიუჯეტიდან მიღებული ფული ენანება საქართველოს ბიუჯეტისთვის – შალვა პაპუაშვილი გირაოსთან დაკავშირებით ელენე ხოშტარიას გადაწყვეტილებაზე

x

რაც ვიცით დადასტურებულად, მე მგონი ავლაბარში რუსეთი არ არის და ავლაბარში კონკრეტულ მისამართზე მიდიოდა ეს ასაფეთქებელი ნივთიერება. ეს არის უკრაინის ხელისუფლების გაგება ძმობის და მეგობრობის, რომ თბილისში შემოიტანო 2,5 კგ ასაფეთქებელი ნივთიერება, რომელმაც შეიძლება მთელი უბანი ჰაერში აწიოს? – განაცხადა შალვა პაპუაშვილმა „ჰექსოგენის“ საქმეზე საუბრისას. ის ეჭვის ქვეშ აყენებს დაკავებულის მიერ გაჟღერებულ ვერსიას იმის შესახებ, რომ ასაფეთქებელი ნივთიერება საბოლოოდ რუსეთში უნდა გადაეტანა და ამბობს, რომ ამ ფაქტის დადასტურების შემთხვევაში უკრაინული სპეცსამსახურები საკუთარი სამხედრო მიზნის მისაღწევად ქართველ ხალხს სწირავდნენ.

„2,4 კილოგრამი ჰექსოგენი რას ნიშნავს, დაგუგლეთ და გაიგებთ. ეს არის ასაფეთქებელი ნივთიერება. თვითმფრინავში არ აგატანინებენ „დეზადორს“ ან სანთებელას, იმიტომ რომ საშიშია, შეიძლება მთელი თვითმფრინავი ააფეთქო. აი 2,5 კილო ჰექსოგენი ავლაბრის კონკრეტულ მისამართზე რომ იქნებოდა, იქ შემთხვევით ხო შეიძლება რაღაც მომხდარიყო? ხომ შეიძლება, რომ შემთხვევით, ზემოქმედების შედეგად აფეთქდეს, ან ტრაილერი გადაბრუნებულიყო და აფეთქებულიყო, ან იმ სახლში აფეთქებულიყო – მთელ ავლაბარს ხომ აიტანდა ცაში? აი ამას გვიკეთებდნენ უკრაინის სპეცსამსახურები. უკრაინის სპეცსამსახური, სადაც ქართველი გია ლორთქიფანიძე მუშაობს, ამას გეგმავდა და ეგუებოდა იმ აზრს, რომ შეიძლება აფეთქდეს, მაგრამ ჯანდაბას, აიწიოს ავლაბარი და თბილისი ჰაერში, ოღონდ თავიანთ მიზნებს მიაღწიონ რუსეთში. აი რომ დავიჯეროთ ის ვერსია, ოღონდ რუსეთს ზიანი მიაყენონ და ჯანდაბამდე გზა ჰქონიათ ქართველ ქალებს და ბავშვებს, აქ რომ აფეთქებულიყო?

ჩვენ რას გადაგვეკიდნენ? ომი აქვთ – იომონ. შეეშვან საქართველოს ჩათრევას თავის ომში. ეს არ არის საქართველოს ომი. როდესაც ჩვენ, მათ შორის რუსეთთან ომი გვქონია, არავინ ჩაგვითრევია ჩვენს ომში და არავის ქვეყანა არ დაგვიყენებია რისკის ქვეშ და აქ რომ არის ხალხი, რომელიც დღეს საღამოთაც გამოვა რუსთაველის გამზირზე და პარლამენტთან დადგებიან და უკრაინის ხელისუფლების განდიდებით იქნება დაკავებული“, – განაცხადა პაპუაშვილმა.

მისივე თქმით, საქართველოს მთავრობა არაფერს ამბობს, რადგან უკრაინა ომშია, მაგრამ მოვა დრო, ომი დასრულდება და საქართველო პასუხს მოითხოვს უკრაინის ხელისუფლებისგან. მან ასევე აღნიშნა, რომ ამ ტვირთმა ლამის ნახევარი ევროკავშირი გამოიარა ისე, რომ არავის გაუჩერებია.

