FOP-Fiducial-ის ახალი საპრეზიდენტო ბარომეტრით, მარინ ლე პენი პირველ ტურში ყველა შემოწმებულ სცენარში პირველ ადგილზეა — მისი მხარდაჭერა 33%-დან 35%-მდე მერყეობს.

 სცენარში, სადაც ცენტრისტების კანდიდატია გაბრიელ ატალი, ხოლო რაფაელ გლუკსმანს LFI-ს გარდა დანარჩენი მემარცხენეები უჭერენ მხარს, შედეგებია: ლე პენი — 34%, მელანშონი — 18,5%, გლუკსმანი — 17%, ატალი — 15%.

 კიდევ უფრო მკვეთრია მეორე ტურის შედეგები: ლე პენი 67%-33%-ით ამარცხებს ჟან-ლუკ მელანშონს, 55%-45%-ით — რაფაელ გლუკსმანს, 54%-46%-ით — გაბრიელ ატალსა და ფრანსუა ოლანდს, ხოლო 52%-48%-ით — ედუარ ფილიპს.

 კვლევა 24–25 აგვისტოს ჩატარდა საარჩევნო სიებში რეგისტრირებულ 1 598 რესპონდენტზე. IFOP ხაზს უსვამს, რომ შედეგები ასახავს საზოგადოებრივ განწყობას კვლევის მომენტში და არა არჩევნების საბოლოო პროგნოზს.