“როგორც ჩანს, ნატოში ყველას კარგად არ ესმის, რომ ომია” – კაია კალასი

85
spot_img

ესტონეთის პრემიერ-მინისტრი კაია კალასი მიიჩნევს, რომ ნატოს ქვეყნების თავდაცვის დაბალი ხარჯები სახელმწიფოების მხრიდან რეალობის ცუდად აღქმის განცდას აჩენს. ამის შესახებ მან ნატოს სამიტის ფარგლებში გამართულ ექსპერტთა ფორუმზე გამართულ დისკუსიაზე განაცხადა.

კაია კალასმა აღნიშნა, რომ ნატოს მიდგომა თავდაცვის მიმართ მნიშვნელოვნად განსხვავდება იმისგან, რაც იყო 1990-იანი წლების ბოლოს.

„1998 წელს ნატოს ყველა წევრმა მშპ-ს 2% დახარჯა თავდაცვაზე. რატომ? რადგან ყველა გრძნობდა, რომ საფრთხე რეალური იყო, ცივი ომი ახლახან დასრულდა. ახლა კი მხოლოდ 11 სახელმწიფო აკმაყოფილებს ამ სტანდარტს”, – განმარტა ესტონეთის პრემიერმა.

აღსანიშნავია, რომ გადაწყვეტილება თავდაცვის ხარჯების დაუყოვნებლივ 2%-მდე გაზრდის შესახებ 2014 წელს უელსის სამიტზე მიიღეს.

„იქნებ ახლა ყველა ვერ ხვდება, რომ ახლომახლო ნამდვილი ომი მიმდინარეობს?“, – აცხადებს კაია კალასი.