ცესკოს თავმჯდომარემ საერთაშორისო ორგანიზაციებისა და დიპლომატიური კორპუსის წარმომადგენლებს მიმდინარე საარჩევნო საკითხები გააცნო

ცენტრალური საარჩევნო კომისიის (ცესკო) თავმჯდომარე საერთაშორისო ორგანიზაციებისა და საქართველოში აკრედიტებული დიპლომატიური მისიების წარმომადგენლებს შეხვდა. შეხვედრა გიორგი კალანდარიშვილმა გახსნა და დეტალურად ისაუბრა მიმდინარე საარჩევნო საკითხებისა და 4 ოქტომბრის არჩევნებისთვის მზადების პროცესზე. როგორც მან აღნიშნა, საარჩევნო ადმინისტრაცია აქტიურად ემზადება 2025 წლის 4 ოქტომბრის არჩევნების საერთაშორისო სტანდარტების შესაბამისად ჩასატარებლად, რომლის ფარგლებშიც არაერთ მნიშვნელოვან და მასშტაბურ სამუშაოებს ატარებს. მისი თქმით, საარჩევნო პროცესების გამჭვირვალობა და ანგარიშვალდებულება ცესკოს საქმიანობის პრინციპულ საფუძველს წარმოადგენს.

„მორიგი სამუშაო შეხვედრა გაიმართა დიპლომატიური მისიებისა და საერთაშორისო ორგანიზაციების წარმომადგენლებთან, რომლის ფარგლებშიც მათ მივაწოდეთ დეტალური და ამომწურავი ინფორმაცია 4 ოქტომბრის არჩევნების სამზადისზე, ასევე განხორციელებული და მიმდინარე მასშტაბური სამუშაოების შესახებ, რომელიც მიზნად ისახავს აღნიშნული არჩევნების მაღალპროფესიულ დონეზე ადმინისტრირებას. ჩვენ გვქონდა ინფორმაციის მიმოცვლის საშუალება დიალოგისა და კითხვა-პასუხის რეჟიმში, რომლის ფარგლებშიც მათ ამომწურავი და სრულყოფილი ინფორმაცია მივაწოდეთ მიმდინარე სარჩევნო საკითხებთან დაკავშირებით. ჩვენი მაღალი ანგარიშვალდებულებიდან, გამჭვირვალე და ღია საქმიანობიდან გამომდინარე, რა თქმა უნდა, მომავალშიც გაგრძელდება ასეთი ტიპის სამუშაო შეხვედრები, როგორც საერთაშორისო ორგანიზაციებთან, ასევე სხვა ჩართულ მხარეებთან“,-აღნიშნა გიორგი კალანდარიშვილმა.

4 ოქტომბრის არჩევნებზე რეგისტრირებული საარჩევნო სუბიექტები, რეგისტრაციის პროცესი, სადამკვირვებლო და მედია ორგანიზაციები, საარჩევნო კომისიების  დაკომპლექტება და მათი გადამზადება, ამომრჩეველთა ინფორმირება და ამომრჩევლებისთვის და პარტიებისთვის შეთავაზებული სიახლეები – ეს ის მცირე ჩამონათვალია, რომელზეც ცესკოს თავმჯდომარემ ასევე დეტალურად ისაუბრა. 

შეხვედრის ფარგლებში გაიმართა აქტიური დისკუსიაც. დიპლომატიური კორპუსისა და საერთაშორისო ორგანიზაციების წარმომადგენლებმა მათთვის საინტერესო კითხვებზე პასუხები გიორგი კალანდარიშვილისგან და ცესკოს თავმჯდომარის მოადგილე გიორგი შარაბიძისგან მიიღეს.

საერთაშორისო ორგანიზაციებისა და საქართველოში აკრედიტებული დიპლომატიური მისიების წარმომადგენლებთან შეხვედრა დღეს ცესკოში გაიმართა. აღნიშნული შეხვედრა ცხადყოფს, რომ საარჩევნო ადმინისტრაციისთვის პრიორიტეტია არა მხოლოდ შიდა პროცესების ეფექტიანად წარმართვა, არამედ ღია, საერთაშორისო ორგანიზაციებთან კოორდინირებული თანამშრომლობა. ეს ასევე  ადასტურებს ადმინისტრაციის მზადყოფნას, საარჩევნო პროცესები წარმართოს მაქსიმალურად გამჭვირვალე, ღია და ინკლუზიური ფორმატით. აღსანიშნავია, რომ მსგავსი ტიპის შეხვედრები არა მხოლოდ ინფორმაციის მიწოდების საშუალებაა, არამედ უზრუნველყოფს დიალოგს, უკუკავშირის მიღებასა და თანამშრომლობის გაღრმავებას.

