რუსმა ოკუპანტებმა ბახმუტში „გადამწვარი მიწის“ ტაქტიკის გამოყენება დაიწყეს, – ამის შესახებ უკრაინის შეიარაღებული ძალების სახმელეთო ჯარების მეთაურმა, ალექსანდრ სირსკიმ განაცხადა.
„მტერი გადავიდა, როგორც ამბობენ, „სირიულ, გადამწვარი მიწის“ ტაქტიკაზე. ისინი ანადგურებენ შენობებს საჰაერო დარტყმებით, თუმცა ბახმუტის დაცვა გრძელდება. სიტუაცია რთულია, მაგრამ კონტროლირებადი“, – განაცხადა სირსკიმ.
უკრაინის სახმელეთო ჯარების მეთაურმა აღნიშნა, რომ რუსეთი იძულებული გახდა, ბრძოლაში ჩართოს სპეცრაზმი და საჰაერო თავდასხმის დანაყოფები. ალექსანდრ სირსკი ბახმუტის ფრონტის ყველაზე ცხელ წერტილებში იმყოფებოდა. მედიიის ინფორმაციით, მას საუბარი ჰქონდა სამხედრო ნაწილების მეთაურებთან, ასევე ადგილზე ადგენდა დავალებებს.
