9 ნოემბერს, დაახლოებით 12:00 საათზე, იზმირის პროვინციის ალიაღას რაიონში, HABAŞ-ის რკინისა და ფოლადის ქარხანაში, თხევადი ფოლადის ჩამოსხმის პროცესში აფეთქება მოხდა.

იზმირის გუბერნატორის ადმინისტრაციის განცხადებით, პირველადი მონაცემებით, 3 ადამიანი დაიღუპა, 14 დაშავდა, მათგან 3-ის მდგომარეობა მძიმეა. კიდევ 10 ადამიანი ნანგრევებშია მოყოლილი. სამაშველო სამუშაოები გრძელდება.

გუბერნატორის ადმინისტრაციის წინასწარი ინფორმაციით, ინციდენტი მას შემდეგ მოხდა, რაც ჭერის ამწე მოწყობილობა მოწყდა და ელექტრორკალურ ღუმელში ჩავარდა. აფეთქებას ხანძარი მოჰყვა. ადგილზე მეხანძრეები, სამედიცინო და სამაშველო ჯგუფები მუშაობენ.

ზოგიერთი ადგილობრივი წყაროს ინფორმაციით, დაღუპულთა რაოდენობა შესაძლოა 6-მდე გაიზარდა, თუმცა ეს მონაცემი ოფიციალურად ჯერ არ დადასტურებულა. მომხდარზე გამოძიება დაიწყო.

 წყარო: