უკრაინის ომბუდსმენი ქვეყნის ტერიტორიული დაკომპლექტების ცენტრებში არსებულ კორუფციაზე საუბრობს. "უკრაინსკაია პრავდასთვის" მიცემულ ინტერვიუში დმიტრო ლუბინეცმა თქვა, რომ მოქალაქეებს, 50-70 ათასი დოლარის სანაცვლოდ, ქვეყნის დატოვებაში ეხმარებიან. მათ პირდაპირ ავტობუსიდან საზღვარგარეთ გადაყვანას სთავაზობენ.

მისივე განმარტებით, კორუფციის შემთხვევები ყველაზე ხშირად უკრაინის დასავლეთში, ზაკარპატიეში ფიქსირდება. ლუბინეცმა ასევე აღნიშნა, რომ მის ხელთ არსებული ინფორმაციით, ტერიტორიული დაკომპლექტების ცენტრის ხელმძღვანელის თანამდებობა საშუალოდ 50 ათასი დოლარი ღირდა.