შეხვედრას ცესკოს თავმჯდომარის გარდა ასევე ესწრებოდნენ ცესკოს თავმჯდომარის მოადგილე გიორგი შარაბიძე,  ცესკოს აპარატის/იურიდიული დეპარტამენტის უფროსი გიორგი სანტურიანი და სპიკერი ნათია იოსელიანი.

რუსეთის იმპერიული აგრესია უკრაინის წინააღმდეგ: როგორ ნადგურდება სუვერენული სახელმწიფოს ეროვნული იდენტობა – The Daily Telegrhap

„რუსეთის იმპერიული აგრესია უკრაინის წინააღმდეგ: როგორ ნადგურდება სუვერენული სახელმწიფოს ეროვნული იდენტობა“ – ასეთი სათაურით არის გამოქვეყნებული ბრიტანულ გაზეთ „დეილი ტელეგრაფში“ (The Daily Telegrhap) სტატია სემიუელ რამანის ავტორობით, რომელშიც განხილულია რუსეთის არმიის მიერ უკრაინის ოკუპირებულ ტერიტორიებზე ბავშვებისა და მოზარდების სწავლა-განათლების მდგომარეობა, ასევე რუსი ახალგაზრდების აღზრდა ნეოიმპერიალისტური და ულტრანაციონალისტური იდეოლოგიით.

გთავაზობთ პუბლიკაციას მცირე შემოკლებით:

იელის უნივერსიტეტის (აშშ) ჰუმანიტარული სკოლის მიერ ამას წინათ გამოქვეყნებულმა გამოკვლევამ ცხადჰყო, თუ როგორი მკაცრი დამოკიდებულება აქვთ რუსული განათლების სისტემის მუშაკებს უკრაინელი ბავშვების მიმართ როგორც რუსეთის არმიის მიერ ოკუპირებულ ტერიტორიაზე არსებულ სკოლებში, ისე უშუალოდ რუსეთში.

უკრაინის ხელისუფლების გამოთვლით, ბავშვთა რაოდენობა 19 ათასს აღწევს, ხოლო ჰუმანიტარული სკოლის კვლევის მიხედვით, მათი რიცხვი უფრო მეტია – 35 ათასი. ბევრი ამ ბავშვთაგან „ხელახალი აღზრდის“ პროცესშია მოქცეული, რათა მათ ცნობიერებაში უკრაინული იდენტობა ამოძირკვონ და გაანადგურონ. რაც ყველაზე უფრო საგანგაშოა, მათ იძულებით ამუშავებენ რუსეთის სამხედრო ქარხნებში, რომლებიც უპილოტო საფრენ აპარატებს (დრონებს) აწარმოებენ.

კრემლმა ფართო პროპაგანდა დაიწყო, რომ უკრაინის ხელისუფლების მიერ გამოქვეყნებულ ფაქტებს და იელის უნივერსიტეტის კვლევას  სანდოობის ხარისხი დაუკარგოს. დისკრედიტაციაში ჩართული რუსეთის საგარეო საქმეთა სამინისტროს თანამშრომლებიც – უცხოეთის სახელმწიფოებში აკრედიტებული რუსი დიპლომატები ყოველნაირად  ცდილობენ უარყონ კიევის ბრალდებები „ყირიმელი ბავშვების გენოციდის“ თაობაზე. პირიქით, რუსები ბავშვებს კი არ იტაცებენ და იძულებით კი არ ამუშავებენ, არამედ ზოგიერთები ფრონტისპირა დასახლებული პუნქტებიდან რუსეთში მიჰყავთ მათი დაცვისა და შესაფერისი სასწავლო პირობების შესაქმნელად.

