გერმანიის კანცლერმა ოლაფ შოლცმა ხაზგასმით აღნიშნა, რომ ის შეეცდება თავიდან აიცილოს გერმანიის ჩათრევა უკრაინის ომში. ამის შესახებ Deutsche Welle წერს შოლცის Augsburger Allgemeine-თან მიცემულ ინტერვიუზე დაყრდნობით.
„ჩემი სურვილია თავიდან ავიცილოთ[ომში ჩართვა] ამიტომ, მაგალითად, უკრაინაში არ არიან გერმანელი ჯარისკაცები – და არც იქნებიან”, – განაცხადა შოლცმა.
ჟურნალისტის კითხვაზე, თუ როგორ ხედავს ბერლინისა და მოსკოვის ურთიერთობის პერსპექტივას რუსეთის პრეზიდენტის ვლადიმერ პუტინის კრემლში, ხელისუფლებაში დარჩენის პირობებში, ოლაფ შოლცმა უპასუხა: „ვინ სად ზის[რა თანამდებობებს იკავებს] ჩვენ არ ვწყვეტთ”.
„ჩვენ არც რეჟიმის შეცვლას ვგეგმავთ” – აღნიშნა გერმანიის კანცლერმა.
