საქართველოს შინაგან საქმეთა მინისტრი სულხან თამაზაშვილი ყაზახეთის რესპუბლიკას ოფიციალური ვიზიტით ეწვია.

შსს-ს ინფორმაციით, სულხან თამაზაშვილს ასტანის ნურსულთან ნაზარბაევის სახელობის საერთაშორისო აეროპორტში ყაზახეთის რესპუბლიკის შინაგან საქმეთა მინისტრი ერჟან სადენოვი დახვდა.

საქართველოს შინაგან საქმეთა მინისტრი ყაზახეთის რესპუბლიკაში ოფიციალური ვიზიტით, დელეგაციასთან ერთად იმყოფება.

ვიზიტის ფარგლებში, სულხან თამაზაშვილი კიბერდანაშაულთან ბრძოლის საკითხებზე საერთაშორისო კონფერენციაზე სიტყვით გამოვა.