შესაძლოა, კრემლის პროპაგანდამ გარკვეული შედეგი გამოიღოს და უცხოეთში ზოგიერთებმა დაიჯერონ კიდეც, მაგრამ ადგილებზე არსებული რეალური სიტუაცია აშკარად ეწინააღმდეგება მასობრივი აგიტაციის შედეგად „დახატულ მდგომარეობას“. უფრო მეტიც – რუსეთის ქცევა ხაზს უსვამს, რომ კრემლი აგრესიულ ომს უკრაინაში არამხოლოდ ტერიტორიის ხელში ჩასაგდებად აწარმოებს, არამედ ძალისხმევა ასევე მიმართულია იმისკენ, რომ ბავშვთა გონებაში უკრაინის როგორც სუვერენული სახელმწიფოს იდენტობა გაქრეს და უკრაინა რუსული სამყაროს ცივილიზაციურ ნაწილად იქნეს აღქმული, რუსულ ორბიტაში მოქცეულად. უკრაინული კულტურის განადგურებისაკენ მიმართული ესოდენ საშინელი კამპანია მოიცავს უკრაინელი ბავშვების ტვინის გამორეცხვას, რათა ისინი რუს პატრიოტებად გაიზარდნონ და შემდეგ ნეოიმპერიალისტებად გადაიქცნენ.

როცა რუსეთის არმიის ქვედანაყოფები რომელიმე უკრაინულ ქალაქს იკავებენ ქვეყნის სამხრეთ და აღმოსავლეთ ნაწილში, ოკუპირებულ ტერიტორიებზე ვრცელდება რუსული ულტრანაციონალისტური განათლების სისტემა. როგორც ადამიანის უფლებათა დამცველი ორგანიზაციის – ადამიანის უფლებათა დამცველი ორგანიზაცია Human Rights Watch-ის ჯერ კიდევ 2024 წლის ანგარიშშია აღნიშნულიბ, რუსული სკოლები ზღუდავენ უკრაინული ენის სწავლებას და რუსეთის არმიის სამხედრო მოქმედებებს ისე წარმოაჩენენ, როგორც სამართლიან „ჯვაროსნულ ლაშქრობას“, უკრაინის ნეონაცისტური რეჟიმის წინააღმდეგ მიმართულს. 

მაგალითად, როცა რუსეთის მიერ ოკუპირებულ ქალაქ მელიტოპოლის ერთ-ერთ სკოლაში მოსწავლემ გაბედა და უკრაინულ ენაზე ალაპარაკდა, [გამოძახებულმა] რუსმა ძალოვანებმა მას თავზე ტომარა ჩამოაცვეს, ქალაქგარეტ გაიყვანეს და იქ მიატოვეს.

სამხედრო სამსახურიც ასევე ითვლება რუსული ულტრანაციონალისტური განათლების განუყოფელ ნაწილად, ანუ უკრაინელი ახალგაზრდების რუსებად გადაქცევის ერთ-ერთ მეთოდად. ქალაქ ლუგანსკში რუსი ოფიცრები 16 წლის მოზარდებს სამხედრო სამსახურისთვის წინასწარ არჩევენ და როგორც კი მათ 17 წელი შეუსრულდებათ, ვალდებულნი არიან გაწვევის პუნქტებში გამოცხადდნენ და არმიაში სამსახურის სურვილი გამოხატონ, 18 წლის ასაკში კი მათ უფლება ეძლევათ სამხედრო კონტრაქტი გააფორმონ. [ყირიმისა და დონბასის]  უმაღლესი სასწავლებელების სტუდენტებს რუსეთის არმიაში სამხედრო სამსახურისთვის (კონტრაქტის სტანდარტული თანხის გარდა) დამატებით თვეში 2150 დოლარი ეძლევათ. ასეთმა მიდგომამ ავისმომასწავებელი ეფექტი გამოიღო – დიდი ფულით „დამტკბარმა“ იძულებითმა გაწვევამ კრემლს შესაძლებლობა მისცა თავიდან აეცილებინა მოსახლეობის სავარაუდო უკმაყოფილება 2022 წლის ნაწილობრივი მობილიზაციის შემდეგ და უპრობლემოდ გაეგზავნა ახალგაზრდები ფრონტზე – „საზარბაზნე ხორცის“ სახით.

