“სხვა ალტერნატივა აღარ დარჩა, არანაირი “მესამე გზა” არ არსებობს”

224
spot_img

“ჯორჯიან თაიმსის” ბლოგი

ავტორი: დემურ გიორხელიძე

BRICS-ის (ბრაზილია, რუსეთი, ინდოეთი, ჩინეთი და სამხ. აფრიკა) ხვედრითი წილი მსოფლიო მთლიან შიდა პრდუქტში (მშპ) 31,5% გახდა და გადააჭარბა.

G7-ის (ანუ “დიდი შვიდეულის”, – შვიდი ყველაზე განვითარებული სახელმწიფოს) წილს (30,7%) მსოფლიო მშპ-ში. ეს უპირატესობა ძირითადად განაპირობა ჩინეთისა და ინდოეთის ეკონომიკების მნიშვნელოვანმა დაწინაურებამ. ამას ემატება უდიდესი უპირატესობა მოსახლეობის რაოდენობაში, ევროპის ეკონომიკური პრობლემები და პროცესები, რომლებიც შეუქცევადს ხდის ახალი მსოფლიო წესრიგის ჩამოყალიბებას!

სამყარო იცვლება! ქართველებს სჭირდებათ: საღი აზრი, პრაგმატიზმი, პროფესიული პოლიტიკა, განათლება და მეცნიერება, საღი ურთიერთგამაწონასწორებელი და ურთიერთშემაკავებელი ინსტიტუტები, შეთანხმება საერთო “თამაშის წესებზე” და შეთანხმება მომავალზე! ამისთვის კი აუცილებელია დამპალ იდეოლოგიურ გავლენაზე უარის თქმა (რომელსაც არაფერი აკავშირებს დასავლურ კულტურასთან) და იმ ნაგვისგან ქვეყნის ~ გაწმენდა, რაც 30 წელმა ააყვავა და საზოგადოებრივ-პოლიტიკური თუ ხელისუფლებების ავანსცენებზე წამოასკუპა!

ახლა ასეთი პერიოდია: “ან-ან”. სხვა ალტერნატივა აღარ დარჩა! არანაირი “მესამე გზა” არ არსებობს! ხომ ხედავთ, ყალბი ლოზუნგების ამოფარებით, ტერორისტული ჯგუფების მომზადება და იდეოლოგიურ მონათა აღზრდის პროცესი მიდის. მართალია, მათ არაფერი შეუძლიათ, მაგრამ ისინი საფრთხეს შეუქმნიან ქართულ დამოუკიდებელ სახელმწიფოს!

არჩევანი საღ ქართველებზეა! არ გსურთ დღედაღამ შრომა და მდგომარეობის გამოსწორება?! მდგომარეობა თავად გაასწორებს მიწასთან ქართველებს!