“ვინც ყველაზე მაგრად იგინება, იფურთხება და კლავიატურის კაკუნისას თვალებს აბზრიალებს, მას პრეტენზია აქვს, რომ სამშობლოს იცავს!”

86
spot_img

სოციალურ ქსელში ურთიერთშეურაცხყოფა სამწუხარო ნორმადაა დამკვიდრებული, მაგრამ ვაკვირდები, რომ ამ ბოლო დროს მაინც რაღაცა ახალ, ტრაგი-კომიკურ მიმდინარეობას ეყრება საფუძველი, – ამის შესახებ სოციალურ ქსელში “პატრიოტთა ალიანსის” ლიდერი ირმა ინაშვილი წერს.

მისი თქმით, სამშობლო მოშიშვლებული საჯდომითა და მრუდე ენით კი არა, გულით, ფიქრით, საქმით, გონივრული ნაბიჯებით და რაც მთავარია, სიყვარულითაა ასაშენებელიც, გასაბრწყინებელიც და დასაცავიც.

“ვინც ყველაზე მაგრად იგინება, იფურთხება და კლავიატურის კაკუნისას თვალებს აბზრიალებს (ვითომ გვაშინებს), მას პრეტენზია აქვს, რომ სამშობლოს იცავს!!! არადა, ვინ – ვის და რატომ იცავს, არაა ამისი ამოცნობა რთული.

ეს მაგინებელ- ბრაზიანი კომენტატორები არაფრით არიან იმ შარვალჩახდილებზე უკეთესნი, სანატრელ მამულს მოშიშვლებული საჯდომებით რომ “იცავდნენ”.

სამშობლო მოშიშვლებული საჯდომითა და მრუდე ენით კი არა, გულით, ფიქრით, საქმით, გონივრული ნაბიჯებით და რაც მთავარია, სიყვარულითაა ასაშენებელიც, გასაბრწყინებელიც და დასაცავიც. მანდილოსნის (ვინც უნდა იყოს ეს მანდილოსანი: დამლაგებელი, მინისტრი, ექიმი, პედაგოგი, თუ პრეზიდენტი) შეურაცხმყოფელი… ვითომ მამაკაცი სამშობლოს, დამიჯერეთ, ვერ დაიცავს. მინახავს ასეთი არსებები ომიანობის ჟამს, კრიტიკულ ვითარებებში. გამგებმა გაიგოს!” – წერს კახა კალაძე.