კარ­გი დღეა ძვე­ლი საქ­მე­ე­ბის და­სას­რუ­ლებ­ლად. ახ­ლებს ნუ წა­მო­ი­წყებთ. ნუ გა­ნა­ხორ­ცი­ე­ლებთ სე­რი­ო­ზულ ფი­ნან­სურ ოპე­რა­ცი­ებს. სწავ­ლის­თვის ნე­იტ­რა­ლუ­რი დღეა, მაგ­რამ გა­მოც­და სხვა დრო­ის­თვის გა­და­დეთ. უმ­ჯო­ბე­სია ეს დღე გან­მარ­ტო­ე­ბით, ბუ­ნე­ბა­ში გა­ა­ტა­როთ. მაქ­სი­მა­ლუ­რად შე­ამ­ცი­რეთ კონ­ტაქ­ტე­ბი, გუ­ლი­თა­დი სა­უბ­რე­ბი. მო­ე­რი­დეთ ხელ­მძღვა­ნე­ლო­ბას­თან კონ­ფლიქტს. სამ­სა­ხუ­რის, საქ­მი­ა­ნო­ბის შეც­ვლას. გა­თა­ვი­სუფ­ლდით უსარ­გებ­ლო ნივ­თე­ბი­სა­გან. არა­სა­სურ­ვე­ლი დღეა ქორ­წი­ნე­ბი­სა და ნიშ­ნო­ბი­სათ­ვის. მო­ე­რი­დეთ ხორ­ცი­ან კერ­ძებს. ამ დღეს ადა­მი­ა­ნი მე­ტად მგრძნო­ბი­ა­რეა საკ­ვე­ბის მი­მართ. ნუ გა­დატ­ვირ­თავ კუჭს, მაგ­რამ ნურც იშიმ­ში­ლებთ. მი­ი­ღეთ ჯან­სა­ღი საკ­ვე­ბი.

ვერ­ძი

დღეს სამ­სა­ხურ­ში აჩ­ქა­რე­ბა შეც­დო­მებ­სა და პრობ­ლე­მებს გა­მო­იწ­ვევს. დღეს სახ­ლში არ უნდა დარ­ჩე. ვარ­სკვლა­ვე­ბი გირ­ჩე­ვენ დრო­ის გა­ტა­რე­ბას კომ­პა­ნი­ა­ში, კონ­ცერ­ტზე წას­ვლას ან ბუ­ნე­ბა­ში გას­ვლას. 27 ივ­ლისს მე­გობ­რებ­თან ურ­თი­ერ­თო­ბა სა­ინ­ტე­რე­სო იქ­ნე­ბა.

კურო

გეგ­მე­ბის გან­ხორ­ცი­ე­ლე­ბი­სას შე­საძ­ლოა შე­ზღუდ­ვებს და წი­ნა­აღ­მდე­გო­ბას წა­ა­წყდეს. მო­ძებ­ნეთ სხვა ვა­რი­ან­ტე­ბი, იყა­ვით კრე­ა­ტი­უ­ლი. უნდა იყოთ და­ჟი­ნე­ბუ­ლი, რათა მი­ი­ღოთ ის, რაც გსურთ ან და­ას­რუ­ლოთ რა­ი­მე მნიშ­ვნე­ლო­ვა­ნი. მო­ე­რი­დეთ კა­მათს და და­პი­რის­პი­რე­ბას.

ტყუ­პი

გა­გი­ჭირ­დე­ბათ კო­მუ­ნი­კა­ცია, ნე­ბის­მი­ე­რი სა­უ­ბა­რი შე­იძ­ლე­ბა სწრა­ფად გა­და­ი­ზარ­დოს კა­მათ­ში ან ჩხუბ­ში. უმ­ჯო­ბე­სია დღე მარ­ტომ და მშვი­დად გა­ა­ტა­როთ, აკე­თოთ ის, რაც გიყ­ვართ, ნაკ­ლე­ბად ისა­უბ­როთ, თუნ­დაც საყ­ვა­რელ ადა­მი­ა­ნებ­თან. არა­ფე­რი ახა­ლი და მნიშ­ვნე­ლო­ვა­ნი დღეს არ და­ი­წყოთ.