უკრაინელი ბავშვების ჩაბმა სამხედრო აღზრდის სისტემაში რუსეთს ახალ პოტენციურ რესურსს აძლევს სამომავლო რევანშისტული კამპანიებისათვის. ასეთი ქმედება სავსებით ეთანხმება რუსეთის ხელისუფლების ძალისხმევას დაარწმუნოს ახალგაზრდა თაობა ნეოიმპერიულად აზროვნების აუცილებლობაში. ამასთან, შეინიშნება ტენდენცია: მაშინ როცა  რუსების უფროსი თაობა ენთუზიაზმით ესალმება ომის რუსულ პროპაგანდას, „მილენიალები“ და Z-თაობის წარმომადგენლები ბევრად უფრო სკეპტიკურად არიან ომის მიმართ განწყობილნი.

როგორც რუსული საზოგადოებრივი აზრის კვლევის არასამთავრობო ორგანიზაციის „ლავადა-ცენტრის“ მიერ 2025 წლის აპრილში ჩატარებული გამოკითხვით ირკვევა, საომარ მოქმედებებს მეტ-ნაკლებად 18-დან 24 წლის ასაკის მქონე რუსების მხოლოდ 35% იწონებდა, ხოლო 10% თვლიდა, რომ ომი გამარჯვებამდე უნდა გაგრძელებულიყო.

ისეთი პატრიოტული სიმღერების გავრცელებით, როგორიცაა, მაგალითად, „ჯარისკაცები მოდიან“ და იმის პროპაგანდით, თუ როგორ დრაკონული სიმკაცრით ექცევიან ტყვედ ჩავარდნილ  რუს ჯარისკაცებს უკრაინელები, კრემლი ცდილობს 15-18 წლის ახალგაზრდა რუსები ულტრანაციონალისტებად აღზარდოს.

რუსი ოფიციალური პირები იმედოვნებენ, რომ მათი ძალისხმევა დაარწმუნებს ახალგაზრდებს შეურიგდნენ სულ უფრო მზარდ კრიზისულ სიმპტომებს რუსეთის ეკონომიკაში და ქვეყნის მძიმე დემოგრაფიულ მდგომარეობას. რუსული პროპაგანდა უკრაინის დღევანდელ ხელისუფლებას და დასავლეთს რუსეთის ისტორიულ და დაუძინებელ მტრებად წარმოსახავს, ამას უნერგავს ახალგაზრდობას და ამით მომავალ თაობას პერსპექტიული ექსპანსიონისტური ომებისთვის ამზადებს – აღმოსავლეთ ევროპის ქვეყნებში შესაჭრელად.

აშშ-ის პრეზიდენტის დონალდ ტრამპის „მშვიდობის ფორმულა“ ეფუძნება იმ სავარაუდო თეორიას, რომ ტერიტორიული დათმობები მტკიცე მშვიდობამდე მიგვიყვანს, თუმცა ამგვარი მიდგომა რუსული ნეოიმპერიალიზმის იდეოლოგიურ საფუძვლებს ეწინააღმდეგება: ასეთი ფორმულის რეალიზება სამომავლოდ უფრო დამანგრეველ ომების პროვოცირებას გამოიწვევს.

წყარო

მოამზადა სიმონ კილაძემ

დედაქალაქი „თბილისობას“ მრავალფეროვანი პროგრამით ხვდება

დედაქალაქი სახალხო დღესასწაულ „თბილისობას“ მრავალფეროვანი პროგრამით ხვდება, სადაც ყველა ასაკის მოქალაქის გემოვნება იქნება გათვალისწინებული.

როგორც თბილისის მერმა კახა კალაძემ დღეს დედაქალაქის მთავრობის სხდომაზე განაცხადა, წელს „თბილისობა“ 20-21 სექტებერს გაიმართება, ღონისძიების მთავარი ლოკაციები კი რიყის პარკი და ორბელიანის მოედანი იქნება.

