“უნგრეთი და თურქეთი ორმხრივი ურთიერთობების კიდევ უფრო გაღრმავებაზე შეთანხმდნენ” – პიტერ სიიარტო

95
spot_img

უნგრეთი და თურქეთი ორმხრივი ურთიერთობების კიდევ უფრო გაღრმავებაზე შეთანხმდნენ, – ამის შესახებ უნგრეთის საგარეო საქმეთა მინისტრმა, პიტერ სიიარტომ თურქეთის პრეზიდენტის უნგრეთში ვიზიტზე საუბრისას განაცხადა.

მისივე თქმით, რეჯეფ თაიფ ერდოღანი და ვიქტორ ორბანი ორ ქვეყანას შორის სტრატეგიული პარტნიორობის ჩამოყალიბების პრიორიტეტულობასა და კრიზისულ სიტუაციებში ურთიერთდახმარების შესახებ ხელშეკრულების ხელმოწერაზე შეთანხმდნენ.

უნგრეთის საგარეო საქმეთა მინისტრმა ასევე აღნიშნა, რომ უნგრეთი დაინტერესებულია თურქეთიდან გაზის იმპორტში. სიიარტოს თქმით, თურქეთის სატრანზიტო როლი კიდევ უფრო გაძლიერდება, როდესაც ძალაში შევა შეთანხმება ბუნებრივი აირის აზერბაიჯანიდან და თურქმენეთიდან ევროპის ბაზარზე იმპორტის შესახებ.

ბუდაპეშტში აცხადებენ, რომ ერდოღანი უნგრეთს კიდევ ერთხელ 18 დეკემბერს ესტუმრება, როდესაც სტრატეგიული საბჭოს უმაღლესი დონის შეხვედრა გაიმართება.