საქართველო თავის ღირსეულ და სათანადო ადგილს დაიკავებს ევროატლანტიკურ და ევროპულ სივრცეში, დარწმუნებული ვარ, უახლოეს მომავალში წარმატებით გავართმევთ თავს – ვიქტორ დოლიძე

9
spot_img

საქართველო თავის ღირსეულ და სათანადო ადგილს დაიკავებს ევროატლანტიკურ და ევროპულ სივრცეში, ჩვენ ამასთან დაკავშირებით ვმუშაობთ ჩვენს პარტნიორებთან, სტრატეგიულ მოკავშირეებთან ერთად, რასაც დარწმუნებული ვარ, უახლოეს მომავალში წარმატებით გავართმევთ თავს, – განაცხადა ნატოს საიუბილეო სამიტთან დაკავშირებით ნატოში საქართველოს ელჩმა ელჩმა ვიქტორ დოლიძემ.

„პოლიტიკური დეკლარაცია წარმოადგენს ნატოს ვაშინგტონის სამიტის უმთავრეს პოლიტიკური ხასიათის დოკუმენტს, სადაც ალიანსის წევრები კონკრეტიკაში არ შესულან და აქ იყო ზოგადი ხასიათის პოლიტიკური განაცხადი იმ საიუბილეო სამიტთან დაკავშირებით, რომელიც მიეძღვნა ნატოს დაარსების 75 წლის იუბილეს. თუმცა, ბუნებრივია აქაც საქართველომ თავისი ადგილი დაიკავა და ვფიქრობ, არა მხოლოდ პარტნიორობის, არამედ სხვა ჭრილში და სხვა თემებთან დაკავშირებით, მათ შორის არის პარტნიორი ქვეყნების გაღებული წვლილი და მსხვერპლი ნატოს საერთაშორისო ოპერაციებში, საერთაშორისო უსაფრთხოების დაცვაში. დარწმუნებული ვარ, რომ საქართველო თავის ღირსეულ და სათანადო ადგილს დაიკავებს ევროატლანტიკურ და ევროპულ სივრცეში, ჩვენ ამასთან დაკავშირებით ვმუშაობთ ჩვენს პარტნიორებთან, სტრატეგიულ მოკავშირეებთან ერთად, რასაც დარწმუნებული ვარ, უახლოეს მომავალში წარმატებით გავართმევთ თავს“, – განაცხადა ვიქტორ დოლიძემ.