„რიყის პარკში და ორბელიანის მოედანზე მოსულ სტუმრებს ტრადიციულად დახვდება თემატური დეკორაციები, მოცულობითი ინსტალაციები და ფოტოზონები. ორივე ლოკაციაზე მოეწყობა ღია კინოთეატრი, სამეწარმეო მარკეტი, გასტრონომიული და ღვინის ფესტივალები. დღის განმავლობაში, ასევე, გაიმართება საბავშვო კონცერტები, გასართობი და სპორტული აქტივობები, მუსიკალური საღამოები და თეატრალიზებული წარმოდგენები. გარდა ამისა, რიყის პარკში საესტრადო შემსრულებლების მრავალფეროვანი მუსიკალური პროგრამა დაგხვდებათ, ხოლო აბანოთუბანში წარმოდგენილი იქნება გამოფენა-გაყიდვა – „თბილისური მრავალფეროვნება“, – განაცხადა კახა კალაძემ.

ამასთან, მისივე თქმით, 20 სექტემბერს, 20:00 საათზე, „თბილისობის“ ერთ-ერთი გამორჩეული საღამო – თბილისის საპატიო მოქალაქეების დაჯილდოების ცერემონია გაიმართება, რომელიც პირდაპირი ეთერით გადაიცემა, ხოლო 21 სექტემბერს, 20:00 საათზე, ევროპის მოედანზე 2025 წლის „თბილისობა“ გრანდიოზული საზეიმო კონცერტით დასრულდება.

„მინდა, დაგპატიჟოთ ყველა – დიდი თუ პატარა ამ ლამაზი დღეების აღსანიშნავად. ეს არის ჩვენი ქალაქის დღე. გელოდებით, ერთად ჩავერთოთ სახალხო ზეიმის ფერხულში და ერთად ვეზიაროთ თბილისურ მრავალფეროვნებას“, – განაცხადა კახა კალაძემ.


თბილისობის პროგრამა ასე გამოიყურება:

ორბელიანის მოედანი

20-21 სექტემბერი

12:00-22:00

 ღია კინოთეატრი

 შემოდგომის ნუგბარი

 ყველის და ღვინის კუთხე

 ქალ მეწარმეთა ასოციაცია

 კაფე „ლაღიძის წყლები”

 სამეწარმეო მარკეტი

 თემატური ფოტოზონები

 ტკბილეულის სივრცე

 კვების ზონა

 საბავშვო კონცერტები

 საბავშვო/გასართობი აქტივობები

 თეატრალიზებული წარმოდგენა/პერფორმანსები

 საღამოს კონცერტები

 ელექტრონული მუსიკა

ორბელიანის მოედნის მუსიკალური პროგრამა

20 სექტემბერი – იტალიის ქუჩა (საბავშვო კონცერტების სცენა)

 12:00 – ჟირაფი ჟოზეს წარმოდგენა

 13:00 – ნუკრი კაპანაძის სტუდია

 14:00 – „მეკო სტუდიის“ კონცერტი

 15:00 – „ბასტი-ბუბუს სტუდიის“ კონცერტი

20 სექტემბერი – გიორგი ათონელის ქუჩა (საღამოს კონცერტების სცენა)

 14:00 – თბილისის ბიგ-ბენდის კონცერტი

 20:00 – თეატრალიზებული წარმოდგენა “თეატრალური თბილისი“

20 სექტემბერი – ანტონ ფურცელაძის ქუჩა, ელექტრონული მუსიკის სთეიჯი

 16:00 – ელექტრონული მუსიკა (DJ) – KERESELIDZE

 19:00 – ელექტრონული მუსიკა (DJ) – MACHAIDZE

21 სექტემბერი – იტალიის ქუჩა (საბავშვო კონცერტების სცენა)

 12:00 – „Sunny Studio”- ს კონცერტი

 13:00 – „ბზიკების სტუდიის“ კონცერტი

 14:00 – ანსამბლ „ენკი-ბენკის“ კონცერტი

 15:00 – სტუდია „ნუცას სკოლის“ კონცერტი

  • 16:00 – ინგას და გიგის საბავშვო მუსიკალური სტუდია

21 სექტემბერი – გიორგი ათონელის ქუჩა (საღამოს კონცერტების სცენა)