კირჩხი­ბი

დღეს უნდა და­უთ­მოთ დრო საყ­ვა­რელ საქ­მე­ებს, რა­საც კმა­ყო­ფი­ლე­ბა მო­აქვს. გვერ­დზე გა­და­დეთ სე­რი­ო­ზუ­ლი სა­კი­თხე­ბი, ძვი­რად ღი­რე­ბუ­ლი სა­ყიდ­ლე­ბი და მოგ­ზა­უ­რო­ბა. დღეს დიდი შან­სია და­ხარ­ჯოთ დიდი თან­ხა არა­სა­ჭი­რო ნივ­თებ­ზე.

ლომი

შე­ე­ცა­დეთ და­ი­კა­ოთ პა­სი­უ­რი პო­ზი­ცია, ნაკ­ლე­ბი ისა­უბ­როთ და არ და­ი­წყოთ ახა­ლი საქ­მე­ე­ბი. 27 ივ­ლისს თქვენს სი­ტყვებ­სა თუ ქმე­დე­ბებს შე­დე­გე­ბი მოჰ­ყვე­ბა, ამი­ტომ პა­სუ­ხის გა­ცე­მამ­დე შეგ­ნე­ბუ­ლად იმოქ­მე­დეთ და ორ­ჯერ და­ფიქ­რდით. კარ­გია დრო და­უთ­მოთ ჰო­ბის და მსუ­ბუქ სა­ში­ნაო და­ვა­ლე­ბებს.

ქალ­წუ­ლი

თქვე­ნი დღე­ვან­დე­ლი სი­ტყვე­ბი გავ­ლე­ნას მო­ახ­დენს მო­მა­ვალ მოვ­ლე­ნებ­ზე, ამი­ტომ შე­ზღუ­დეთ კო­მუ­ნი­კა­ცია, ეცა­დეთ მხო­ლოდ იმა­ზე ისა­უბ­როთ, რაც კარ­გად იცით. უმ­ჯო­ბე­სია დღე სახ­ლში გა­ა­ტა­როთ, ოჯახ­თან ერ­თად. იზ­რუ­ნეთ ყო­ველ­დღი­ურ სა­კი­თხებ­ზე, იმოქ­მე­დეთ ფრთხი­ლად და გა­აზ­რე­ბუ­ლად. საყ­ვა­რე­ლი ჰობი გა­გა­ხა­ლი­სებთ.

სას­წო­რი

დღე ამაღ­ლე­ბუ­ლი ემო­ცი­უ­რი ფო­ნის მქო­ნეა. კარ­გი იქ­ნე­ბა, გან­მარ­ტო­ე­ბა და­სუფ­თა­ვე­ბა და სახ­ლში სა­სი­ა­მოვ­ნო საქ­მე­ე­ბის გა­კე­თე­ბა. მო­უს­მი­ნეთ თქვენს ინ­ტუ­ი­ცი­ას: ის გე­ტყვით ნე­ბის­მი­ე­რი სა­კი­თხის სწორ გა­და­წყვე­ტას. და­უთ­მეთ დრო და ჩა­მო­წე­რეთ ის იდე­ე­ბი, რომ­ლე­ბიც დღეს და­გე­ბა­დე­ბათ.

მო­რი­ე­ლი

სა­სარ­გებ­ლოა კო­მუ­ნი­კა­ცი­ის შე­ზღუდ­ვა და ემო­ცი­ე­ბის შე­კა­ვე­ბა. ამ გზით შეძ­ლებთ თა­ვი­დან აი­ცი­ლოთ და­ძა­ბუ­ლი სა­უ­ბა­რი ან ჩხუ­ბი სხვებ­თან. უმ­ჯო­ბე­სია, რთუ­ლი საქ­მე­ე­ბი სხვა დღის­თვის გა­და­დოთ, დღეს კი დრო და­უთ­მოთ სა­სი­ა­მოვ­ნო აქ­ტი­ვო­ბებს, თქვენს ჰო­ბის, პი­რა­დი თუ ოჯა­ხუ­რი სა­კი­თხე­ბის მოგ­ვა­რე­ბას.

