საბერძნეთში ტყის ხანძრების გაჩენის ბრალდებით, 79 ადამიანი დააკავეს

67
spot_img

საბერძნეთში ტყის ხანძრების გაჩენის ბრალდებით. 79 ადამიანი დააკავეს. სამოქალაქო დაცვის მინისტრის, ვასილის კიკილიასის თქმით, ათენიდან ჩრდილო-დასავლეთით, პარნიტას მთაზე ხანძრის ახალი კერების გაჩენის რამდენიმე მცდელობა იყო. ცეცხლის გაჩენის შემთხვევებს საბერძნეთის პოლიცია და სადაზვერვო სამსახური იძიებენ.

„თქვენ ქვეყნის წინააღმდეგ დანაშაულს სჩადიხართ. ცეცხლის წამკიდებელი არამზადები აჩენენ ცეცხლს, რომელიც ემუქრება ტყეებს, საკუთრებას და რაც მთავარია, ადამიანების სიცოცხლეს. თქვენ ეს არ შეგრჩებათ. ჩვენ გიპოვით და პასუხს გაგებინებთ“, – განაცხადა კიკილიასმა საგანგებო ბრიფინგზე.

საბერძნეთში ხანძრის ასობით კერაა. სტიქიას მიმდინარე კვირაში ქვეყანაში 20 ადამიანი ემსხვერპლა. ცეცხლის ჩაქრობაში მთელი ქვეყნის მასშტაბით ასობით მეხანძრეა ჩართული.