წინასწარი შედეგები მიხედვით, საქსონია-ანჰალტის საპარლამენტო არჩევნებში ულტრამემარჯვენე პარტიამ „ალტერნატივა გერმანიისთვის" გაიმარჯვა, თუმცა აბსოლუტური უმრავლესობა ვერ მოიპოვა.

ულტრამემარჯვენე პარტიამ, „ალტერნატივა გერმანიისთვის" ხმების 43.8% მიიღო და რეგიონულ პარლამენტში 83-დან 39 მანდატი მოიპოვა, პარტიას აბსოლუტური უმრავლესობისთვის სამი მანდატი დააკლდა.

გერმანიის კანცლერის, ფრიდრიხ მერცის პარტიამ, „ქრისტიან-დემოკრატიულმა კავშირმა" (CDU) ხმების 17.2% მიიღო და 15 მანდატი მოიპოვა.

ცენტრისტულ-მემარცხენე „სოციალ-დემოკრატიულმა პარტიამ" (SPD) ხმების 9.3% მიიღო, „მწვანეებმა" - 8.9%, ხოლო „მემარცხენეებმა" - 8.6%. თითოეულმა მათგანმა პარლამენტში რვა მანდატი მოიპოვა.

პარტია „ბსვ"-მ (BSW) ხმების 5.3% მიიღო და პარლამენტში ხუთი ადგილი დაიკავა.

არჩევნებში ამომრჩეველთა აქტივობა განსაკუთრებით მაღალი იყო და 77.8% შეადგინა.