მშვილ­დო­სა­ნი

მო­ემ­ზა­დეთ სირ­თუ­ლე­ე­ბი­სა და დაგ­ვი­ა­ნე­ბის­თვის. 27 ივ­ლისს მო­გი­წევთ და­მა­ტე­ბი­თი წი­ნა­აღ­მდე­გო­ბის დაძ­ლე­ვა და მეტი ძა­ლის­ხმე­ვა მიზ­ნე­ბის­კენ სვლის­თვის. მი­მარ­თეთ დახ­მა­რე­ბა გავ­ლე­ნი­ან და პრო­ფე­სი­ო­ნალ ადა­მი­ა­ნებს, ისარ­გებ­ლეთ მათი გა­მოც­დი­ლე­ბით.

თხის რქა

დღე რთუ­ლი და და­ძა­ბუ­ლია. არ არის გა­მო­რი­ცხუ­ლი, ბევ­რი დრო და­კარ­გოთ წარ­მოქ­მნი­ლი პრობ­ლე­მე­ბის გა­და­სა­ლა­ხა­ვად. ვარ­სკვლა­ვე­ბი გირ­ჩე­ვენ, ყვე­ლა მნიშ­ვნე­ლო­ვა­ნი საქ­მე სა­ღა­მომ­დე გა­და­ი­ტა­ნოთ, როცა თქვე­ნი ენერ­გია მო­ი­მა­ტებს. მე­გობ­რებ­თან შეხ­ვედ­რა და გა­სარ­თობ ღო­ნის­ძი­ე­ბებ­ზე დას­წრე­ბა თქვენ­თვის სა­სარ­გებ­ლო იქ­ნე­ბა.

მერ­წყუ­ლი

მკაცრ­მა სი­ტყვამ ან შე­ნიშ­ვნამ შე­იძ­ლე­ბა კონ­ფლიქ­ტის პრო­ვო­ცი­რე­ბა მო­ახ­დი­ნოს, ამი­ტომ დღეს თა­ვა­ზი­ა­ნი და თავ­შე­კა­ვე­ბუ­ლი, სა­უ­ბა­რი გმარ­თებთ. სა­სარ­გებ­ლოა დრო­ის გა­რეთ გა­ტა­რე­ბა, მე­გობ­რე­ბის შეხ­ვედ­რა, პარკში გა­სე­ირ­ნე­ბა. სა­ღა­მოს და­კავ­დით ჰო­ბით და აღიდ­გი­ნეთ სიმ­შვი­დე.

თევ­ზე­ბი

დღე შე­სა­ფე­რი­სია დას­ვე­ნე­ბის­თვის, მშვი­დი და სა­სი­ა­მოვ­ნო სა­მუ­შა­ოს­თვის. არ უნდა და­ი­წყოთ სე­რი­ო­ზუ­ლი ან სა­პა­სუ­ხის­მგებ­ლო საქ­მე­ე­ბი. ნუ გას­ცემთ ნაჩ­ქა­რევ პა­სუ­ხებს, ამან შე­იძ­ლე­ბა არა­ს­ა­სი­ა­მოვ­ნო სი­ტუ­ა­ცი­ა­ში ჩა­გაგ­დოთ. მოკ­ლე მოგ­ზა­უ­რო­ბე­ბი სა­ინ­ტე­რე­სო და სა­გან­მა­ნათ­ლებ­ლო იქ­ნე­ბა.

პარიზში 2024 წლის ოლიმპური თამაშების გახსნის ცერემონია მიმდინარეობს.

გახსნის ცერემონია მდინარე სენას გასწვრივ ტარდება, ის აუსტერლიცის ხიდიდან იწყება და ეიფელის კოშკის მიმდებარე ტერიტორიაზე დასრულდება.

2024 წლის ოლიმპიური თამაშების გახსნის ცერემონია ფრანგმა ფეხბურთელმა, ზინედინ ზიდანმა გახსნა.

