“ვაგნერი იშლება და უკრაინაში აღარ იბრძოლებს, ძალიან მაგარი ამბავია” – ალექსი პეტრიაშვილი

89
spot_img

ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:

“ტერორისტმა რუსებმა დაბომბეს გუშინ რაკეტებით კრამატორსკი, რის შედეგადაც დაიღუპა 4 და დაშავდა 47 ადამიანი;
ტერორისტმა რუსეთმა, როგორც გაერომ დაადგინა, სიკვდილით დასაჯა 77 და აწამა 800 უკრაინელი მშვიდობიანი მოქალაქე!

არ ვიცი ამაზე მეტი მტკიცებულება თუ არის საჭირო, რომ პუტლერის რეჟიმი აღიარონ ტერორისტულ ქვეყნად და პუტლერი მთავარ ტერორისტად.

ჩვენები იბრძვიან თავდადებით ფრონტის ყველა მიმართულებაზე და აქვთ კარგი წინსვლა. კერძოდ,
ბახმუტის დასავლეთით ჩვენები შევიდნენ კურდიუმოვკის შემოგარენში და აღმართეს უკრაინის დროშა. მიდის გაცხარებული ბრძოლები კურდიუმოვკისთვის, ვინაიდან ეს არის საკვანძო დასახლება, სადაც გადის რკინიგზა, რომლითაც მარაგდება ბახმუტი და სოლედარი;

კლეშჩეევკას მიმართუებაზეც ჩვენებმა 1 კვადრატული კილომეტრი ტერიტორია გაათავისუფლეს და აიღეს მნიშვნელოვანი საყრდენი პუნქტები;

სრულიად გაწმინდეს სევერსკი დონეცის მიმდებარედ ტყის მასივები და ტერიტორია ურდოსებისგან;
მიდის მუშაობა ზაპოროჟიეს მიმართულებაზეც. ჩვენები მიიწევენ წინ პრიუტნეს დასახლებისკენ, აგრეთვე უახლოვდებიან უროჟაინეს დასახლებას. სტარომაიორსკის დასავლეთით მიდის მძიმე ბრძოლები.
უკრაინის შეიარაღებული ძალების წარმომადგენლები გვპირდებიან სულ მალე კარგ ახალ ამბებს;
პრეზიდენტი ზელენსკი ტელეფონით ესაუბრა მსოფლიო ლიდერებს – ბაიდენს, ტრიუდოს, რუტეს და განიხილეს მოახლოებული ვილნიუსის ნატოს სამიტი.

ამასობაში, ვრცელდება ინფორმაცია, რომ ალიანსის წევრები ვერ შეთანხმდნენ გენერალური მდივნის ახალ კანდიდატურაზე და დაითანხმეს იენს სტოლტენბერგი კიდევ 1 წლით ამ თანამდებობაზე დარჩენის საკითხში! იენსმა უნდა ჩაიბაროს გამარჯვების აღლუმი!

ამასობაში ფარჩაკი პუტლერი გამოვიდა როს.გვარდიის, შსს-ს, ფსბ-ს და სამთავრობო დაცვის დანაყოფების წინაშე და მადლობა გადაუხადა სამოქალაქო ომის თავიდან აცილებისთვის. ფხუკ! ტრაქტორისტები და მენაგვეები დაავიწყდა.

როს.გვარდიის შეფი ზოლოტოვი აყელყელავებული ჩანდა, ჩვენი ბიჭები ბოლომდე დაიცავდნენ მოსკოვსო. თანაც, გაირკვა, რომ აწი მძიმე ტექნიკასაც გადასცემენ როს.გვარდიას რომ უკეთ… დაიცვას მოსკოვი!

ამასობაში ვაგნერის დაშლა-მოშლის პროცესი გამალებით მიდის. ლუჰანსკიდან ვაგნერელები სახლებში ბრუნდებიან, სირიაში ვაგნერის მეთაურებს იჭერენ, ბელარუსში ვაგნერის შენაერთი თავის ტექნიკით შევიდა და როგორც ლუკაშამ სთქო, კარვებში განთავსდებიან, მცირე ნაწილი თავდაცვის სამინისტროსთან გააფორმებს კონტრაქტს და მძიმე ტექნიკის დიდი ნაწილი გადავა ოფიციალური სტრუქტურების განკარგულებაში!

პუტინის მიფარჩაკება ხომ არის კარგი შედეგი, მაგრამ სხვა ყველაფერთან ერთად, ვაგნერი რო იშლება და უკრაინაში აღარ იბრძოლებს, ეგეც ძალიან მაგარი ამბავია;

ლავროვი და ზოლოტოვი ერთად ეძებენ დასავლეთში ბუნტის თავებს და ორგანიზატორებს. ვრცელდება ინფორმაცია, რომ არმაგანდონ სუროვიკინი საქმის კურსში იყო და ეხმარებოდა პრიგოჟინს! ისე კი ჰქონდათ მაგასაც და ალექსეევსაც წამხდარი ნირები, ვიდეოები რო ჩააწერინეს!

გეუბნებით, არ გადაყაროთ ნაყიდი პოპკორნები. კიდევ ბევრ კარგ სახალისო ამბებს შევიტყობთ ურდოსტანიდან!

ჩინელი ელჩები რომ ტყუილად არაფერს აბრახუნებენ კი იცით ყველამ. ჰოდა ევროკავშირში ჩინეთის ელჩმა უცებ დაიჭექა, 1991 წლის საზღვრებზე რომ გავიდეს უკრაინა რას ფიქრობთო, თავის ყირიმის გათავისუფლებითო, რატომაც არაო!

500 მილიონიან დახმარებაზე კი მოგიყევით გუშინ დეტალურად და ახლა გეტყვით, რომ ამერიკელი სენატორები მიმართავენ წერილობით ისრაელს, რომ დათანხმდეს უკრაინისთვის “რკინის გუმბათის” ჰსთ სისტემის გადაცემას! ამერიკელებსაც აქვთ ეგენი და მწარმოებელი ისრაელის თანხმობის შემთხვევაში შეუძლიათ გადასცენ უკრაინას!

ატაკამსები, ფ-16-ები რკინის გუმბათი და პატრიოტები, ბევრი ჭურვები და აბრამსის ტანკები – ეს ყველაფერი იქნება უკრაინის გამარჯვებისთვის!

უკრაინა გაიმარჯვებს 2023-ში! საქართველო, არ დაგვღუპოს ამ ძალადობამ 2023-ში! პუტლერის რეჟმი გრუხუნით ჩამოინგრევა 2023-ში!
დიდება უკრაინას!
გაუმარჯოს საქართველოს!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.