“უნგრეთის პრემიერ-მინისტრის მაღალი შეფასება უაღრესად მრავლისმეტყველია” – დავით ზარდიაშვილი

48
spot_img

დავით ზარდიაშვილი სოციალურ ქსელში ვიქტორ ორბანის განცხადებას ეხმაურება:

“ბრავო ირაკლი ღარიბაშვილს! მართლაც საამაყო იყო მისი გამოსვლა!

უნგრეთის პრემიერ-მინისტრის ეს მაღალი შეფასება უაღრესად მრავლისმეტყველია:

ეს ნიშნავს, რომ საქართველოს ხმა დღევანდელ მსოფლიოში ძალუმად ისმის. ეს ნიშნავს, რომ ჩვენი ქვეყანა დღეს, ამ არეულობასა და ომიანობაში კვლავაც მტკიცედაა უფლის მხარეს – სიმართლის, სამართლის, სამართლიანობისა და მშვიდობის მხარეს. ეს ნიშნავს, რომ საქართველო ურყევადა დგას საკუთარ სჯულზე და მეტიც: იგი ერთ-ერთი ბურჯია ქრისტეს სჯულისა.

საცა სიმართლეა, სამართალია, სამართლიანობაა, სამართლის იდეაა, ე.ი. საცა სჯულია – იქ საქართველო ლიდერი ქვეყანაა და არა აუტსაიდერი! მას კი ასწავლიან, არამედ მისგან სწავლობენ! იგი “კანდიდატი” კი არ არის, არამედ როგორც იმთავითვე, უწინაც, და აწ და მარადის ქრისტეს კვართის მცველი ქვეყანა!”– წერს დავით ზარდიაშვილი.

შეგახსენებთ, რომ საქართველოს პრემიერ-მინისტრი ირაკლი ღარიბაშვილი კონსერვატიული პოლიტიკური მოქმედების ყოველწლიურ კონფერენციაზე (CPAC), ბუდაპეშტში იმყოფება.

“აქ არის პრემიერ-მინისტრი საქართველოდან, ჩვენ შეგვიძლია ბევრი რამ ვისწავლოთ მისგან, როგორ უნდა მოახერხოს პატარა ქვეყანამ რუსეთის ჩრდილში ცხოვრება ისე, რომ შეინარჩუნოს საკუთარი ქვეყნის ღირებულებები,” – ამის შესახებ უნგრეთის პრემიერ-მინისტრმა ვიქტორ ორბანმა, კონსერვატიული პოლიტიკური მოქმედების ყოველწლიურ კონფერენციაზე (CPAC), ბუდაპეშტში განაცხადა.

მისი თქმით, საქართველოს პრემიერ-მინისტრის ცოდნა ნამდვილად დასაფასებელია.

“მე ვხედავ რამდენიმე კოლეგას დარბაზში, მე ვხედავ იმ ადამიანებს რომლებსაც განსაკუთრებით ვაფასებ. აქ არის პრემიერ-მინისტრი საქართველოდან, ჩვენ შეგვიძლია ბევრი რამ ვისწავლოთ მისგან, როგორ უნდა მოახერხოს პატარა ქვეყანამ რუსეთის ჩრდილში ცხოვრება ისე, რომ შეინარჩუნოს საკუთარი ქვეყნის ღირებულებები. მისი ცოდნა ნამდვილად დასაფასებელია ამ მხრივ. გისურვებთ წარმატებებს”, – განაცხადა ვიქტორ ორბანმა.