ირაკლი კობახიძე საფრანგეთის პრეზიდენტ ემანუელ მაკრონის მიერ ოლიმპიადის მონაწილე სახელმწიფოთა ლიდერების პატივსაცემად გამართულ მიღებას დაესწრო – ამის შესახებ ინფორმაციას მთავრობის ადმინისტრაცია ავრცელებს.

როგორც გავრცელებულ განცხადებაშია ნათქვამი, საფრანგეთის პრეზიდენტი ოფიციალურ მიღებას ელისეის სასახლეში მეუღლესთან ერთად მასპინძლობდა.

„საქართველოს პრემიერ-მინისტრი ირაკლი კობახიძე საფრანგეთის პრეზიდენტის ოფიციალურ მიღებას დაესწრო, რომელიც პარიზის ზაფხულის ოლიმპიური თამაშების მონაწილე სახელმწიფოთა ლიდერების პატივსაცემად გაიმართა.

სახელმწიფოებისა და მთავრობების მეთაურებსა და საერთაშორისო ორგანიზაციების წარმომადგენლებს ემანუელ მაკრონმა, მეუღლესთან ერთად, ელისეის სასახლეში უმასპინძლა,“ – ნათქვამია ინფორმაციაში.

საქართველოს პროკურატურამ პროფესიულ საქმიანობასთან დაკავშირებით ტელეკომპანია „მთავარი არხის“ ჟურნალისტის და ოპერატორის დევნის ფაქტზე ორ პირს ბრალდება წარუდგინა. ინფორმაციას საქართველოს პროკურატურა ავრცელებს.

სპეციალური საგამოძიებო სამსახურის მიერ ჩატარებული გამოძიებით დადგინდა, რომ 25 ივლისს, ტელეკომპანია „მთავარი არხის“ ჟურნალისტი და ოპერატორი სიუჟეტის მოსამზადებლად ლანჩხუთის მუნიციპალიტეტის სოფელ სუფსაში იმყოფებოდნენ, რა დროსაც ტელეკომპანიის და ჟურნალისტების პროფესიული საქმიანობის მიმართ ნეგატიურად განწყობილი ორი პირი მივიდა მათთან და სხვადასხვა სახის შეურაცხმყოფელი შეძახილით ჟურნალისტისგან ტერიტორიის დატოვებას მოითხოვდნენ. ბრალდებულებმა ჟურნალისტს ფიზიკური შეურაცხყოფა მიაყენეს.

სპეციალური საგამოძიებო სამსახურის თანამშრომლებმა ორივე ბრალდებული 26 ივლისს დააკავეს.

მათ ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა მის პროფესიულ მოღვაწეობასთან დაკავშირებით, ჩადენილი ძალადობით) წარედგინათ, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.

პროკურატურა ბრალდებულებისთვის აღკვეთის ღონისძიების შეფარდების შუამდგომლობით, სასამართლოს კანონით დადგენილ ვადაში მიმართავს.

ცენტრალური საარჩევნო კომისიის თავმჯდომარემ გიორგი კალანდარიშვილმა საქართველოს დამსაქმებელთა ასოციაციასა და წევრი ბიზნესორგანიზაციების წარმომადგენლებს საარჩევნო სიახლეები და ელექტრონულ ტექნოლოგიები გააცნო. შეხვედრა ელექტრონულ არჩევნებთან დაკავშირებით ფართომასშტაბიანი საინფორმაციო კამპანიის ფარგლებში დღეს გაიმართა. გიორგი კალანდარიშვილმა პრეზენტაციის მიმდინარეობისას დეტალურად ისაუბრა როგორც საარჩევნო ტექნოლოგიებისა და 2024 წლის არჩევნებისთვის მზადებისა პროცესის შესახებ.

