ძამას ხეობაში ექსკურსიის ავტომობილი გზის სავალი ნაწილიდან გადავარდა. ინფორმაციას "ქართლის ამბები" ავრცელებს

ავტოსაგზაო შემთხვევის შედეგად 6 პირი დაშავდა, მათგან 4 არასრულწლოვანია

„ქართლის ამბების" ინფორმაციით, დაშავებულები კლინიკაში გადაიყვანეს, მათი ჯანმრთელობის მდგომარეობა დამაკმაყოფილებელია.
შემთხვევა გუშინ მოხდა.

როგორც შინაგან საქმეთა სამინისტროში აცხადებენ, გამოძიება დაწყებულია 276-ე მუხლის მეორე ნაწილით, რაც გულისხმობს მოძრაობის წესების დარღვევას, რამაც სხეულის ნაკლებად მძიმე დაზიანება გამოიწვია.