 20:00 – საათი – ანსამბლ „ქართული ხმების“ კონცერტი

21 სექტემბერი – ნტონ ფურცელაძის ქუჩა, ელექტრონული მუსიკის სთეიჯი

 16:00 – ელექტრონული მუსიკა (DJ) – MACHAIDZE

 19:00 – ელექტრონული მუსიკა (DJ) – KERESELIDZE

აბანოთუბანი

20 და 21 სექტემბერი

 12:00 – გამოფენა-გაყიდვა „თბილისური მრავალფეროვნება“

რიყის პარკი

20 და 21 სექტემბერი

12:00 – 22:00

 გასტრონომიული ფესტივალი

 სამეწარმეო მარკეტი

 ტკბილეულის ფესტივალი

 ღვინის და ყველის სივრცე

 ლუდის ზონა

 დეკორატიული თაღი და ხეივანი

 ატრაქციონები

 ღია კინოთეატრი

 თემატური დეკორაციები, ინსტალაციები და ფოტოზონები

 თეატრალიზებული წარმოდგენა/პერფორმანსები

 ზღაპრის გმირების მსვლელობა

 სხვადასხვა საბავშვო – გასართობი აქტივობები

 სპორტული აქტივობები: ქართული ჭიდაობა, კრიობა, ნარდი, ჭადრაკი, მაგიდის ჩოგბურთი, მინი გოლფი.

 საბავშვო კონცერტები

 საღამოს კონცერტები

რიყის პარკის მუსიკალური პროგრამა

20 სექტემბერი – საბავშვო კონცერტები

 12:00 – „ბზიკების სტუდიის“ კონცერტი

 13:00 – სტუდია „ნუცას სკოლას“ კონცერტი

 14:00 – ანსამბლ „ენკი-ბენკის“ კონცერტი

 15:00 – „ანა-ბანას“ სტუდიის კონცერტი

20 სექტემბერი

 18:00 – ქართული ესტრადის შემსრულებლების კონცერტი

21 სექტემბერი – საბავშვო კონცერტები

 12:00 – ჟირაფი ჟოზეს წარმოდგენა

 13:00 – ანსამბლ „სი მი“-ს კონცერტი

 14:00 – „ქენდი სტუდიოს“ კონცერტი

 15:00 – „ბასტი-ბუბუს სტუდიის“ კონცერტი

21 სექტემბერი

 18:00 – ქართული ესტრადის შემსრულებლების კონცერტი

21 სექტემბერი – ევროპის მოედანი

 20:00 – საზეიმო გალა-კონცერტი „ყველა უმღერის თბილისს“

მთავრობის ეფექტიანობით საქართველო ევროპის საუკეთესო ოცეულშია

ინტელექტუალური საკუთრების მსოფლიო ორგანიზაციამ გლობალური ინოვაციების 2025 წლის ანგარიშის ფარგლებში მთავრობის ეფექტიანობის ინდექსი გამოაქვეყნა.

„მთავრობის ეფექტიანობის“ შეფასების 100%-იანი სისტემით საქართველომ 62,5% დაიმსახურა, მსოფლიოში 35 ადგილზე გავიდა და ევროპის საუკეთესო ოცეულში მოხვდა. საქართველო უსწრებს დიდი შვიდეულის ერთ ქვეყანას, ევროკავშირის და ნატოს წევრ 16 სახელმწიფოს და ევროკავშირის კანდიდატ ყველა ქვეყანას. მთავრობის ეფეტიანობის რეიტინგში საქართველოს ჩამორჩება: ესპანეთი, კვიპროსი, ხორვატია, ლატვია, იტალია, პოლონეთი, მალტა, უნგრეთი, ალბანეთი, მონტენეგრო, სლოვაკეთი, საბერძნეთი, ბულგარეთი, ჩრდილოეთ მაკედონია, რუმინეთი, თურქეთი და ა.შ.

მთავრობის ეფექტიანობის ინდექსი მსოფლიო ბანკის გლობალური მმართველობის ინდიკატორებს ეფუძნება და ოფიციალური განმატების მიხედვით ასახავს „საჯარო სერვისების ხარისხს, საჯარო სამსახურის ხარისხსა და პოლიტიკური ზეწოლისგან მისი დამოუკიდებლობის ხარისხს, პოლიტიკის ფორმულირებისა და განხორციელების ხარისხს და მთავრობის ერთგულების სანდოობას ასეთი პოლიტიკის მიმართ.“