„ძალიან საინტერესო და მნიშვნელოვანი შეხვედრა გაიმართა დამსაქმებელთა ასოციაციის მხარდაჭერით. გვქონდა საშუალება ბიზნესსექტორის წარმომადგენლებისთვის მიგვეწოდებინა დეტალური ინფორმაცია იმ სიახლეებისა და ტექნოლოგიების შესახებ, რომელსაც 26 ოქტომბრის არჩევნებზე იქნება გამოყენებული. აქტიური კითხვა-პასუხის რეჟიმში ფაქტობრივად ჩვენ ამომწურავად ვისაუბრეთ ყველა აქტუალურ საკითხზე. რა თქმა უნდა, ასეთი საინფორმაციო შეხვედრები გაგრძელდება, იმისათვის რომ მაქსიმალურად მივიტანოთ ინფორმაცია ყველა ამომრჩევლამდე, რათა ერთობლივად უზრუნველვყოთ ამ არჩევნების მაღალ პროფესიულ დონეზე, საერთაშორისო სტანდარტების შესაბამისად ადმინისტრირება“, – აღნიშნა ცესკოს თავმჯდომარემ.

შეხვედრის დასასრულს გაიმართა საარჩევნო ტექნოლოგიების დემონსტრაცია და იმიტირებული კენჭისყრა. შეხვედრის მონაწილეებს საშუალება ჰქონდათ პრაქტიკაში გამოეცადათ ვერიფიკაციისა და ხმის მთვლელი აპარატების მუშაობა.

საინფორმაციო შეხვედრა საქართველოს დამსაქმებელთა ასოციაციის ინიციატივით დღეს, შერატონ მეტეხი პალასში გაიმართა და მას მოდერაციას ასოციაციის პრეზიდენტი ელგუჯა მელაძე და გამგეობის წევრი ნიკოლოზ ხუნძიკაშვილი უწევდნენ.

ტექნოლოგიური სიახლეების შესახებ ამომრჩეველთა ინფორმირება და განათლება საარჩევნო ადმინისტრაციის ერთ-ერთ მთავარ პრიორიტეტს წარმოადგენს. ელექტრონული ტექნოლოგიების დემონსტრაცია ეტაპობრივად იმართება ქვეყნის მასშტაბით ხალხმრავალ ადგილებში, საჯარო და კერძო სტრუქტურებში. დღეის მდგომარეობით უკვე ინფორმირებულია 500 000-მდე ადამიანი.

საქართველოს პრემიერ-მინისტრი ირაკლი კობახიძე ლევილის ისტორიულ მამულში მიმდინარე სამშენებლო-სარეაბილიტაციო სამუშაოებს გაეცნო. მთავრობის მეთაური ლევილში ვიცე-პრემიერთან, კულტურისა და სპორტის მინისტრ თეა წულუკიანთან ერთად იმყოფებოდა.

მინისტრმა პრემიერს მიმდინარე სამუშაოების შესახებ დეტალური ინფორმაცია მიაწოდა.

ამჟამად მიმდინარეობს ლევილის მამულის შატოს რეაბილიტაცია, რომლის სახურავი მთლიანად შეიცვალა. შატოს პირველ სართულზე განთავსდება პირველი რესპუბლიკისა და საფრანგეთ-საქართველოს ურთიერთობის ისტორიის მუზეუმი, მეორე სართულზე კი რვა საცხოვრებელი სივრცე მოეწყობა.

მამულში უკვე დასრულდა გუშაგის სახლის რეაბილიტაცია, სახელოვნებო საცხოვრებლების კეთილმოწყობა; აღდგა 4 ჰა ტერიტორიის გალავნის ავთენტიკური სახე.

როგორც მთავრობის მეთაურმა აღნიშნა, მომავალი თაობებისთვის მემკვიდრეობის შენარჩუნებას ემსახურება სამუშაოები, რომელიც ახლა ლევილში მიმდინარეობს.

„ლევილის მამული არის ჩვენი ისტორიის ნაწილი, უძვირფასესი მემკვიდრეობა. რა თქმა უნდა, მამულის რეაბილიტაცია ძალიან მნიშვნელოვანია. 2026 წლის ბოლომდე დასრულდება სარეაბილიტაციო სამუშაოები. ჩვენ უნდა შევუნახოთ მომავალ თაობებს ეს უძვირფასესი მემკვიდრეობა და ამას ემსახურება სამუშაოები, რომლებიც ახლა მიმდინარეობს“, – განაცხადა ირაკლი კობახიძემ.

2026 წლის სექტემბრამდე მამულის ტერიტორიაზე მოეწყობა – ლევილის ქართული აკადემია, სამუზეუმო და საარქივო სივრცე, ბიბლიოთეკა, საკონფერენციო დარბაზი, მედიათეკა, ქართული კუთხე. საქართველოს მთავრობის მხარდაჭერით ლევილის ისტორიული მამული სრულად აღდგება და კულტურულ-საგანმანათლებლო კერად იქცევა.

პრემიერ-მინისტრმა, ვიცე-პრემიერსა და ლევილის მერთან ერთად, პატივი მიაგო საქართველოს პირველი დემოკრატიული რესპუბლიკის მთავრობის თავმჯდომარის, ნოე ჟორდანიას ხსოვნას.

2024 წლის გამოცდების ძირითადი სესიები დღეს, 26 ივლისს დასრულდა – ამის შესახებ ინფორმაციას შეფასებისა და გამოცდების ეროვნული ცენტრი ავრცელებს.

განცხადებაში ნათქვამია, რომ პირველადი შედეგების მიხედვით, ერთიან ეროვნულ გამოცდებზე გამოცხადდა აბიტურიენტთა დაახლოებით 93%, ხოლო სტუდენტთა საგრანტო კონკურსზე აპლიკანტთა 71%. საერთო სამაგისტრო გამოცდაში მონაწილეობა მიიღო 79%-მა, მასწავლებელთა გამოცდაზე კი – 84%-მა. იყო გამოცდიდან მოხსნის ერთეული შემთხვევაც დამხმარე მასალის სარგებლობის მცდელობის გამო.

„წლევანდელმა გამოცდებმა, ვფიქრობ, წარმატებით ჩაიარა, რაც ამ უმნიშვნელოვანესი პროცესის ორგანიზებაში ჩართული თითოეული თანამშრომლის დამსახურებაა. ნაშრომების გასწორება უკვე დაწყებულია. შედეგების გამოქვეყნება აგვისტოს დასაწყისიდან ქართული ენისა და ლიტერატურის გამოცდის პირველადი შედეგებით დაიწყება. რაც შეეხება სხვა საგნებს, შედეგები ეტაპობრივად, გასწორების დასრულებისთანავე გახდება ცნობილი. გამოსაცდელი მიღებული ქულისა და საკუთარი ნაშრომის ნახვას შეძლებს ვებგვერდზე: online.naec.ge.

კიდევ ერთხელ მინდა შევახსენო აბიტურიენტებს, რომ მათ სარეგისტრაციო განაცხადში საგანმანათლებლო პროგრამების მითითებისა და შეცვლის საშუალება აპელაციების შედეგების გამოქვეყნებიდან მომდევნო დღის ჩათვლით ექნებათ. ამიტომ მინდა ვთხოვო მათ, კიდევ ერთხელ ყურადღებით გადახედონ საკუთარ არჩევანს და, სურვილის შემთხვევაში, შეიტანონ ცვლილება პროგრამების რეიტინგულ ჩამონათვალში. ასევე, ძალიან მნიშვნელოვანია, ცვლილებები შენახვის ღილაკის გამოყენებით დაიმახსოვრონ,“ – აცხადებს შეფასებისა და გამოცდების ეროვნული ცენტრის დირექტორი ნინო წერეთელი.

საქართველოს მასშტაბით 2024 წელს გახსნილი იყო სულ 24 საგამოცდო ცენტრი. გამოცდებისათვის 80 000-მდე აპლიკანტი დარეგისტრირდა, მათ შორის – ერთიანი ეროვნული გამოცდებისათვის – 47 000-ზე მეტი აბიტურიენტი; სტუდენტთა საგრანტო კონკურსისათვის – 3 000-ზე მეტი სტუდენტი; საერთო სამაგისტრო გამოცდისათვის რეგისტრაცია 10 000-ზე მეტმა მაგისტრანტობის კანდიდატმა გაიარა, მასწავლებლის გამოცდისათვის კი 18 900-ზე მეტმა აპლიკანტმა გამოთქვა მონაწილეობის სურვილი.